Satolop do Saksi Jahowa tu Kreasionisme?

Dang satolop. Nang pe Saksi Jahowa porsea molo Debata do na manoppa saluhutna, alai, dang satolop hami tu kreasionisme. Boasa? Alana, adong ajaran ni kreasionis na maralo tu ajaran ni Bibel. Parrohahon ma on:

1. Leleng ni ari panoppaon. Akka na satolop tu kreasionisme mandok, molo onom ari panoppaon i, onom hali 24 jom. Alai, hata “ari” na disurat di Bibel boi do patuduhon tikki na massai leleng.—1 Musa 2:4; Psalmen 90:4.

2. Leleng ni Tano on. Akka na satolop tu kreasionisme mandok, molo tano on lelengna holan marribu taon dope. Alai, Bibel mandok molo tano on dohot alam semesta nungnga adong andorang so onom ari panoppaon. (1 Musa 1:1) Alani i, satolop do hami tu sains na mandok molo leleng ni tano on, ra nungnga marmilliar taon.

Nang pe Saksi Jahowa porsea molo Debata do na manompa saluhutna, alai dang sogo rohanami tu sains. Pos do rohanami molo isi ni Bibel hombar do tu sains.