Diingot Hamu do?
Nungnga taparsiajari be sude Joujou Paboahon terbitan 2023. Saonari taalusi ma akka sukkun-sukkun on:
Aha do maksudna ‘paubahon pikkiran’? (Rom 12:2)
Asa boi tapauba pikkiranta, ikkon torus do tapareso diritta jala tabahen perubahan na porlu asa sesuai pangalahotta tu standar ni Jahowa.—w23.01, hlm. 8-9.
Boha do carana asa toktong seimbang tikki mangida akka na masa di portibi on?
Lomo do rohatta mamboto akka na masa di portibi on menggenapi surirang. Alai manat ma hita asa unang mambahen kesimpulan sandiri. Ikkon sesuai do akka na tahatahon tu publikasitta. (1 Kor. 1:10)—w23.02, hlm. 16.
Aha do bedana pandidion ni Jesus dohot pandidion ni akka siseanna?
Dang porlu Jesus membaktihon dirina tu Jahowa. Alana ibana tubu di bangso naung dibaktihon tu Jahowa. Dang porlu Jesus bertobat alana dang mardosa ibana.—w23.03, hlm. 5.
Songon dia do hita boi mangalehon kesempatan tu akka dongan lao markomentar?
Singkat ma bahen komentarta jala unang ma takomentari sude gagasan.—w23.04, hlm. 23.
Aha do na digombarhon “Dalan na Badia” na dipaboa di Jesaya 35:8?
Di jaman ni halak Israel “Dalan na Badia”, i ma dalan na dibolus nasida tikki mulak sian Babel. Di jamanta saonari “Dalan na Badia”, i ma mangihutton cara na sittong lao manomba Jahowa. Sebelum taon 1919, nungnga adong akka halak na paradehon “Dalan na Badia”. Misalna mencetak dohot menerjemahon Bibel.—w23.05, hlm. 15-19.
Manggombarhon aha do dua borua na dipaboa di Poda bindu 9?
Sada borua manggombarhon bisuk jala na sada nai manggombarhon haotoon. Tu “bagasan Kuburan” do na manjalo undangan ni borua na oto i. Alai mangolu salelengna do na manjalo undangan ni borua na marbisuk. (Poda 9:1, 6, 13, 18)—w23.06, hlm. 22-24.
Songon dia do Jahowa patuduhon na masuk akkal Ibana jala serep rohana tikki maradoppon si Lot?
Disuru Jahowa do si Lot asa kaluar sian Sodom jala lari tu inganan na mardolok-dolok. Alai tikki dipangido si Lot asa tu Kota Zoar ibana lari, dioloi Jahowa do pangidoanna i.—w23.07, hlm. 21.
Aha do na boi diulahon istri molo mangida pornografi suamina?
Unang ma disalahon ibana dirina. Ikkon torus do dipatogu ibana parale-aleonna tu Jahowa. Porlu do dirimangi ibana pengalaman ni akka borua na disurat di Bibel. Jala boi do diurupi ibana suamina padaohon diri sian situasi na mambahen suamina targoda mangida pornografi.—w23.08, hlm. 14-17.
Boasa ikkon marbisuk hita tikki adong na naeng berdebat taringot haporseaotta?
Sian sukkun-sukkun ni sasahalak, boi ma taboto aha na dipikkirhon ibana. Hasilna gabe lambok jala denggan ma caratta mangalusi nasida.—w23.09, hlm. 17.
Aha do na boi taparsiajari sian si Maria?
Tikki diboto si Maria na lao gabe omak ni Messias ibana, dipangido ibana do bantuan sian na asing. Dipatogu si Elisabet do si Maria jala dipaboa ibana do akka surirang taringot Messias. Dipaboa si Gabriel do muse gumodang hatorangan taringot tugas ni si Maria. Hita pe boi do margogo ala diurupi akka dongan.—w23.10, hlm. 15.
Songon dia do cara ni Jahowa mangalusi tangiangta?
Marjanji do Jahowa tangihononna tangiangta. Alai dipikkirhon Ibana do kaitan ni tangiangta tu lomo ni rohana. (Jer. 29:12) Olo do dang sarupa cara ni Jahowa mangalusi tangiangta, alai pos ma rohatta pasti urupanna do hita.—w23.11, hlm. 21-22.
Boasa ma pola dipaboa si Paulus muse taringot ‘pos ni roha tu janji ni Debata’ di Rom 5:4, hape nungnga dipaboa ibana taringot i di ayat 2?
Ala marsiajar Bibel sasahalak, gabe pos do rohana na lao mangolu salelengna do ibana di tano on. On ma na dipaboa di Rom 5:2. Alai na dipaboa di Rom 5:4, i ma songon dia ibana martahan tikki masa sitaonon. Dung i gabe pos ma rohana na las do roha ni Debata tu ibana. Hasilna, gabe lam tamba ma pos ni rohana tu janji ni Debata i. Alana nga bagas i tarsuan di roha dohot di pikkiranna.—w23.12, hlm. 12-13.