Akka Misionaris “Sahat tu Ujung ni Tano on”

Didok Jesus do tu akka apostelna, “Paboaonmuna ma taringot tu au . . . sahat tu ujung ni tano on.” (Ulaon ni Apostel 1:8) Saonari, semangat do Saksi Jahowa lao mangulahon na didok di ayat on. Alai, godang nai dope akka negara, termasuk ma i akka negara na luas dohot na padat pendudukna na so hea dope mambege barita na uli. Jala adong do piga-piga negara na holan saotik Saksi Jahowa na adong disi. (Mateus 9:37, 38) Jadi, aha ma na ikkon taulahon asa boi juppangta godang halak?

Lao mangulahon paretta ni Jesus on, ditugasson Panitia Dinas sian Punguan na Mangaradoti ni Saksi Jahowa ma akka misionaris tu daerah na membutuhkan di seluruh dunia. Adong hira-hira 3.090 misionaris di seluruh dunia.a Godangan sian nasida nungnga mandapot pelatihan sikkola Alkitab, songon Sikkola tu Parbarita Harajaon. Akka misionaris on, olo do maninggalhon huta ni nasida jala pinda tu negara na asing. Jadi ala togu do haporseaon ni nasida, nungnga dilatik jala nungnga berpengalaman, akka misionaris on ma na godang mangurupi hita pasahatton barita na uli. Jala gabe contoh na denggan do nasida tu akka halak na baru.

Mangurupi Akka Misionaris asa Boi Mangurupi na Asing

Di ganup kantor cabang, bekerjasama do Bagian Pelayan Lapangan sian Departemen Dinas dohot Panitia Cabang lao memenuhi kebutuhan ni akka misionaris, songon mangalehon tempat tinggal na nyaman, perawatan kesehatan, dohot mangalehon tunjangan lao memenuhi kebutuhan ni nasida. Saleleng taon dinas 2020, lobi sian 385 milliar rupiah (27 juta dolar AS) ma hepeng na dipakaluar Saksi Jahowa lao memenuhi kebutuhan ni akka misionaris. Mauliate ma di akka persediaan i. Alana gabe boi ma akka misionaris i fokus mangalehon tikki dohot gogo ni nasida lao marbarita. Jala boi do nasida muse patoguhon akka na di huria di tempat ni nasida bergabung.

Songon dia do akka misionaris on bermanfaat di ulaon marbarita? Si Frank Madsen sahalak Panitia Cabang di Malawi mandok, “Alani keberanian dohot keterampilan ni akka misionaris on, gabe boi ma diurupi nasida akka huria marbarita di daerah na maol dikarejohon, songon daerah na ketat keamananna dohot daerah na godang halak na berbahasa na asing. Jala berupaya do nasida marsiajar bahasa dohot kebudayaan setempat asa boi patoguhon na asing. Diurupi nasida do muse akka naposo, asa termotivasi akka naposo i dohot tu dinas sepenuh waktu. Mauliate ma tu Jahowa alani akka misionaris on.”

Sahalak Panitia Cabang sian negara na asing mandok, “Dibuktihon akka misionaris on do molo Saksi Jahowa i marsada do di seluruh dunia. Gabe boi ma takkas diida akka na so Saksi Jahowa, na so tabeda-bedahon budaya. Alai hasittongan na sian Bibel mangurupi hita asa marsada dohot akka donganta di seluruh dunia.”

Songon dia do akka misionaris on mangurupi akka halak na di huria? Si Paulo na sian Timor-Leste, mamuji misionaris na ditugasson tu huria ni nasida. Didok ibana, “Mohop hian do di hutanami on. Alai nang pe misionaris i ro sian daerah na ngali, torus do nasida marbarita. Torus do nasida dohot tu pertemuan dinas lapangan. Jala sering do huida nasida lao di tikki tonga ari manjuppangi muse akka halak, hape mohop hian do ari. Jala olo do muse lao nasida tikki borngin. Godang do na diurupi nasida marsiajar Bibel, termasuk ma au. Semangat do nasida mangalehon ngolu ni nasida tu Jahowa. Alani i, gabe termotivasi ma akka na di huria lao mangalehon na dumenggan tu Jahowa.”

Si Ketti, sahalak perintis biasa sian Malawi paboahon songon dia misionaris na suami istri mangurupi keluargana. Didok ibana, “Tikki ditugasson misionaris na suami istri i tu hurianami, holan au dope naung gabe Saksi Jahowa di keluargakku. Alai didukung jala diurupi misionaris i do au, jala gabe jonok do nasida tu keluargakku. Teladan ni nasida i mangurupi akka gellengku mangida, na boi do bahagia ngolutta jala puas molo manomba Jahowa. Alani motivasi na denggan sian misionaris on, saonari nungnga gabe perintis biasa be tolu borukku. Jala suamikku pe, nga olo be dohot marpungu.”

Sian dia do biaya na dipakke tu akka kebutuhan ni misionaris on? Sian akka sumbangan na dilehon sian seluruh dunia. Jala godang do sumbangan i na dilehon marhite donate.jw.org. Mauliate ma tu sude akka sumbanganmuna i.