Barita na Uli taringot Aha?

1. Barita na uli aha sian Debata?

Dihalomohon Debata do asa sude jolma mandapot hangoluan na sonang di tano on. Ditompa do tano on dohot nasa isina ala dihaholongi Ibana manisia. Ndang sadia leleng nai, bahenon ni Debata ma ari na naeng ro na dumenggan tu sude jolma. Dipasiding ma nasa na mambahen parungkilon ni manisia.​—Jaha Jeremia 29:11.

Ndang adong harajaon di portibi on na boi pasidingkon hajungkaton, sahit, manang hamatean. Alai, adong barita na uli. Tongkin nari, mamarenta ma Debata manggantihon sude harajaon ni manisia. Hilalaon ni bangsoNa ma hadameon dohot hahipason.​—Jaha Jesaya 25:8; 33:24; Daniel 2:44.

2. Boasa mansai ringkot barita na uli i?

Dung diripashon Debata angka parjahat sian tano on, marujung ma sitaonon. (Sepania 2:3) Andigan ma masa i? Angka hajahaton dohot na masa saonari on na manusai jolma manisia nunga disuriranghon Bibel hian. Angka i patuduhon ndang sadia leleng nai ro ma rimas ni Debata laho manguhum.​—Jaha 2 Timoteus 3:1-5.

3. Aha ma na ingkon taulahon?

Hita ingkon marsiajar taringot tu Debata sian HataNa, Bibel. Songon sada surat sian ama na parholong do buku on. Dipaboa Bibel do tu hita songon dia asa dumenggan parngoluonta saonari jala songon dia asa boi mandapot hangoluan salelenglelengna di tano on. Alai, adong do ra na so marlomo ni roha molo adong na mangurupi hamu laho mangantusi Bibel. Alai, magopo ma i, i ma ari na denggan na naeng ro i molo tatinggalhon parsiajaran i.​—Jaha Poda Sian Raja Salomo 29:25; Pangungkapon 14:6, 7.