Cara Mamakke Sitiruon Mamukka Pakkataion

Sian Januari 2018, nungnga dibahen sitiruon mamukka pakkataion di Hangoluan dohot Pangkobasion ni Halak Kristen—Na Laho Diparsiajari. Songon dia ma caratta mamakke i?

Tikki Dilehon Tugas: Pakke ma sukkun-sukkun, ayat, dohot bagian na lao diulas muse sian sitiruon mamukka pakkataion. Alai dang ikkon pas sude ditiru hamu hata na adong di video sitiruon mamukka pakkataion. Boi do dipakke hamu hata pamukka manang caramuna sandiri. Jala boi do dilehon hamu publikasi sian Akka Alat Lao Mangajari nang pe dang dibahen tudu-tudu di bagian i.

Tikki di Ulaon Marbarita: Sitiruon mamukka pakkataion dibahen lao mangurupi hita di ulaon marbarita. Molo pajuppang dohot halak na lomo rohana lao marsiajar, boi do dipakke hamu sitiruon mamukka pakkataion di bagian manjuppangi muse. Boi do disesuaihon hamu hata pamukka na lao dipakke manang mamakke caramuna sandiri. Umcocok do dipakke di daerahmuna topik na dibahen di bulan naung salpu, manang ayat na asing? Umlomo do roha ni akka halak di ingananmuna mangulas barita na baru masa? Manang songon dia pe caramuna mamukka pakkataion tujuanta i ma, ‘mangulahon sude alani barita na uli, asa boi dibaritahon i tu halak na asing’.​—1Kor 9:22, 23.