Lam Godang do Kejahatan di Portibi on—Aha do na Didok Bibel Taringot i?

Lam parah do situasi di Haiti alani kejahatan ni akka geng. Songon i do tong na masa di Afrika Selatan, Meksiko, dohot di negara-negara Amerika Latin. Jala gabe mabiar do akka halak mambege barita sisongon i, nang pe dang pola godang kejahatan na terjadi di negara ni nasida.

Aha do na didok Bibel taringot kejahatan na terjadi di portibi on?

Na didok Bibel taringot kejahatan na terjadi saonari

Nungnga dipaboa hian di Bibel taringot kejahatan na masa saonari. On ma sada sian “tanda ni panutup ni jaman on”. (Mateus 24:3) Tikki dipaboa Jesus Kristus taringot akka tanda ni panutup ni jaman on, songon on ma didok ibana:

• “Ala lam godang hajahaton, lam ngali ma holong ni godang jolma.”—Mateus 24:12.

Dipaboa do muse di Bibel taringot pangalaho ni akka halak di “ari parpudi”. Akka halak saonari “dang diboto mangorom diri, parmuruk-muruk, makkasogohon na denggan”. (2 Timoteus 3:1-5) Alani i ma godang saonari terjadi kejahatan.

Alai adong do janji ni Debata na disurat di Bibel na mandok, dang na lao adong be kejahatan di ari na naeng ro.

• “Satokkin nai, dang adong be akka parjahat. Molo dilului ho nasida, dang juppangmu be nasida. Alai molo halak na lambok roha, dilehon do tano on gabe parbagianan ni nasida, marlas ni roha situtu ma nasida, ai dame do ngolu ni nasida.”—Psalmen 37:10, 11.

Asing ni i, adong do muse dipaboa di Bibel janji ni Debata taringot ari na naeng ro. Jala boasa boi pos rohamuna, sude na terjadi saonari on nungnga dipaboa hian i di Bibel. Asa boi diboto hamu taringot i, jaha ma akka artikel na mangihut.

“Harapan na Massai Denggan na Lao Saut di Ari na Naeng Ro”

“Aha do Tanda ni ‘Ari Parpudi’ manang ‘Ujung ni Ari’ i?”

“Naung Dipaboa Hian do di Bibel Pangalaho ni Halak di Tikkitta Saonari?”