Aha do na Porlu Huboto Taringot Pelecehan Seksual?​—Bagian 2: Pemulihan Diri

Asa unang torus merasa bersalah

Godang do korban pelecehan seksual na maila ala nungnga dilecehon. Bahkan didok roha ni nasida, nasida do na ikkon martanggung jawab tu pelecehan i. Ida ma pengalaman ni si Karen na marumur 19 taon. Hea do ibana mengalami pelecehan seksual sian umur 6 sahat tu 13 taon. Didok ibana, “Torus do au merasa bersalah alani i. Sai hudok do di bagasan rohakku, ‘Boasa hupaloas dilecehon au sappe leleng?’”

Molo songon i na dihilala hamu, pikkirhon ma on:

• Dang songon halak na dewasa fisik dohot emosi ni dakdanak. Alani i, dang siap dope dakdanak lao berhubungan seks. Dang diattusi nasida dope aha hubungan seks i. Jala dang diboto nasida aha na ikkon diulahon tikki adong na mamaksa nasida mangulahon seks. Jadi molo adong sahalak dakdanak na mengalami pelecahan seksual, dang ibana na sala disi.

• Biasana, mura do dakdanak porsea tu halak naung dewasa. Jala dang mura dakdanak curiga tu rencana jahat na dibahen sahalak pelaku pelecehan seksual. Alani i, mura do dakdanak gabe korban pelecehan. Bukku The Right to Innocence mandok, “Panipu na massai licik do ‘pelaku pelecehan seksual’. Alani i ma, mura do dakdanak gabe korban ni nasida.”

• Tikki dilecehon, boi do dakdanak terangsang secara seksual. Sebenarna sada hal na wajar do i. Alana boi do gabe terangsang hita tikki adong na manjama bagian tubuhta na sensitif. Molo hea dihilala hamu songon i, unang ma merasa bersalah. On dang berarti na setuju hamu tikki dilecehon manang gabe dohot hamu na martanggung jawab alani i.

Saran: Coba ma ingot sahalak dakdanak na ditanda ho na sarupa umurna dohot umurmu tikki mengalami pelecehan seksual. Dung i pikkirhon ma, ‘Seandaina dilecehon dakdanak i secara seksual, adil do molo dohot dakdanak i dianggap bersalah?’

Denggan do i dipikkirhon si Karen tikki ibana gabe pengasuh ni tolu dakdanak. Sada sian dakdanak i umurna hampir onom taon. Sarupa ma i tu umur ni si Karen tikki dilecehon ibana. Didok si Karen, “Husadari ma molo dakdanak na marumur nasa i, dang diboto manang aha taringot seks jala dang boi mangalo tikki adong na melecehon ibana. Au pe songon i do tikki nasa i umurhu.”

Na sasittongna: Halak na mangulahon pelecehan seksual i do na ikkon martanggung jawab tu pelecehan na diulahon tu hamu. Bibel mandok, “Manang ise na mangulahon na jahat, dihukum ma ibana alani ulaonna na jahat i.”​—Hesekiel 18:20.

Manfaatna molo tapaboa i tu sasahalak

Molo dilecehon ho secara seksual, paboa ma i tu halak na dewasa na dihaporseai ho. Molo diulahon ho songon i, boi ma gabe lubbang pakkilalaanmu. Bibel mandok, “Sai dipatudu ale-ale do holong ni roha jala songon haha anggi do i tikki masa sitaonon.”​—Poda 17:17.

Memang, gabe tenang do ra dihilala hamu molo dang diceritahon hamu i tu halak na asing. Hira na dibangun hamu ma tembok na boi melindungi hamu asa unang lam haccit rohamuna. Alai molo dang diceritahon hamu i, gabe dang boi halak na asing mangurupi hamu.

Sahalak anak boru na margoar si Janet, hea do mengalami pelecehan seksual. Alai gabe lubbang do dihilala ibana dung dipaboa i tu halak na asing. Didok ibana, “Tikki gelleng, hea do au dilecehon sasahalak na hutanda jala na huhaporseai. Jala saleleng martaon-taon, dang hea hupaboa i manang tu ise pe. Alai dung hupaboa i tu omakku, gabe lubbang hian ma huhilala.”

Tikki diingot-ingot si Janet muse aha na dialami ibana, gabe diattusi ibana ma boasa adong na mabiar lao paboahon tu halak na asing na hea nasida mengalami pelecehan seksual. Didok si Janet, “Borat do lao menceritahon taringot pelecehan seksual. Alai molo di au, ubborat do huhilala molo sai husippan i di bagasan rohakku. Molo hatop i hupaboa, gabe hatop ma lubbang pakkilalaakku.”

“Adong do tikkina pamaluppon”

Boi do gabe dang mararga dihilala hamu dirimuna molo dilecehon hamu secara seksual. Misalna, boi do didok rohamuna nungnga sega be hamu. Manang holan pemuas nafsu seksual ni halak na asing do hamu. Saonari ma tikkina ikkon diuba hamu cara marpikkirmuna na sala i. Molo diulahon hamu i, lam leleng boi do lam tarapul rohamuna. (Parjamita 3:⁠3) Aha do na boi mangurupi hamu?

Marsiajar Bibel. Bibel marisi pikkiran ni Debata jala marhuaso. Jala boi do i mangaruppakkon “akka naung togu dipajongjong”, termasuk ma i cara marpikkir na sala taringot dirimuna. (2 Korint 10:​4, 5) Misalna, jaha jala pikkirhon ma akka ayat on: Jesaya 41:10; Jeremia 31:3; Maleaki 3:​16, 17; Lukas 12:​6, 7; 1 Johannes 3:​19, 20.

Martangiang. Tikki dang mararga be dirimuna dihilala hamu, jala sai torus hamu merasa bersalah, “pasahat ma holso ni roham tu Jahowa” marhite tangiang. (Psalmen 55:22) Ingot ma, sai didongani Jahowa do hamu!

Akka sintua di huria. Nungnga dilatik akka sintua asa boi “gabe songon inganan partabunian sian alogo, songon inganan parlinggoman sian udan haba-haba”. (Jesaya 32:⁠2) Boi do nasida mangurupi hamu asa seimbang mangida diri sandiri, jala boi marlas ni roha lao mandalani ngolumuna.

Akka dongan na burju. Coba ma parrohahon bawa dohot borua na boi gabe contoh na denggan ala mangihutton prinsip ni Bibel. Parrohahon ma songon dia nasida tikki bergaul dohot halak na asing. Boi do annon diida hamu, dang sude halak olo mangulahon pelecehan seksual tu halak na dihaholongi nasida.

Songon i ma na dihilala sahalak borua na margoar si Tanya. Sian na gelleng, godang do bawa na mangulahon pelecehan seksual tu ibana. Didok ibana, “Justru, bawa na jonok tu au do na mangulahon pelecehan seksual tu au.” Alai boi do ujungna diida si Tanya na adong do bawa na tulus makkaholongi sasahalak. Aha do na mangurupi ibana?

Mardongan do si Tanya dohot sapasang suami istri na gabe teladan. Gabe muba ma cara marpikkir ni si Tanya. Didok ibana, “Sian cara ni si suami makkaholongi istrina, gabe husadari ma dang sude bawa olo mangulahon pelecehan seksual. Dilindungi suamina do istrina. Songon i do sebenarna na dihalomohon Debata.”a​—Epesus 5:​28, 29.