Sada do Bahasa di Tano on

11:1-4, 6-9

Tikki di Babel, dibahen Jahowa do godang bahasa asa gaor akka halak disi. Alai saonari dipapungu Jahowa do punguan bolon sian marragam bangso dohot bahasa. Dilehon do bahasa murni tu nasida. Boi ma nasida manjou goar ni Jahowa, asa masiurupan lao mangoloi Ibana. (Sep 3:9; Pgk 7:9) Bahasa murni, i ma hasittongan taringot Jahowa dohot sakkapna na disurat di Bibel.

Molo marsiajar bahasa na baru hita, dang cukup holan mangingot kata-kata na baru. Alai, ikkon taparsiajari do cara marpikkir ni halak na mamakke bahasa i. Suang songon i ma mamparsiajari bahasa murni, ikkon tapauba do pikkiranta. (Rom 12:2) Ikkon toktong do i taulahon asa marsada hita dohot akka naposo ni Debata.​—1Kor 1:10.