Lam Dipajonok Akka Ilmuwan do Jarum Jam ni Jam Kiamat tu Tonga Borngin—Aha do na Didok Bibel Taringot i?

Di tanggal 24 Januari 2023, dibahen akka ilmuwan ma jarum penunjuk menit di Jam Kiamata lam jonok tu tonga borngin. Tonga borngin lapatanna i ma ujung ni portibi on.

• “Alani porang di Ukraina, ancaman perang nuklir, dohot cuaca ekstrim, di ari Selasa, dipajonok akka ilmuwan ma jarum jam ni ‘Jam Kiamat’ tu tonga borngin.”—AFP International Text Wire.

• “Di ari Selasa, dibahen akka ilmuwan ma jarum jam ni ‘Jam Kiamat’ lam jonok tu tonga borngin. Saonari gabe 90 detik nai ma tu tonga borngin. Nga jonok hian be saonari akka jolma tu armagedon.”—ABC News.

• “Nungnga dipaingot akka ilmuwan internasional na lam berbahaya do situasi ni akka jolma saonari sian na sebelumna jala boi do punah akka jolma sian tano on.”—The Guardian.

Toho do lam jonok kehancuran ni tano on dohot akka jolma? Mabiar do hamu tu na lao terjadi annon di masa depan? Aha do na didok Bibel taringot i?

Masa depan ni tano on dohot akka jolma

Bibel mandok, “hot do anggo tano on saleleng ni lelengna” jala “mangolu ma [akka jolma] disi saleleng ni lelengna”. (Parjamita 1:4; Psalmen 37:29) Jadi, dang na lao hancur tano on dibahen akka jolma manang gabe so boi be diingani.

Alai memang, dipaboa do di Bibel na lao marujung nama portibi on. Contohna adong do didok, “na lao salpu nama portibi on”.—1 Johannes 2:17.

• Lao mamboto aha lapatan ni na didok Bibel taringot na lao marujung portibi on, jaha ma artikel “Tutu do Naeng Kiamat Portibi on? Tutu do Adong Dipaboa di Bibel na Lao Dihancurhon Sude Portibi on?”

• Lao mamboto na didok Bibel taringot akka na lao terjadi di masa depan, jaha ma artikel “Kapan Dunia Ini Akan Berakhir?”

Toktong ma marpikkiran positif

Boi do Bibel mangurupi hita asa toktong marpikkiran positif nang pe godang masalah di portibi on saonari. Songon dia carana?

• Adong do di Bibel akka nasehat na denggan. (2 Timoteus 3:16, 17) Contohna, jaha ma artikel “Cara Asa Unang Terlalu Khawatir” asa diboto hamu songon dia Bibel mangurupi hamu toktong marpikkiran positif nang pe godang masalah di parngoluonmuna.

• Adong do di Bibel harapan taringot ari na naeng ro. (Rom 15:4) Nungnga dipaboa hian di Bibel akka na terjadi saonari on dohot na lao terjadi di masa depan. Gabe sai pos ma rohatta na lao denggan do annon ujungna dang soal manang aha na terjadi di portibi on saonari.

Godang do akka na bermanfaat na boi dapotmuna sian Bibel. Alani i, las rohanami mangundang hamu asa dicoba hamu sadari on kursus marsiajar Bibel gratis.