Songon dia do Pandapot ni Saksi Jahowa taringot tu Parsirangan?
Marsitutu do hami mangulahon poda sian Bibel taringot tu parsaripeon dohot parsirangan. Na tinuju ni Debata mambahen parsaripeon, i ma asa boi bawa dohot borua mardongan saripe saleleng-lelengna. Bibel paboahon, holan alani parmainanon do sasahalak boi marsirang.—Mateus 19:5, 6, 9.
Diurupi Saksi Jahowa do akka halak na sursar parsaripeonna?
I do, marhite:
Publikasi. Adong do akka sijahaon na boi mangurupi na mardongan saripe asa martahan parsaripeonnasida nang pe sipata adong ambat-ambat. Umpamana, ida ma artikel “Mempertahankan Komitmen dalam Perkawinan”, “Bagaimana Agar Bisa Memaafkan” dohot “Membangun Kembali Kepercayaan”.
Parpunguan. Diulas hami do akka poda sian Bibel taringot tu parsaripeon di parpunguan dohot di kebaktian.
Akka Sittua. Rade do akka sittua mangurupi na mardongan saripe asa mangihutton poda ni Bibel songon na disurat di Epesus 5:22-25.
Ikkon disetujui sittua do parsirangan ni sahalak Saksi?
Dang songon i. Boi do akka sittua mangurupi parsaripeon na sursar, alai dang na gabe nasida na manottuhon aha na ikkon diulahon na marsaripe i. (Galatia 6:5) Molo dang alani parmainanon na marsaripe marsirang, dang boi nasida marhasohotan tu na asing.—1 Timoteus 3:1, 5, 12.
Songon dia do pandapot ni Saksi taringot na padao-dao?
Dijujui Bibel do na mardongan saripe asa toktong marsada dohot dongan saripena nang pe adong parsoalan. (1 Korint 7:10-16) Godang do parsoalan na boi dipasae molo marsitutu martangiang, mangihutton poda ni Bibel, jala marsitutu patuduhon holong.—1 Korint 13:4-8; Galatia 5:22.
Nang pe songon i, adong do parsoalan na mambahen akka na mardongan saripe padao-dao:
Dang disarihon keluargana.—1 Timoteus 5:8.
Jotjot mamukkuli dongan saripena.—Psalmen 11:5.
Diorai mangulahon sude ulaon partondion. Umpamana, sasahalak mamaksa dongan saripena na Saksi asa unang mangulahon patik ni Debata. Molo masa sisongon i, boi do dipillit na Saksi i padao-dao alana “ingkon oloan do [hita] di Debata asa di jolma”!—Ulaon ni Apostel 5:29.