Referensi tu Parpunguan Hangoluan dohot Pangkobasion na Laho Diparsiajari
6-12 SEPTEMBER
ARTA NA ARGA NA ADONG DI BIBEL 5 MUSA 33-34
“Marlinggom ma di ‘Tangan ni Jahowa na Manoktong’”
it-2-IN 1270 ¶13
Yesyurun
Goar hasangapon do on tu halak Israel. Di Septuaginta Junani hata “Yesyurun”, i ma sada ungkapan lao mandokkon holong ni roha, gabe diterjemahon ma i “na dihaholongi”. Gelar “Yesyurun” on sasittongna lao paingotton halak Israel molo nasida bangso na dipillit Jahowa. Alani i, ikkon dijaga nasida do asa toktong nasida tigor marroha. (5Mus 33:5, 26; Jes 44:2) Alai di 5 Musa 32:15 dipaboa, gabe dang sesuai be gelar i tu pangalaho ni nasida. Ditinggalhon nasida do Sipanoppa nasida jala dang dipardulihon nasida be Sipalua nasida.
rr 120, kotak
Na Boi Mangurupi Hita Asa Togu Muse
Marratus taon andorang so tikki ni si Hesekiel, hea do didok si Musa molo Jahowa i dang holan sanggup, alai lomo do rohana mamakke huasona lao mangurupi naposona. Songon on do disurat si Musa, “Debata do inganan marlinggom sian najolo, tanganna na manoktong i do na manogu-nogu ho.” (5Mus. 33:27) Jadi pos ma rohatta molo taandalhon Jahowa tikki susa hita, urupanna do hita. Seolah-olah bahenonna do tanganna mangangkat hita, toguonna do hita, jala urupanna do hita asa margogo muse.—Hes. 37:10.
w11-IN 15/9 19 ¶16
Marsitutu Marlojong di Parlumbaan
16 Songon si Abraham, dang sanga dope diida si Musa dipasaut Jahowa janjina. Tikki naeng masuk halak Israel tu Tano na Dijanjihon, didok do tu si Musa, “Idaonmu ma luat i sian na dao, alai dang na lao masuk ho tu luat na lao hulehon tu halak Israel i.” Boasa didok Jahowa songon i? Alana sebelum masuk halak Israel tu Tano na Dijanjihon, muruk do si Musa dohot si Aron tu bangso Israel ala mangalo bangso i. Alani i, gabe ‘dang setia be nasida tu Debata di jolo ni halak Israel tikki di Mual Meriba’. (5 Mus. 32:51, 52) Gabe marsak manang muruk do si Musa alani i? Daong. Alai dipasu-pasu ibana do bangso i jala didok ibana do, “Marlas ni roha ma ho ale Israel! Dang adong na songon ho, Ho do bangso na dipalua Jahowa, Ibana do perisai na manjaga ho, Jala Ibana do podangmu na jago.”—5 Mus. 33:29.
Arta na Adong di Bibel
it-2-IN 172 ¶1
Si Musa
Marumur 120 taon ma si Musa mate. Dipaboa do di Bibel, molo tikki i sehat dope ibana. Didok, “Dang kabur dope matana jala gogo dope ibana tikki i.” Dikubur Jahowa do ibana di inganan na so hea diboto halak. (5Mus 34:5-7) Dibahen Jahowa pe songon i, mungkin asa unang dibahen halak Israel do kuburan ni si Musa i gabe inganan panombaon. Asa unang i dalan ni Sibolis mamakke bakke ni si Musa lao mambahen halak Israel asa dohot tu ibadat na so sittong. I do alana didok si Judas sisean ni Jesus jala haha anggi ni Jesus, “Marsalisi si Mikhael pamimpin ni suru-suruan i tu Sibolis taringot tu bakke ni si Musa, didok rohana dang patut ibana manguhumi Sibolis i marhite hata na mangaleai. Ai ninna do, ‘Jahowa ma na mamissang ho.’” (Judas 9) I do alana, berduka do halak Israel saleleng 30 ari tikki dipimpin si Josua halak Israel lao menyeberang tu Kanaan.—5Mus 34:8.
13-19 SEPTEMBER
ARTA NA ARGA NA ADONG DI BIBEL JOSUA 1-2
“Cara Asa Boi Marhasil”
w13-IN 15/1 8 ¶7
Ikkon Barani do Ho—Ai Didongani Jahowa Debatam do Ho!
7 Asa barani hita mangulahon lomo ni roha ni Debata, ikkon taparsiajari jala ikkon taulahon do na didok Bibel. I do na didok Jahowa tu si Josua tikki ibana na manggattihon si Musa. Didok, “Ulahon ma sude Patik na pinaboa ni si Musa naposokki tu ho. . . . Toktong ma hatahon taringot tu bukku na marisi Patik i. Jaha jala rimangi ma i arian nang borngin, asa boi denggan ulahononmu sude na tarsurat disi. Dung i boi ma ho marhasil jala marbisuk.” (Jos. 1:7, 8) Ala dioloi si Josua do hata ni Debata, ‘marhasil do ibana’. Hita pe, molo taulahon songon i, gabe barani do hita jala marhasil do hita mangulahon lomo ni roha ni Debata.
w13-IN 15/1 11 ¶20
Ikkon Barani do Ho—Ai Didongani Jahowa Debatam do Ho!
20 Alani godang ni tantangan manang masalah di portibi na dirajai Sibolis on, gabe maol do hita mangulahon lomo ni roha ni Debata. Nang pe songon i didongani Debata do hita dohot Anakna, i ma Ulu ni huria. Saonari, nungnga lobi sian 7.000.000 godang ni Saksi Jahowa di liat portibi on. Rap dohot nasida, sai toktong ma hita marhaporseaon jala marbarita na uli, huhut taingot ayat tahunan 2013 na mandok, “Ikkon barani do ho jala togu. . . . Ai didongani Jahowa Debatam do ho.”—Josua 1:9.
Arta na Adong di Bibel
w04-IN 1/12 9 ¶1
Akka na Denggan sian Bukku Josua
2:4, 5—Boasa dioto-otoi si Rahab utusan ni raja na mangalului mata-mata? Ala porsea do si Rahab tu Jahowa, i do alana ditabunihon ibana mata-mata i. Hape molo tarboto, boi do dipamate ibana. Sasittongna, dang wajib ikkon dipaboa ibana tu utusan ni raja i didia naposo ni Debata i. (Mateus 7:6; 21:23-27; Johannes 7:3-10) I do alana, didok do si Rahab “sittong marhite parniulaonna”, termasuk ma i mangoto-otoi utusan ni raja.—Jakobus 2:24-26.
20-26 SEPTEMBER
ARTA NA ARGA NA ADONG DI BIBEL JOSUA 3-5
“Dipasu-pasu Jahowa do Halak na Marhaporseaon tu Ibana”
it-2-IN 1299 ¶8
Jordan
Biasana, hira-hira 1 sahat tu 3 meter do bagas ni sunge Jordan na di Laut Galilea. Jala bolakna, hira-hira 27 sahat tu 30 meter. Alai tikki musim semi, balga do aek ni sunge Jordan on. Jadi gabe lam tamba ma bolakna dohot bagasna. (Jos 3:15) Tikki banjir sunge i tarlumobi bagian na so jonok tu Jeriko, bahaya do di halak Israel molo adong na naeng menyeberangi sunge Jordan. Ala balga do arus ni sunge i, boi do gabe maup manang ise pe na marlange disi. Alai, tikki naeng menyeberang halak Israel, dibahen Jahowa do mukjizat. Dibahen do sunge Jordan i gabe songon bendungan. Alani i, gabe boi ma halak Israel menyeberang di tano na koring. (Jos 3:14-17) Dukkon marratus taon, masa ma muse mukjizat sisongon i. Sahali, tikki rap si Elia dohot si Elisa, jala sahali nai tikki sahalak ni si Elisa.—2Raj 2:7, 8, 13, 14.
w13-IN 15/9 15-16 ¶17
Sipaingot ni Jahowa i Mambahen Las Roha
17 Boasa boi lam togu haporseaotta tu Jahowa molo tapatudu sian tindakanta? Bayakkon ma aha na masa tikki naeng masuk halak Israel tu Tano na Dijanjihon. Disuru Jahowa do akka malim mamboan poti parpadanan lao masuk tu Tano na Dijanjihon. Jala diseberangi nasida do Sunge Jordan. Alai dung sahat nasida tu jonok ni Sunge Jordan, balga do aekna. Alana musim udan do di tikki i. Jadi, aha ma na lao diulahon halak Israel? Gabe markemah do nasida di topi ni sunge i jala dipaima nasida sappe marmingu-minggu sahat tu na surut aek i? Daong. Pos do roha ni nasida tu Jahowa jala diihutton nasida do petunjukna. Aha do hasilna? Didok, ‘Disi dais pat ni nasida tu aek i, dang mardalan be aek i, . . . sai jongjong do akka malim na mamboan poti parpadanan ni Jahowa di tonga-tonga ni Sunge Jordan. Gabe boi ma bangso i menyeberang sian Sunge Jordan, jala sahat ma nasida jonok tu kota Jeriko.’ (Jos. 3:12-17) Bayakkon ma songon dia las ni roha ni halak Israel tikki diida nasida toppu surut aek i. Gabe lam togu do haporseaon ni halak Israel tu Jahowa, ala porsea nasida tu petunjuk naung dilehon Jahowa.
w13-IN 15/9 16 ¶18
Sipaingot ni Jahowa i Mambahen Las Roha
18 Memang saonari, dang dibahen Jahowa be mukjizat tu naposona. Alai dipasu-pasu Ibana do halak na porsea tu Ibana jala na mangulahon parettana. Dilehon tondi parbadia ni Debata do gogo tu nasida lao paboahon barita Harajaon tu sude liat portibi on. Dipapos Jesus Kristus do roha ni akka na mangihutton ibana, na lao urupanna do nasida lao mangulahon i. Didok ibana, “Lao ma hamu, bahen hamu ma saluhut halak sian nasa bangso gabe siseanku. . . . Sai na donganakku do hamu sahat tu panutup ni jaman on.” (Mat. 28:19, 20) Godang do Saksi Jahowa na parila hian, alai dihilala nasida do na diurupi tondi parbadia ni Debata nasida asa barani marbarita na uli tu halak na so ditanda.—Jaha Psalmen 119:46; 2 Korint 4:7.
Arta na Adong di Bibel
w04-IN 1/12 9 ¶2
Akka na Denggan sian Bukku Josua
5:14, 15—Ise do “pamimpin ni tentara ni Jahowa” na didok di ayat on? Pamimpin na ro patoguhon si Josua tikki parjolo sahali manaluhon Tano na Dijanjihon, mungkin Jesus do i, na digoari “Hata” sebelum ro tu tano on. (Johannes 1:1; Daniel 10:13) Pasti paposson roha do on, ala didongani Jesus do tong sude naposo ni Debata saonari on tikki menghadapi akka tantangan!
27 SEPTEMBER–3 OKTOBER
ARTA NA ARGA NA ADONG DI BIBEL JOSUA 6-7
“Padao ma sian Akka na So Marguna”
w10-IN 15/4 20-21 ¶5
Padao ma Matamuna sian Akka na So Marguna!
5 Marratus taon dukkon i, targoda do si Agan lao manakko piga-piga barang na sian Jeriko, i ma kota na ditaluhon bangso Israel. Hape, nungnga diparettahon Jahowa asa dihancurhon sude akka na di kota i asing ni piga-piga barang na lao diboan tu jabu ni Jahowa. Didok do tu nasida, “Padao ma dirimuna sian akka na lao ditutung i, asa unang tubu di rohamuna lao mambuat” akka barang na di kota i. Ala dang dioloi si Agan hata ni Jahowa i, gabe ditaluhon ma halak Israel di kota Ai. Jala adong do piga-piga sian nasida na mate. Dung tarboto pe si Agan manakko asa diakkui ibana i. Didok si Agan, ‘Tikki huida akka barang i, gabe lomo ma rohakku jala hubuat ma i.’ Ala dang boi dirajai si Agan lomo ni roha ni matana, gabe dipamate ma ibana dohot sude keluargana jala dihancurhon ma sude artana. (Jos. 6:18, 19; 7:1-26) Di bagasan rohana, dihalomohon si Agan do akka na diorai Jahowa.
w97-IN 15/8 28 ¶2
Boasa Porlu Dipaboa Molo Adong na Mangulahon na Sala?
Sada alasanna boasa porlu dipaboa molo adong na mangulahon na sala, asa toktong ias huria. Alana, Debata na badia do Jahowa. Dipangido Ibana do tu sude halak na manomba Ibana asa badia di sude parniulaon ni nasida. Didok do di Bibel, “Songon dakdanak pangoloi ma hamu, unang be olo hamu dirajai sakkap ni rohamuna najolo tikki dang ditanda hamu dope Debata. Alai songon Debata Nabadia na manjou hamu, badia ma hamu di sude parniulaonmuna. Songon na nidok ni na tarsurat i, ‘Ikkon badia do hamu, ai badia do Au.’” (1 Petrus 1:14-16) Molo adong akka halak na mangulahon na dihagigihon Jahowa manang mangulahon na sala, boi do i mambahen gabe roa goar ni Jahowa jala mambahen gabe dang lomo roha ni Jahowa tu sude na di huria i. Alani i, ikkon dipasingot do molo adong na mangulahon na sala manang ikkon dipakaluar sian huria.—Bandikkon tu Josua bindu 7.
w10-IN 15/4 21 ¶8
Padao ma Matamuna sian Akka na So Marguna!
8 Dang adong naposo ni Jahowa na kebal sian hisap-hisap ni daging dohot lomo ni roha ni mata. Alani i, didok Bibel do tu hita asa talatik diritta asa boi tarajai sian aha na taida dohot sian aha na tahalomohon. (1 Kor. 9:25, 27; jaha 1 Johannes 2:15-17.) Si Job sahalak na tigor marroha mandok, balga do pengaruh ni aha na taida dohot tu aha na tahalomohon. Didok ibana do, “Nungnga hubahen parjanjian tu matakku, Na so jadi hupanotnoti anak boru huhut marsakkap na so denggan.” (Job 31:1) Dang holan dang olo si Job mangulahon na so suman tu borua, alai mambayakkon na so denggan pe tu borua dang olo ibana. Jala dipaingot Jesus do hita asa toktong tajaga ias pikkiranta. Didok ibana, “Alai hudok ma tu hamu, manang ise na sai mamereng sahalak borua huhut marsakkap na so denggan, nungnga mangalakkup ibana di bagasan rohana.”—Mat. 5:28.
Arta na Adong di Bibel
w15-IN 15/11 13 ¶2-3
Sukkun-Sukkun sian na Manjaha
Najolo, sebelum ditaluhon sada kota, biasana ikkon jolo dikalilingi do kota i asa diserang. Molo leleng dikalilingi kota i, pasti lam habis do persediaan makanan na di kota i. Tikki marhasil musu masuk tu kota i, biasana dijarah nasida do sude na adong di kota i, termasuk ma akka persediaan makanan na sisa. I do alana, dang adong dapot ni akka arkeolog akka sipanganon di reruntuhan ni kota Palestina na hea dikepung. Alai molo di reruntuhan di kota Jeriko, didok Biblical Archaeology Review, “Asing ni akka barang na dibahen sian tano liat, godang do dapot ni nasida akka biji-bijian di reruntuhan i.” Sada hal na so biasa do on molo godang dope dapot akka biji-bijian di reruntuhan di kota naung ditaluhon.
Didok di Bibel, diorai Jahowa do halak Israel mambuat biji-bijian na di Jeriko i. (Jos. 6:17, 18) Dukkon musim panen do halak Israel manaluhon kota Jeriko. Alani i, godang do tikki i biji-bijian na adong di kota i. (Jos. 3:15-17; 5:10) Ala godang do akka biji-bijian na tinggal di Jeriko, on patuduhon holan satokkin do kota i dikalilingi halak Israel songon na didok di Bibel.
4-10 OKTOBER
ARTA NA ARGA NA ADONG DI BIBEL JOSUA 8-9
“Parsiajaran sian Halak Gibeon”
it-1-IN 802-803 ¶3
Gibeon
Halak Gibeon dohot si Josua. Di tikki ni si Josua, halak Hevi do na mangingani Gibeon. Halak Hevi on, i ma sada sian pitu bangso Kanaan na lao dihancurhon halak Israel. (5Mus 7:1, 2; Jos 9:3-7) Halak Gibeon on didok do tong halak Amori. Alana, sipata dipakke do goar on lao mandok sude halak Kanaan. (2Sam 21:2; bandikkon tu 1Mus 10:15-18; 15:16.) Dang songon halak Kanaan na asing, nang pe gogo pasukan tentara ni halak Gibeon jala balga kota ni nasida, alai diboto nasida do pasti talu do nasida mangalo halak Israel. Alana Jahowa do na marporang mangalo nasida. Dung dihancurhon kota Jeriko dohot Ai, akka bawa ni halak Giboen ma na mewakili tolu kota ni halak Hevi, i ma kota Kepira, Beerot, dohot Kiriat-jearim (Jos 9:17), lao manjuppangi si Josua di Gilgal lao mangido asa mardame. Dipakke utusan ni halak Gibeon on do abit naung buruk, sipatu naung buruk jala naung didukkapi, inganan ni anggur naung buruk jala naung didukkapi, dohot roti naung pir jala lapukon. Dibahen nasida pe songon i, asa dirippu halak Israel do nasida ro sian huta na dao, dang sian wilayah na lao ditaluhon halak Israel. Diakkui nasida do, Jahowa do na manaluhon Mesir dohot raja-raja ni halak Amori, i ma si Sihon dohot si Og. Alai marbisuk do nasida, dang dipaboa nasida na diboto nasida aha na masa tu kota Jeriko dohot Ai, asa hira na tutu nasida ro sian huta na dao. Alana dang mungkin barita sisongon i sahat tu “huta na massai dao”. Alani i, dipareso akka pangituai ni halak Israel ma i jala diida nasida ma akka buktina na tutu manang na dang. Alani i dibahen halak Israel ma parjanjian dohot nasida jala dipaloas ma nasida toktong mangolu.—Jos 9:3-15.
w11-IN 15/11 8 ¶14
“Unang ma Mangasahon Pikkiranmu Sandiri”
Ala dang sempurna hita termasuk ma i akka sintua na berpengalaman, porlu do taingot tikki naeng mambahen keputusan, ikkon tapangido do petunjuk sian Jahowa. Pikkirhon ma tanggapan ni pangituai ni halak Israel dohot si Josua na manggattihon si Musa tikki dibahen halak Gibeon nasida hira na ro sian luat na dao. Dang jolo disukkun si Josua dohot akka pangituai i tu Jahowa. Pittor dibahen nasida do perjanjian dame dohot halak Gibeon. Nang pe ujungna didukung Jahowa perjanjian ni nasida i, alai disurat do kesalahan ni nasida i di Bibel. On gabe sipaingot do tu hita, na penting do mangido petunjuk sian Jahowa sebelum mambahen keputusan.—Jos. 9:3-6, 14, 15.
w04-IN 15/10 18 ¶14
“Dalani ma Sude Inganan na di Luat i”
14 Didok akka utusan i ma, “Sian huta na massai dao do ro akka hatobanmon. Ro do hami alani goar ni Jahowa Debatamuna i.” (Josua 9:3-9) Sian pakkean dohot sipanganon na dipatudu nasida, hira na tutu ma nasida ro sian luat na dao. Hape holan hira-hira 30 kilometer do dao ni Gibeon on sian Gilgal. Dung porsea si Josua dohot akka pangituai, dibahen nasida ma parjanjian tu halak Gibeon dohot tu akka kota na jonok tusi na adong hubunganna tu Gibeon. Asa unang diusir do halak Gibeon umbahen na dibahen nasida songon i? Daong. Alai on patuduhon, na lomo do roha ni nasida asa lomo roha ni Debata ni halak Israel tu nasida. Dijalo Jahowa do halak Gibeon, jala gabe disuru ma “nasida papunguhon soban dohot manimba aek tu halak Israel dohot tu langgatan ni Jahowa”. (Josua 9:11-27) Toktong do halak Gibeon rela mangulahon karejo na rendahan na disuru Jahowa. Mungkin nasida do deba sian akka halak Netinim manang halak na dilehon lao marhobas tu Debata, na mulak sian Babel jala na marhobas di bagas joro na dibangun muse. (Esra 2:1, 2, 43-54; 8:20) Tatiru ma halak Gibeon na toktong berupaya lao mardame dohot Debata jala rade mangulahon manang tugas aha pe na dilehon Jahowa.
Arta na Adong di Bibel
it-1-IN 769 ¶4
Digattung
Di patik na dilehon Jahowa tu halak Israel, akka halak na mangulahon na jahat na patut di hukum mate, ikkon digattung do di sada hau. Halak ‘na hona bura di jolo ni Debata’ do halak sisongon i jala ikkon dipatudu do nasida tu jolo ni sude halak, asa gabe sipasingot tu nasida. Jadi akka halak na mate digattung, ikkon dipaturun do dung bonom mataniari, dung i dikubur. Alana, gabe ramun do tano na dilehon Debata tu halak Israel molo dipasombu bakke i di tiang i sahat tu saborngin. (5Mus 21:22, 23) Diihutton halak Israel do aturan i, nang pe halak na digattung i dang halak Israel.—Jos 8:29; 10:26, 27.
11-17 OKTOBER
ARTA NA ARGA NA ADONG DI BIBEL JOSUA 10-11
“Diurupi Jahowa Halak Israel Marporang”
it-1-IN 49 ¶5
Si Adoni-zedek
Sahalak raja sian Jerusalem tikki halak Israel manaluhon Tano na Dijanjihon. Marsada do si Adoni-zedek dohot akka harajaon na gelleng na adong di sabola barat Jordan, lao mangabbati pasukan ni si Josua na lao dohot mangurupi halak Gibeon. (Jos 9:1-3) Hape halak Hevi na tinggal di Gibeon, nungnga mardame dohot si Josua. Ala naeng balas dendam si Adoni-zedek, jala asa unang adong na berpihak tu musu dipasada ibana ma tentarana dohot akka tentara ni opat raja na sian Amori. Dikepung ibana ma halak Gibeon jala marporang mangalo nasida. Luar biasa do cara ni si Josua menyelamatton halak Gibeon jala manaluhon akka pasukan tentara na marsada i. Ujungna, lari ma lima raja i tu Makkedah jala martabuni ma nasida tu sada gua. Si Josua sandiri do na mambunu si Adoni-zedek dohot opat raja i di jolo ni pasukan na dipasada i jala digattung ma nasida di tiang. Dung i, disappatton ma bakke ni nasida tu gua inganan ni nasida martabuni jala disi ma nasida dikuburhon.—Jos 10:1-27.
it-1-IN 975 ¶2
Udan Es
Na dipakke Jahowa. Udan es ma sada na dipakke Jahowa lao pasautton hatana jala lao patuduhon balga ni huasona. (Ps 148:1, 8; Jes 30:30) Dipaboa di Bibel, parjolo sahali on masa i ma tikki dibahen Jahowa tulah na papituhon tu halak Mesir. Gabe sega do akka suan-suanan jala mate do akka jolma dohot binatang na di ladang alani udan es on. Alai di luat Gosen, i ma inganan ni halak Israel dang ro udan es i. (2Mus 9:18-26; Ps 78:47, 48; 105:32, 33) Dung i masa ma muse udan es on di Tano na Dijanjihon tikki halak Israel dipimpin si Josua lao mangurupi halak Gibeon lao mangalo lima raja ni halak Amori. Dibahen Jahowa ma turun udan es na massai balga lao mangalo halak Amori. Jala unggodang do na mate alani udan es i sian na mate dibunu tentara ni halak Israel.—Jos 10:3-7, 11.
w04-IN 1/12 11 ¶1
Akka na Denggan sian Bukku Josua
10:13—Songon dia do peristiwa sisongon i boi masa? “Adong na so tarbahen ni Jahowa”, i ma Debata Sitoppa langit dohot tano on? (1Musa 18:14) Molo lomo roha ni Jahowa, boi do diuba Ibana pergerakan ni bumi. Alani i, boi do mataniari dohot bulan hira na so bergerak diida jolma. Manang boi do dipasombu Ibana bumi dohot bulan toktong bergerak, alai huhut mataniari dohot bulan rap bercahaya. Jadi, “dang hea dope masa na songon i”.—Josua 10:14.
Arta na Adong di Bibel
w09-IN 15/3 32 ¶5
Sukkun-Sukkun sian na Manjaha
Adong do bukti na paboahon, adong piga-piga bukku na didok di Bibel jala marguna do bukku i tu hita. Alai dang na gabe taanggap bukku i sian Debata. Alai “martahan do hata ni Debatanta ro di saleleng ni lelengna”. Alana dijaga Jahowa do i. (Jes. 40:8) Jala aha na dipillit Jahowa na dipamasuk tu 66 bukku na adong di Bibel, massai porlu do i di hita. Alani i, gabe “denggan situtu sude naposo ni Debata jala gabe rade mangulahon sude ulaon na denggan”.—2 Tim. 3:16, 17.
18-24 OKTOBER
ARTA NA ARGA NA ADONG DI BIBEL JOSUA 12-14
“Oloi ma Jahowa sian Nasa Roha”
w04-IN 1/12 12 ¶2
Akka na Denggan sian Bukku Josua
14:10-13. Nang pe naung marumur 85 taon si Kaleb, alai olo do ibana manjalo tugas na borat, i ma mangusir akka halak sian huta Hebron. Halak Anakim do na tinggal di huta i. Balga-balga do nasida jala timbo-timbo. Alai ala diurupi Jahowa, marhasil do si Kaleb mangulahon tugasna i. Jala kota Hebron ma sada na gabe kota parlinggoman. (Josua 15:13-19; 21:11-13) Contoh na denggan do si Kaleb on tu hita. Unang ma mabiar hita manjalo tugas na borat na dilehon tu hita.
w06-IN 1/10 18 ¶11
Boi Barani Ala Marhaporseaon jala Mabiar tu Debata
11 Boi do lam togu haporseaotta molo toktong hita di bagasan hasittongan, tahilala aha manfaatna, taida songon dia tangiangta dialusi jala marhite godang cara tahilala do aha manfaatna mangihutton petunjuk ni Jahowa di ngolutta. (Psalmen 34:8; 1 Johannes 5:14, 15) Pos do rohatta, molo haporseaon ni si Josua dohot si Kaleb, boi lam togu ala dihilala nasida do burju ni Debata tu nasida. (Josua 23:14) Bayakkon ma on: Nang pe saleleng 40 taon nasida mengembara di padang belantara, alai boi do nasida selamat songon naung dijanjihon Debata tu nasida. (4Musa 14:27-30; 32:11, 12) Saleleng onom taon, dilehon do tu nasida tugas lao manaluhon Kanaan. Hasilna, ganjang do umur ni nasida, sehat do nasida jala dapot ni nasida do tano parbagianan ni nasida. Sai dipasu-pasu Jahowa do halak na toktong porsea jala barani manomba Ibana!—Josua 14:6, 9-14; 19:49, 50; 24:29.
Arta na Adong di Bibel
it-1-IN 776 ¶2
Gebal
Di jaman ni si Josua, didok Jahowa do tu halak Israel asa ditaluhon “huta ni halak Gebal” dohot huta na asing. (Jos 13:1-5) Alai adong do akka kritikus na mandok dang songon i. Alana, dao do huta ni halak Gebal on di sabola utara ni halak Israel (hira-hira 100 km di sabola utara ni Dan). Jadi, olo do ra dang hea ditaluhon halak Israel huta Gebal. Alai adong do piga-piga pakar mandok, mungkin sega do ayat i di teks ni bukku Heber. Jala didok roha ni nasida, sebelumna ayat i mandok huta na jonok tu Libanon manang sahat ‘tu huta na berbatasan dohot halak Gebal’. Alai parrohahon ma janji ni Jahowa na didok di Josua 13:2-7, ikkon dioloi nasida do Jahowa asa boi dapot ni nasida huta i. Jadi, olo do dang hea dapot ni nasida huta Gebal ala dang dioloi nasida Debata.—Bandikkon tu Jos 23:12, 13.
25-31 OKTOBER
ARTA NA ARGA NA ADONG DI BIBEL JOSUA 15-17
“Jaga ma Warisanmuna na Massai Arga”
it-1-IN 896 ¶11
Hebron
Tikki naeng marporang muse halak Israel di Kanaan bagian selatan, dang holan halak na di Hebron i na dipamate. Alai tong do dohot rajana (mungkin panggatti ni si Hoham) dipamate. (Jos 10:36, 37) Nang pe si Josua na mamimpin halak Israel manaluhon halak Kanaan, olo do ra dang pittor dibahen nasida akka pasukan tentarana di luat na lao ditaluhon nasida lao mampartahatton luat i. Jadi tikki marporang halak Israel tu huta na asing, ro do muse halak Anakim manaluhon huta Hebron. Alani i dang sadia leleng, ikkon dibuat si Kaleb (manang akka anak ni marga Juda na dipimpin si Kaleb) do muse huta i sian tangan ni halak Anakim. (Jos 11:21-23; 14:12-15; 15:13, 14; Pangh 1:10) Nungnga dilehon hian huta Hebron tu si Kaleb na sian marga Juda. Alai di pudian ni ari, dibahen do huta Hebron i gabe kota parlinggoman. Jala dibahen do muse kota i gabe inganan ni akka malim. Alai molo “ladang dohot akka huta na adong di kota [Hebron]” gabe parbagianan ni si Kaleb do.—Jos 14:13, 14; 20:7; 21:9-13.
it-1-IN 1250-1251 ¶10
Kerja Paksa
Najolo, “kerja paksa” (Heb., mas) nungnga biasa terjadi. Alana biasana molo halak na hutana ditaluhon, dibahen do nasida gabe hatoban. (5Mus 20:11; Jos 16:10; 17:13; Est 10:1; Jes 31:8; And 1:1) Tikki gabe hatoban halak Israel, lomo-lomo ni halak Mesir na gabe pengawas ni hatoban do tu nasida. Disuru do halak Israel mambangun kota Pitom dohot Ramses. (2Mus 1:11-14) Alai dung masuk halak Israel tu Tano na Dijanjihon, dang diulahon nasida paretta ni Jahowa. Dang diusir nasida halak Kanaan sian luat i jala dang dipamate nasida halak Kanaan. Alai gabe dibahen nasida do halak Kanaan i gabe hatoban. Gabe jorat do on tu nasida. Alana gabe dohot do nasida manomba Debata ni halak Kanaan. (Jos 16:10; Pangh 1:28; 2:3, 11, 12) Raja Salomo pe, gabe dibahen do akka pinoppar ni halak Kanaan gabe hatoban, i ma pinoppar ni halak Amori, halak Het, halak Perisi, halak Hevi, dohot halak Jebus.—1Raj 9:20, 21.
it-1-IN 1143 ¶1
Kanaan
Nang pe godang dope halak Kanaan na dipasombu halak Israel mangolu, alai didok Jahowa do lehononna “sude tano i tu halak Israel, songon naung dijanjihon Ibana tu akka ompu ni nasida” jala dibahen Jahowa do dame ngolu ni nasida. “Dang adong nanggo sada janji ni Jahowa tu halak Israel na so diulahon. Saut do sude janjina i.” (Jos 21:43-45) Mabiar do akka musu ni halak Israel na di sakaliling ni nasida jala gabe aman ma dihilala halak Israel. Alana nungnga didok Debata hian na lao palaoonna halak Kanaan “otik-otik”, asa unang lam godang binatang buas di luat i. (2Mus 23:29, 30; 5Mus 7:22) Alai adong do piga-piga luat na so boi dapot ni halak Israel. Alai dang alani na lengkap persenjataan ni halak Kanaan jala adong kareta porang ni nasida na mamakke sasabi na ganjang, manang dang alani sala ni Jahowa umbahen na so boi dibuat nasida luat i jala dang na gagal Jahowa pasautton janjina. (Jos 17:16-18; Pangh 4:13) Alai songon na didok Bibel, talu pe halak Israel, ala na so setia do nasida tu Jahowa.—4Mus 14:44, 45; Jos 7:1-12.
Arta na Adong di Bibel
w15-IN 15/7 32
Diboto Hamu do?
Tutu do godang tombak di Israel najolo songon na didok di Bibel?
DIDOK di Bibel, di Tano na Dijanjihon najolo godang do akka tombak jala godang do akka hau disi. (1 Raj. 10:27; Jos. 17:15, 18) Alai saonari, godang do naung gundul sian luat i. I do alana, godang halak na so porsea tu na didok di Bibel.
Di bukku Life in Biblical Israel didok “ubbolak do tombak di Israel najolo sian saonari”. Najolo, di akka dolok na timbo godang do akka hau, i ma hau pinus Aleppo (Pinus halepensis), hau ek hijau (Quercus calliprinos), dohot hau tarbantin (Pistacia palaestina). Di Syefela, di daerah kaki bukit di antara pegunungan tengah dohot di pesisir Laut Tengah, godang do tong hau ara hutan (Ficus sycomorus).
Di bukku Plants of the Bible didok, piga-piga tempat di Israel nuaeng nungnga godang akka tombak naung gundul. Boasa boi songon i? Didok di bukku on, bertahap do i terjadi. “Sai torus do akka jolma manabai akka hau, asa boi lam bolak lahan pertanian dohot lahan parmahanan. Jala dibahen do muse akka hau i gabe bahan bangunan dohot gabe soban.”