Saluran TV Satelit JW Sahat tu Inganan na So Adong Internet

Ganup bulan, sai dipaima hami do akka acara na patoguho parale-aleonnami tu Jahowa dohot akka video na disiarhon di JW Broadcasting. Alai, godang akka dongan na di Afrika dang boi manonton akka acara on melalui internet. Boasa songon i?

Godang do di Afrika na terbatas jaringan Internetna. Jala molo adong pe internet, massai lambat do jaringanna manang arga. Contohna, sahalak pengawas wilayah di Madagaskar, holan naeng man-download sada acara bulanan di JW Broadcasting, ikkon didownload ibana do i mamakke internet na adong di kafe. Alai, ikkon dibayar ibana do i hira-hira 230 ribu rupiah (16 dolar AS). Hape piga-piga halak, olo do dang sappe nasa i penghasilanna di bagasan saminggu.

Nang pe adong kesulitan, alai marjuta halak di Afrika boi do manonton JW Broadcasting nang pe dang mamakke Internet. Songon dia carana?

Mulai 2017, nungnga dibahen JW Broadcasting tu akka halak na tinggal di sub-Sahara Afrika melalui saluran TV satelit. Gratis do saluran TV on na dibahen di bagasan 16 bahasa jala boi do diida ganup ari.

Asa boi songon i, disewa Saksi Jahowa ma saluran TV di sada satelit lao menyiarhon akka acara on melalui satelit. Satelit on, boi mencapai hira-hira 35 negara di sub-Sahara Afrika. Biaya lao mambayar sewa ni satelit on, lobi sian 173 juta perbulan (12.000 dolar AS). Alai sipata, olo do gabe tamba biaya molo adong acara na disiarhon secara langsung. Alana ikkon disewa do muse saluran TV na asing. Alani i, gabe boi ma marribu halak menikmati akka kebaktian manang kunjungan wakil kantor pusat.

Godang do halak, termasuk ma na so Saksi Jahowa boi mangida saluran TV satelit JW di jabu ni nasida. Alai adong do akka donganta na so mampu manuhor akka peralatan na lao dipakke asa boi manonton saluran satelit on. Lao mangurupi akka donganta on, dibahen ma akka peralatan penerima satelit on di lobi sian 3.670 Bale Harajaon. Alani i, gabe boi akka donganta on manonton JW Broadcasting di Bale Harajaon. Molo nungnga adong TV manang proyektor di Bale Harajaon i, hira-hira sajuta (70 dolar AS) ma biaya lao manuhor akka peralatan penerima satelit on, termasuk ma i biaya pengirimanna. Alai molo so adong dope TV manang proyektor, olo do sappe pitu juta (530 dolar AS) lao manuhor akka peralatan i.

Mandok mauliate do akka donganta ala adong saluran satelit on. Sahalak sintua di Kamerun mandok, “Dos songon manna tikki di padang gurun ma on di keluarganami.” Sahalak donganta bawa di Nigeria na margoar si Odebode mandok, “Tolu hali ma saminggu keluarganami manonton saluran JW on. Sai dipaima-ima anakkonnami do lao manonton di saluran on. Tikki manonton na asing hami, sai dipangido nasida do asa digatti saluranna.” Si Rose, na tong tinggal di Nigeria mandok, “Daripada sai manonton berita au ganup ari, saonari holan saluran satelit JW on nama na hutonton. Tikki manonton berita au, olo do gabe muruk au alani barita i jala olo do gabe naik darah tinggikku. Alai tikki manonton JW Broadcasting, gabe patoguhon roha do i jala gabe dame do huhilala. On ma saluran favorittu. Sada pasu-pasu na massai balga do on sian Jahowa.”

Sahalak pengawas wilayah di Mozambik mandok, di Bale Harajaon na adong di wilayahna nungnga adong dibahen peralatan satelit on. Akka dongan di huria, nungnga sahat di Bale Harajaon sajom manang lobi sebelum dimulai manonton acara JW Broadcasting melalui satelit.

Taon 2019 tikki kebaktian international di Johannesburg Afrika Selatan, disiarhon ma akka jamita melalui saluran satelit on, termasuk ma i akka jamita sian anggota Punguan na Mangaradoti na disiarhon di sia lokasi na berbeda. Si Sphumelele, sian Departemen Broadcasting setempat di cabang Afrika Selatan mandok, “Sebelumna, melalui Internet do disiarhon akka jamita on. Alai asa boi disiarhon, ikkon denggan do jaringan Internet jala ikkon mambayar paket data. Alai molo saluran satelit JW on, ummura do jala dang tergantung tu jaringan.”

Mauliate ma tu sumbangan na dilehon hamu tu ulaonta na di liat portibi on. Alani sumbanganmuna i, godang donganta na di Afrika gabe boi manonton JW Broadcasting melalui saluran satelit. Diargai hami do sumbanganmuna i, na dilehon hamu marhite godang cara melalui donate.jw.org.