Boasa Saksi Jahowa Dang Mamakke Silang di Panombaon Nasida?

Dirimpu godang halak, silang do tanda ni halak Kristen. Nang pe Saksi Jahowa halak Kristen, alai dang dipakke hami silang tikki manomba Debata. Boasa?

Alana, Bibel patorakkon molo Jesus mate di sada tiang dang mate diparsilangkon. Asing ni i, Bibel pasingotton halak Kristen asa pasidikkon “parsombaon tu ganaganaan”. Lapatanna, dang boi pakkeon silang tikki manomba Debata.—1 Korint 10:14 Bibel siganup ari; 1 Johannes 5:21.

Takkas do didok Jesus, “Apala sian on ma tandaon ni halak saluhutna, hamu siseanku: Molo masihaholongan hamu.” (Johannes 13:34, 35) Marhite hata on takkas ma dipatudu Jesus molo holong, i ma tanda ni akka siihutton ibana, dang silang manang gombar na asing.