PARSIAJARAN 1

Hata Pamungka na Denggan

Ulaon ni Apostel 17:22

NA INGKON DIULAHON: Pillit ma hata pamungka na menarik, na tangkas, jala na patuduhon boasa ringkot hatorangan i tu nasida.

Menarik. Pillit ma sungkun-sungkun, barita, pandapot, manang pengalaman na menarik tu angka halak.

Pingkirhon ma aha do na menarik tu angka halak. Dung i, bahen ma hata pamungka na pas tusi.
Tangkas. Sian hata pamungka, ingkon boi do tangkas diboto halak taringot aha na laho dipasahat hamu dohot na tinuju ni hatorangan i.
Paboa ma boasa ringkot hatorangan i. Ingkon tangkas do diantusi nasida na marguna do hatorangan i tu nasida. Jadi, paboa ma hatorangan na dihaporluhon angka halak.

Tingki paradehon jamita, rimangi ma, ‘Aha do na porlu tu angka dongan di huria.’ Dung i, bahen ma hata pamungka na pas tu situasi ni nasida.