Referensi tu Parpunguan Hangoluan dohot Pangkobasion na Laho Diparsiajari
4-10 NOVEMBER
ARTA NA ARGA NA ADONG DI BIBEL 1 JOHANNES 1-5
“Unang ma Haholongi Hamu Portibi on dohot Angka na di Bagasanna”
w05-IN 1/1 10 ¶13
Ihuthon ma Jesus
13 Ra, adong do na mandok ndang sude sala na di portibi on. Alai sasintongna, molo taihuthon portibi on, gabe ndang taharingkothon be manomba Jahowa. Angka na di portibi on boi mambahen hita gabe lam dao tu Debata. Memang, ndang sude sala na adong di portibi on. Alai, molo gabe tahaholongi sudena i, parohon jea do i tu hita. (1 Timoteus 6:9, 10) Godang do muse na so denggan di portibi on. Umpamana, godang do film manang acara tv na patuduhon kekerasan, mangkaringkothon hepeng, manang na mangulahon seks. Molo sai tatonton i, olo do gabe didok rohanta ndang sala i. Ujungna gabe tarela-ela ma hita mangulahon i. Asing ni i, molo marsaor hita dohot halak na holan mangkaringkothon hepeng, gabe i do tong na rumingkot di ngolunta.—Mateus 6:24; 1 Korint 15:33.
w13-IN 15/8 27 ¶18
Ingkon Gabe Halak na Songon dia do Hamu?
18 Asa ndang taihuthon portibi on dohot na di bagasanna, taingot ma na disurat si Johannes di Bibel. Didok, “Na laho salpu do portibi on dohot hisap-hisapna, alai mangolu saleleng ni lelengna do halak na mangulahon lomo ni roha ni Debata.” (1 Joh. 2:17) Memang molo taida, songon na denggan do pamarentaon ni Sibolis. Alai sada tingki laho ripashonon ni Debata do i. Molo tongtong taingot na laho salpu do portibi ni Sibolis on, gabe ndang tarela-ela be hita tu sude na i.
Mangalului Arta na Adong di Bibel
w13-IN 15/9 10 ¶14
Pos ma Rohanta tu Sipasingot sian Jahowa
14 Di Angka Buku Junani Kristen, dijujui do hita asa mangkaholongi na asing. Didok Jesus, “Ingkon haholonganmu do donganmu jolma doshon dirim.” On do patik na paduahon jala na rumingkot. (Mat. 22:39) On do tong na didok si Jakobus. Didok ibana holong i, “patik na umbalga”. (Jak. 2:8) Apostel Johannes pe mandok, “Hamu angka na hinaholongan, ndang parenta na imbaru na husurathon tu hamu, alai parenta na leleng i do naung binegemuna sian mulana i.” (1 Joh. 2:7, 8) Lapatan ni “parenta na leleng” na didok si Johannes on, i ma asa mangkaholongi. Didok pe i parenta “na leleng” ala nunga “sian mulana” parenta i dibahen Jesus. Alai boasa gabe didok muse on parenta “na imbaru”? Alana, na laho muba do situasi ni angka siihuthon Jesus. Jadi ringkot do dipatudu nasida holong na so mangkaringkothon diri. Sai taingot ma sipasingot on, asa unang mangkaringkothon diri jala tongtong mangkaholongi na asing.
it-1-IN 116 ¶4
Manalpuhon Hasalaan
Tingki martangiang, denggan do molo tapangido tu Debata asa disalpuhon hasalaan ni angka donganta. I do na diulahon si Musa. Ditangiangkon ibana do bangso Israel, asa disalpuhon Debata dosa ni nasida. Ditangihon Debata do tangiangna i. (4 Mus 14:19, 20) Dung sae dipauli bagas joro, martangiang do si Salomo, asa disalpuhon Debata hasalaan naposona, molo marhamubaon nasida. (1Raj 8:30, 33-40, 46-52) Di jolo ni natorop, diakkui si Esra do hasalaan ni halak Jahudi na mulak tu huta ni nasida. Alani tangiangna i, gabe olo do nasida mambahen hamubaon, asa disalpuhon Jahowa hasalaan ni nasida. (Esr 9:13–10:4, 10-19, 44) Dijujui si Jakobus do angka halak na mangulahon hasalaan, asa dipangido tu angka sintua laho manangiangkon nasida. Dungkon i, ‘sesaon ni Debata ma dosa ni nasida’. (Jak 5: 14-16) Alai, adong do “dosa na parohon hamatean”, i ma dosa na mangalo tondi parbadia, na sengaja diulahon. Ndang sesaon ni Debata dosa sisongon i. Jala ndang boi tatangiangkon halak na mangulahon dosa sisongon i.—1Joh 5:16; Mat 12:31; Heb 10:26, 27; ida it-1-IN 595, DOSA; it-2-IN 653, ROH.
11-17 NOVEMBER
ARTA NA ARGA NA ADONG DI BIBEL 2 JOHANNES 1–JUDAS
“Ingkon Marsitutu do Hita Asa Tongtong di Hasintongan”
w04-IN 15/9 11-12 ¶8-9
“Anggiat ma Dilehon Tuhan Gogo tu Hamu”
8 Taboto do siasat ni Sibolis. Alana dipaboa Bibel do taringot i. (2 Korint 2:11) Hea do mangolu sahalak na tigor, i ma si Job. Dibahen Sibolis do gabe marpogos ibana, mate angka gellengna, dialo keluargana ibana, marsahit, jala didok angka donganna hata na posi tu ibana. Gabe marsak do si Job. Dirimpu ibana nunga ditadingkon Debata ibana. (Job 10:1, 2) Di tingkinta saonari on, memang ndang langsung Sibolis na mambahen hita susa. Alai godang do halak Kristen na mangkilala sitaonon songon si Job. Boi do situasi sisongon i dipangke Sibolis laho mambahen hita marsak.
9 Di tingki parpudi on, godang do na boi mambahen hita gabe dao sian Jahowa. Godang halak saonari sai holan mangalului hepeng. Ndang ringkot di nasida marale-ale tu Debata. Angka sitontonon dohot sijahaon pe godang na patuduhon ulaon seks na so patut, asa dirimpu angka halak ulaon sisongon i do na mambahen las roha ni nasida. Jala godang do halak saonari gabe “holongan tu giot-giot ni rohana sian tu Debata”. (2 Timoteus 3:1-5) Boi do pamingkirion sisongon i mambahen hita gabe dao sian Jahowa molo ndang ‘tapartahanhon haporseaon sian nasa gogonta’.—Judas 3.
Mangalului Arta na Adong di Bibel
it-2-IN 546 ¶1
Pesta dohot Dongan Sahaporseaon
Ndang adong dipaboa di Bibel taringot songon dia pesta on diulahon, jala sadia jotjot dibahen pesta on. (Judas 12) Ndang hea disuru Jesus manang angka apostelna asa diulahon pesta on. Jala ndang na ingkon diulahon halak Kristen on. Adong na mandok, angka halak Kristen na mamora do na mambahen pesta on. Alana, nasida naeng manamue angka halak Kristen na pogos. Di pesta i rap mangan jala marsaor do angka na so marama, na mabalu, na mamora dohot na susa.
it-2-IN 830 ¶6
Batu
Bahasa Junani na asing i ma spilas. Boi do lapatanna, batu karang na buni di bagasan aek. Dipangke si Judas do i gabe tudosan, laho manggombarhon angka halak na masuk tu huria alai marsangkap na so denggan. Dos songon batu karang na boi mambahen bahaya angka kapal, angka halak na masuk tu huria i pe boi do mambahen bahaya huria. Didok ibana angka halak sisongon i “songon batu karang na buni di toru ni aek.”—Judas 12.
Halomoan ni Debata do Ibana
Aha do na disurirangkon si Henok? Didok ibana, “Nunga ro Tuhan i mardongan angka na badiana, na marloksaloksa, manguhumi saluhutna dohot maminsang saluhut parjahat, ala ni nasa ulaonnasida na jahat na binahennasida dohot ala ni saluhut hatanasida na tois, na hinatahon ni angka parjahat dompak Ibana.” (Judas 14, 15) Molo taparrohahon ayat on, hira naung masa ma na dipaboa ni si Henok i. Songon i ma cara ni angka panurirang di ari na mangihut paboahon baritanasida. Ala pos situtu do rohanasida na laho masa surirang i, hira naung masa ma baritanasida i!—Jesaya 46:10.
Halomoan ni Debata do Ibana
Sitiruon do haporseaon ni si Henok tu hita. Songon dia do pangkilalaanta mangida portibi on? Dos do songon pangkilalaan ni Debata? Barita panguhuman na dipasahat si Henok dos do songon barita panguhuman na tapaboa saonari. Masa ma aek na sumar di tingki ni si Noak songon naung dipaboa si Henok. Jala na laho masa do muse panguhuman na umbalga di ari na naeng ro. (Mateus 24:38, 39; 2 Petrus 2:4-6) Saonari, nunga rade be Debata dohot angka surusuruanNa laho mangaripashon angka parjahat. Sai taingot ma barita ni si Henok jala tapaboa ma tu na asing. Olo do ra ndang sahaporseaon hita dohot keluarga manang alealenta jala olo do ra lungun rohanta alani i. Ndang hea Jahowa manadingkon si Henok. Suang songon i ma saonari, ndang tadingkononNa halak na marsihohot tu Ibana!
18-24 NOVEMBER
ARTA NA ARGA NA ADONG DI BIBEL PANGUNGKAPON 1-3
“Huboto do Angka na Niulam”
w12-IN 15/10 13-14 ¶8
Pangalaho na Songon dia do na Dipatudu Hamu?
8 Asa unang songon i hita, ingot ma aha na didok Bibel taringot Jesus. Digombarhon do ibana maniop “pitu bintang” di tangan siamunna. Angka “bintang” i manggombarhon angka sintua na miniahan. Alai boi do i lapatanna sude angka sintua. Jesus do na mangatur angka “bintang” i hombar tu lomo ni rohana. (Pgk. 1:16, 20) Diboto Jesus do aha na masa tu angka sintua, ala ibana Pamimpin ni huria Kristen. Jala digombarhon do “matana songon api na marnala-nala”. Alani i, diboto ibana do molo adong sahalak sintua na porlu dipinsang. Jala ulahononna ma i di tingki dohot cara na pas. (Pgk. 1:14) Alani i, ingkon taargai do angka dongan na dilantik gabe sintua marhite tondi parbadia. Didok si Paulus, “Oloi hamu ma angka na manguluhon hamu jala unduk ma hamu tu nasida. Ai dijaga nasida do hamu jala hombar tu parniulaon ni nasida do uhumon ni Debata nasida. Molo diulahon hamu i, las ma roha ni nasida mangulahon ulaon ni nasida. Alai molo ndang diulahon hamu i, marsak ma nasida jala ndang parohon laba i tu hamu.”—Heb. 13:17.
w12-IN 15/4 29 ¶11
Dilinggomi Jahowa do Hita Asa Malua
11 Parnidaan na disurat di Pangungkapon bindu 2 dohot 3 patuduhon molo Jesus Kristus mamareso pitu huria di Asia Kecil. Di parnidaan i, dipatudu do molo Jesus mamparrohahon ganup marsada-sada huria i. Dipaboa ibana do angka na ringkot sian angka huria i dohot piga-piga halak disi. Dipuji ibana do nasida manang dilehon do sipaingot. Aha do lapatan ni parnidaan i tu hita? Pitu huria i manggombarhon angka halak Kristen na miniahan dung taon 1914. Nang pe sipaingot i dilehon tu angka halak Kristen na miniahan, alai sude naposo ni Jahowa boi mandapot laba sian i. Boi ma tadok, dipangke Jahowa do anakna laho manogu-nogu naposona. Songon dia hita boi mandapot laba sian i?
w01-IN 15/1 20-21 ¶20
Sai Ihuthon ma Organisasi ni Jahowa
20 Asa boi mangihuthon organisasi ni Jahowa, ingkon unduk do hita tu “ulu ni huria” na dilantik Debata, i ma Jesus Kristus. (Epesus 5:22, 23) Parrohahon muse aha na didok di Jesaya 55:4, “Ida ma, sitindangi tu angka bangso ibana hulehon, bahen partogi dohot silehon patik tu angka bangso.” Diboto Jesus do songon dia carana mamimpin. Jala ditanda ibana do angka biru-biru dohot na diulahon nasida. Gariada, tingki dipareso Jesus pitu huria na di Asia Kecil, sampe lima hali do didok ibana, “Huboto do angka na niulam.” (Pangungkapon 2:2, 19; 3:1, 8, 15) Songon Jahowa, diboto Jesus do na tahaporluhon. Andorang so dilehon Jesus contoh ni Tangiang Hatopan, didok ibana, “Diboto Amamuna do na porlu di hamu andorang so dipangido hamu tu Ibana.”—Mateus 6:8-13.
Mangalului Arta na Adong di Bibel
Harajaon ni Debata Mangaropukhon Musuna
8 Surirang ni Jesus taringot tu tingki parpudi patuduhon adong na laho masa andorang so Armagedon. Taparsiajari ma dua na masa na disurat di buku Mateus, Markus dohot Lukas.—Jaha Mateus 24:29-31; Mrk. 13:23-27; Luk. 21:25-28.
10 Ditontuhon ma panguhuman. Sude musu ni Harajaon ni Debata dipaksa mangida angka na masa na mambahen nasida mabiar. Didok Jesus, “Idaonnasida ma Anak ni jolma i ro marhitehon ombun, mantat hagogoon dohot hasangapon godang.” (Mrk. 13:26) Tanda on patuduhon naung dapot tingki ni Jesus laho manguhumi. Dipatorang Jesus do muse di surirang na asing panguhuman naung ditontuhon. Taida ma hatorangan ni panguhumon on di tudosan taringot tu birubiru dohot hambing. (Jaha Mateus 25:31-33, 46.) Sude na parsidohot tu Harajaon ni Debata didok birubiru. Jala padirgakon ni nasida ma uluna ala diboto ‘nunga jonok haluaon ni nasida’. (Luk. 21:28) Alai, sude na mangalo tu Harajaon ni Debata digoari hambing, jala “mangangguhi ma” ala diboto upa ni nasida, i ma hamatean na salelengna.—Mat. 24:30; Pgk. 1:7.
w09-IN 15/1 31 ¶1
Angka na Denggan sian Buku Pangungkapon—I
2:7—Aha do “paradeiso ni Debata” i? Tu halak na miniahan do didok hata on. Jadi surgo do lapatan ni hata paradeiso dison. Dapotan upa ma angka halak na miniahan na tongtong setia. Boi ma dipangan nasida “parbue ni hau hangoluan.” Jala mangolu ma nasida salelengna.—1 Kor. 15:53.
25 NOVEMBER–1 DESEMBER
ARTA NA ARGA NA ADONG DI BIBEL PANGUNGKAPON 4-6
“Opat Hoda dohot na Mangkunduli”
Angka Ise do Na Mangkunduli Hoda I?
Ise do na mangkunduli hoda na bontar i? Buku Pangungkapon paboahon molo na mangkunduli i didok “Hata ni Debata”. (Pangungkapon 19:11-13) Jesus do na didok gabe Hata, ala ibana do na pasahathon Hata ni Debata. (Johannes 1:1, 14) Didok do muse ibana “Raja ni angka raja jala Tuan ni angka tuan” jala “Nasatia jala Nasintong”. (Pangungkapon 19: 11, 16, Bibel siganup ari) Tangkas ma, marhuaso do Jesus laho marporang jala ndang pangkeonna huasona i laho mangulahon na sala manang na jahat. Alai, gabe tubu do sungkunsungkun na asing.
wp17.3 4 ¶5
Angka Ise do Na Mangkunduli Hoda I?
Andigan do i masa? Parrohahon ma na mangkunduli hoda na parjolo, i ma Jesus. Dung dapotan tumpal do ibana asa mangkunduli hoda i. (Pangungkapon 6:2) Andigan do Jesus gabe Raja di surgo? Didok di Bibel, ndang pintor gabe raja Jesus dung dipahehe. (Heber 10:12, 13) Dipaboa Jesus do tu angka siseanna angka tanda asa diboto nasida andigan do ibana mulai mamarenta di surgo. Jesus mandok, susa do parngoluon di portibi on di mula ni pamarentaonna i. Masa ma porang, haraparon, dohot angka sahit. (Mateus 24:3, 7; Lukas 21:10, 11) Masa ma i sude ndang leleng dung Porang Dunia na parjolo taon 1914, i ma ari hasusaan na nidok ni Bibel “tingki parpudi”.—2 Timoteus 3:1-5.
Angka Ise do Na Mangkunduli Hoda I?
Na mangkunduli hoda on, manggombarhon porang. Didok, buatonna ma hadameon sian saluhut tano on. Di taon 1914, masa ma porang dunia na parjolo na mansai balga. Dungkon i, masa ma muse porang dunia na paduahon na umbalga sian i. Pigapiga halak mandok, lobi sian 100 juta halak ma na mate alani porang i! Jala, mansai godang do halak na gabe lungka alani i.
wp17.3 5 ¶4-5
Angka Ise do Na Mangkunduli Hoda I?
“Jadi huida, adong ma hoda sada na birong; ditiop na mangkunduli hoda i do sada dasing [manang, “timbangan”] di tanganna. Jadi hubege do songon soara di tongatonga ni na opat parngolu i mandok: Sasolup eme sahupang, jala tolu solup eme na rara sahupang; ia miak dohot anggur, unang hahua!”—Pangungkapon 6:5, 6.
Na mangkunduli hoda on manggombarhon haraparon. Sian ayat i, taboto ma mansai arga do sipanganon. Sasolup (0,7 kilogram) eme argana sahupang, i ma gaji ni parkarejo sadari di abad na parjolo! (Mateus 20:2) Jala sahupang i, boi do tong manuhor tolu solup (2,1 kilogram) eme na rara, i ma sipanganon na ummura sian eme. Alani i, maol do mangalehon mangan molo godang ianakhon. Di tingki i, dipasingot do angka halak asa diantan manganhon sipanganon siganup ari, songon miak dohot anggur.
wp17.3 5 ¶8-10
Angka Ise do Na Mangkunduli Hoda I?
Hoda na paopathon manggombarhon hamatean alani sahit manang na asing. Ndang sadia leleng dung taon 1914, masa ma sahit flu spanyol na pamatehon marpulu juta halak. Ra, hirahira 500 juta halak ma na hona, sapartolu sian penduduk ni portibi on di tingki i!
Alai mulana dope i. Angka ahli paboahon, marratus juta halak mate alani sahit cacar saleleng taon 1900-an. Saonari, gabe jempek do umur ni jolma binahen ni sahit AIDS, tuberkulosis (TBC), dohot malaria nang pe angka dokter marsitutu mangalului ubatna.
Porang, haraparon, manang sahit, parohon hamatean. Jala ndang marnasae Banua Toru papunguhon angka bangke ni na mate.
Mangalului Arta na Adong di Bibel
re-IN 76-77 ¶8
Habangsa ni Jahowa na Sangap na di Surgo
8 Diboto si Johannes do adong angka malim na dilantik Jahowa laho marhobas di bagas joro di tingki najolo. Alani i, ra gabe longang do rohana tu parnidaan na mangihut, “Di humaliang ni habangsa i adong 24 habangsa. Huida ma adong 24 sintua na hundul di habangsa i marabit na bontar, jala di ulu ni nasida adong mahkota na sian mas.” (Pangungkapon 4:4) Ndang angka malim na hundul di habangsa i, alai 24 sintua do. Dilehon do tu nasida mahkota, dos songon raja ma nasida. Ise do angka sintua i? I ma angka halak Kristen na miniahan na dipahehe Jahowa laho mamarenta di surgo, songon naung dijanjihon Jahowa. Sian dia taboto?
re-IN 80 ¶19
Habangsa ni Jahowa na Sangap na di Surgo
19 Manggombarhon ise do angka kerubim i? Laho mamboto alusna, parrohahon ma sada parnidaan na dipaboa panurirang Hesekiel. Diida si Hesekiel do Jahowa hundul di habangsana di ginjang ni sada hureta na di surgo, rap dohot angka suru-suruan na suman tu na dipaboa si Johannes. (Hesekiel 1:5-11, 22-28) Di tingki na asing, diida si Hesekiel do muse hureta dohot angka suru-suruan i. Alai, didok si Hesekiel ma molo suru-suruan i, i ma kerubim. (Hesekiel 10:9-15) Tontu, opat suru-suruan di parnidaan si Johannes on manggombarhon angka kerubim na sangap di organisasi ni Jahowa na di surgo. Ra, ndang longang be roha ni si Johannes tingki mangida angka kerubim na mansai jonok tu habangsa ni Jahowa. Alana, di bagas joro ni Jahowa di tingki najolo, adong do dua kerubim na dibahen sian mas di tutup ni poti parpadanan, na manggombarhon habangsa ni Jahowa. Sian tonga-tonga ni dua kerubim i ma, kaluar soara ni Jahowa paboahon angka parenta tu bangso Israel.—2 Musa 25:22; Psalmen 80:2.
cf-IN 36 ¶5-6
“Ida ma! Adong do Singa na sian Marga Juda”
5 Jotjot do singa manggombarhon habaranion. Hea do hamu marsipanot-notan dohot singa jantan na balga? Molo hea, ra dao do hamu mangida sian kandangna na di kebun binatang. Nang pe songon i, ra tong do mabiar hamu. Tingki dibereng singa i hamu, ra didok rohamuna ndang adong na boi mambahen mabiar singa i. Bibel mandok, “singa, binatang na gumogo jala na so adong dihabiari manang aha”. (Poda 30:30) Songon i ma habaranion ni Kristus.
6 Taulas ma songon dia Jesus patuduhon habaranion songon singa marhite tolu cara, i ma paboahon hasintongan, mangulahon na tigor, dohot mangadopi paraloan. Laho taulas ma muse, ndang soal hita parbiar manang na ndang, alai boi do hita patuduhon habaranion songon Jesus.