Referensi tu Parpunguan Hangoluan dohot Pangkobasion na Laho Diparsiajari
3-9 JANUARI
ARTA NA ARGA NA ADONG DI BIBEL | PANGUHUM 15-16
“Penghianatan—Pangalaho na Jahat do i!”
w12-IN 15/4 8-9 ¶4
Penghianatan—Tanda ni Ari Parpudi!
4 Parjolo sahali taparrohahon ma si Delila na licik, i ma borua na dihaholongi hakim Simson. Lao membela naposo ni Debata, naeng marporang do si Simson mangalo halak Palistim. Ra, ala diboto lima penguasa ni halak Palistim na so pola holong roha ni si Delila tu si Simson, gabe ditawarhon nasida ma godang hepeng tu si Delila asa olo si Delila manukkun tu si Simson aha do rahasiana umbahen na massai gogo si Simson jala dang boi ditaluhon. Ala serakah, dijalo si Delila do hepeng i. Sappe tolu hali do ibana berupaya lao mamboto rahasia ni si Simson boasa massai gogo ibana. Alai dang marhasil si Delila. “Sai mardandi si Delila jala sai dipaksa ibana do si Simson paboahon i.” Ujungna, “dang tahan be si Simson”. Gabe dipaboa si Simson ma na so hea digusting obukna. Alana molo digusting obukna, gabe mago do gogona. Dung diboto si Delila rahasia ni si Simson, disuru ibana ma halak manggusting obuk ni si Simson na modom di abinganna. Dung i, dipasahat si Delila ma si Simson tu akka musuna jala dipaloas ma nasida mambahen manang aha pe lomo ni roha ni nasida tu si Simson. (Pangh. 16:4, 5, 15-21) Massai jahat do pambahenan ni si Delila on. Ala serakah, dihianati ibana do bawa na makkaholongi ibana.
w05-IN 15/1 27 ¶3
Akka na Denggan sian Bukku Panguhum
14:16, 17; 16:16. Molo tangis hita jala mardandi lao mamaksa halak na asing, boi do gabe sega hubunganta dohot nasida.—Poda 19:13; 21:19.
w12-IN 15/4 11-12 ¶15-16
Penghianatan—Tanda ni Ari Parpudi!
15 Songon dia do carana asa boi na suami istri toktong setia tu pasanganna? Didok di Bibel, “Sai marlas ni roha ma ho rap dohot istrim [manang suamim] na nialapmu tikki poso” jala “Marlas ni roha ma ho rap dohot istri [suami] haholonganmi.” (Poda 5:18; Pjm. 9:9) Molo lam tamba umur ni halak naung menikah, ikkon berupaya do nasida patoguhon perkawinan ni nasida i. I do alana, ikkon diparrohahon nasida do pasanganna be jala rap mangulahon akka ulaon ni nasida. Ikkon berupaya do nasida manjaga asa tetap denggan perkawinan ni nasida dohot hubungan ni nasida tu Jahowa. Carana i ma, ikkon rap marsiajar Bibel, rap marbarita, jala rap martangiang.
TOKTONG MA SETIA TU JAHOWA
16 Adong do halak di huria na mangulahon dosa na balga gabe ‘dipissang asa togu haporseaon ni nasida’. (Titus 1:13) Adong do piga-piga na ikkon dipecat sian huria alani kesalahan ni nasida. Alai ‘akka halak na marsiajar sian pissang-pisang i’ boi do mangurupi nasida asa denggan muse hubunganna tu Jahowa. (Heb. 12:11) Alai boha do molo adong keluarga manang donganta na dipecat? Di tikki songon on ma kesetiaanta diuji. Setia tu halak na dipecat i do hita manang tu Jahowa? Diida Jahowa do hita, setia do hita mangihutton parettana manang na dang taringot asa unang mardongan tu sude akka halak na dipecat.—Jaha 1 Korint 5:11-13.
Arta na Adong di Bibel
w05-IN 15/3 27 ¶6
Monang do si Simson Ala Diurupi Jahowa!
Dang adong na boi mangabbati tujuan ni si Simson lao mangalo halak Palistim. Lao mangalo akka musu ni Debata, gabe manginap ma ibana di jabu ni sahalak boru-boru na so hasea di Gaza. Menginap pe si Simson di jabu ni boru-boru na so hasea i, dang na lao mangulahon seks na so patut ibana. Alana tikki tonga borngin, lao ma si Simson sian jabu ni boru-boru i. Dung i, diuppat ibana ma pintu gerbang ni kota i rap dohot tiangna na dua i dohot sordakna. Dipundak ibana ma i jala diboan tu pussu ni dolok na di jolo ni Hebron, na daona hira-hira 60 kilometer sian i. Dipaloas Debata do si Simson mangulahon i jala dilehon do tu ibana gogo.—Panguhum 16:1-3.
10-16 JANUARI
ARTA NA ARGA NA ADONG DI BIBEL | PANGUHUM 17-19
“Godang do Masalah Molo Dang Mangoloi Patik ni Jahowa”
it-2-IN 124
Si Mika
1. Sahalak bawa na sian Epraim. Dilanggar si Mika do patik na paualuhon sian Sappulu Patik ni Jahowa (2Mus 20:15), alana dibuat ibana do 1.100 hepeng perak ni omakna. Jadi tikki diakkui si Mika na dibuat ibana hepeng ni omakna jala tikki dipaulak hepeng i, didok omakna ma, “Lehonokku do hepeng perak i tu Jahowa. Alani i, pakke ma i lao mambahen patung na diukir dohot patung logam. Jadi lok ma di ho hepeng i.” Jadi dibuat omakna ma 200 hepeng perak sian i jala dilehon tu tukkang perak. Dibahen tukkang perak i ma “patung na diukir dohot patung logam” jala dibahen ma i di jabu ni si Mika. Adong do sada “inganan pamelean” appuna ni si Mika. Dibahen ibana ma baju epod dohot patung terapim jala dibahen ibana ma sada anakna gabe malim di ibana. Nang pe didok roha ni si Mika hira na lao pasangappon Jahowa do i, alai sasittongna nungnga dilanggar ibana Patik ni Debata na mandok asa unang manomba patung. (2Mus 20:4-6) Jala dang diihutton ibana pengaturan taringot tabernakel dohot hamalimon. (Pangh 17:1-6; 5Mus 12:1-14) Dung i dijou si Mika ma si Jonatan, i ma pinoppar ni si Gersom anak ni si Musa tu jabuna. Jala digaji ibana ma halak Lepi i gabe malim di ibana. (Pangh 18:4, 30) Las ma roha ni si Mika. Alai sasittongna, sala do na diulahonna i. Didok si Mika ma, “Saonari huboto ma, pasu-pasuon ni Jahowa nama au.” (Pangh 17:7-13) Hape si Jonatan i dang pinoppar ni si Aron, jala dang boi ibana gabe sahalak malim. Alani i, gabe lam tamba balga ma kesalahan ni si Mika.—4Mus 3:10.
it-2-IN 124
Si Mika
Dang leleng dukkon i, ro ma si Mika dohot akka donganna mangalele halak Dan. Ujungna, juppang ni nasida ma halak Dan. Jala disukkun halak Dan ma tu si Mika aha na masa. Didok si Mika ma, “Nungnga dibuat hamu akka debatakku na hubahen i jala diboan hamu muse malim i. Aha nama na tinggal di au?” Didok halak Dan i ma tu si Mika, molo sai torus do sai diihutton si Mika nasida jala sai disonggaki nasida, boi do gabe ditopari halak Dan i si Mika dohot akka donganna na ro i. Ala diida si Mika unggogo do halak Dan i sian nasida, gabe mulak ma si Mika tu jabuna. (Pangh 18:22-26) Dung i, ditaluhon halak Dan ma kota Lais, jala ditutung ma kota i. Jala dibahen halak Dan ma kota i gabe kota ni nasida. Jala gabe malim ni halak Dan ma si Jonatan dohot akka pinopparna, “dipajongjong nasida do patung na diukir na binahen ni si Mika i disi. Jala disi dope patung i saleleng di Silo tabernakel ni Debata na sittong”.—Pangh 18:27-31.
Arta na Adong di Bibel
w15-IN 15/12 10-11 ¶6
Terjemahan ni Bibel na Takkas jala Akurat
6 Saonari, adong do godang bukti na patuduhon na ikkon tapakke goar ni Jahowa. Di Bibel Terjemahan Tano na Imbaru edisi revisi 2013, adong do 7.216 hali disurat goar ni Debata. Berarti, adong di onom ayat nai na adong goar ni Debata. Lima ayat na parjolo, i ma di 1 Samuel 2:25; 6:3; 10:26; 23:14, 16. Alasanna, di Gulungan Laut Mati na baru dipatudu tu masyarakat na 1.000 taon lobi uttua sian teks Masoret Ibrani adong didapot goar ni Debata di akka ayat i. Ayat na paonomhon i ma, di Panguhum 19:18. Dung diteliti muse akka naskah Alkitab kuno, adong do disi goar ni Debata.
17-23 JANUARI
ARTA NA ARGA NA ADONG DI BIBEL | PANGUHUM 20-21
“Mulak-ulak Mangido Petunjuk sian Jahowa”
w11-IN 15/9 32 ¶2
Boi do Ditiru Hamu si Pinehas di Tikki Susa Hamu?
Dung diperkosa jala dibunu halak Gibea na sian marga Benjamin gundik ni sahalak Lepi, gabe marpungu ma akka marga na asing lao marporang mangalo halak Benjamin. (Pangh. 20:1-11) Sebelum marporang, martangiang ma nasida tu Jahowa asa diurupi, alai talu do nasida sappe dua hali. (Pangh. 20:14-25) Didok roha ni nasida na so adong do laba ni tangiangna i? Na lomo do roha ni Jahowa asa marpungu akka marga i lao marporang mangalo marga Benjamin?
w11-IN 15/9 32 ¶4
Boi do Ditiru Hamu si Pinehas di Tikki Susa Hamu?
Aha do na boi taparsiajari sian cerita on? Olo do ra adong piga-piga masalah di huria na so ra sae dipadenggan akka sintua, nang pe nungnga berupaya nasida jala nungnga martangiang mangido bantuan tu Debata. Alai nang pe songon i, boi do diingot akka sintua hata na didok Jesus, “Sai pangido hamu ma [manang martangiang ma hamu], ai na lehononna do i tu hamu. Sai lului hamu ma, ai na dapotmuna do i. Sai tuktuki hamu ma, ai na bukkaonna do i tu hamu.” (Luk. 11:9) Nang pe hira na so dialusi tangiang ni akka sintua i, alai boi do pos roha ni nasida na alusan ni Jahowa do tangiang ni nasida di tikki naung ditottuhon Jahowa.
Arta na Adong di Bibel
w14-IN 1/5 11 ¶4-6
Diboto Hamu do?
Songon dia do najolo ambalang dipakke tikki marporang?
Ambalang do na dipakke si Daud lao mambunu si Goliat. Ra, tikki marmahan do si Daud marsiajar songon dia carana mamakke ambalang.—1 Samuel 17:40-50.
Gambar ni ambalang na adong di karya seni Mesir dohot Asiria najolo. Senjata on dibahen sian kulit manang kain, jala adong dua tali na dipasang di dua ujungna. Dipamasuk ma batu na bulat manang na licin tu ambalang i na ukkuranna hira-hira 5 sahat tu 7,5 sentimeter, jala boratna 250 gram. Dung i, diangkat na mamakke ambalang i ma ambalang i tu ginjang jala diputar ma i, dung i dipalua ma sada talina asa boi sappat batu i pas tu sasaranna.
Tikki adong penggalian di Timur Tengah, godang do didapot batu ni ambalang na dipakke di tikki marporang najolo. Molo akka na malo mamakke ambalang, boi do disappatton ibana batu ni ambalang i daona hira-hira 160 sahat tu 240 kilometer per jam. Dang sepakat dope akka ahli, taringot na boi do manang na dang batu ni ambalang i dao disappatton songon dao ni anak panah. Alai na pasti, ambalang boi do gabe senjata na boi mambahen mate.—Panguhum 20:16.
24-30 JANUARI
ARTA NA ARGA NA ADONG DI BIBEL | RUT 1-2
“Berupaya Patuduhon Holong ni Roha”
Tiru ma Aleale ni Jahowa
5 Di Moab do tading keluarga ni si Rut. Molo mulak si Rut, rade do nasida mangurupi ibana. Hasomalan, budaya dohot bahasa na adong di Moab ndang asing be di si Rut, ala disi do ibana tubu. Alai, di Betlehem ndang godang sihirimonna. Ndang tarbahen si Naomi be mangalehon tunggani doli manang inganan tu ibana. Jala, disuru si Naomi do ibana mulak tu Moab, songon si Orpa na mulak tu “bangsona dohot tu debatana”. (Rut 1:9-15) Alai, ndang olo si Rut mulak tu bangsona dohot tu debata ni Moab.
Tiru ma Aleale ni Jahowa
6 Ra, nunga ditanda si Rut hian Debata Jahowa sian tunggani dolina manang sian si Naomi. Asing do Jahowa sian debata ni Moab. Diboto si Rut do, holan Jahowa na ingkon disomba. Alani i, dipillit si Rut do na dumenggan. Didok ibana tu si Naomi, “Bangsom nama bangsongku, Debatam nama Debatangku.” (Rut 1:16) Las do rohanta mamboto holong na pinatudu ni si Rut tu si Naomi. Alai, tamba dope las ni rohanta mangida holong ni ibana tu Jahowa. Si Boas pe, dipuji do si Rut ala dilului ibana parlinggoman tu toru ni habong ni Debata ni Israel. (Jaha Rut 2:12.) Dos songon anak ni pidong na marlinggom tu habong ni indukna. (Ps. 36:7; 91:1-4) Dibahen si Rut do Jahowa songon natuatuana. Dipasupasu Jahowa do si Rut jala ndang manolsoli ibana mamillit manomba Jahowa.
Arta na Adong di Bibel
w05-IN 1/3 27 ¶1
Akka na Denggan sian Bukku Rut
1:13, 21—Jahowa do na mambahen susa si Naomi jala na mambahen godang sitaononna? Daong. Dang hea disalahon si Naomi Debata. Alai, alani godang ni sitaononna didok rohana do Jahowa na mambahen ibana susa. Susa hian do dihilala si Naomi jala marsak. Asing ni i, najolo molo anak dianggap do sada pasu-pasu sian Debata. Alai molo dang boi marianakkon, dianggap do i sada kutukan. Jadi, ala dang adong pahoppuna jala mate do dua anakna i, didok rohana ma Jahowa do na mambahen susa ngoluna.
31 JANUARI–6 FEBRUARI
ARTA NA ARGA NA ADONG DI BIBEL | RUT 3-4
“Patuduhon Sifat na Denggan jala Toktong Mampartahatton i”
“Boruboru Parroha na Denggan”
Hata ni si Boas mambahen dame pangkilalaan ni si Rut. Didok ibana, “Sai dipasupasu Jahowa ma ho, ale inang! Ai dumenggan dope holong ni roham na parpudi on sian na parjolo i, ala so dipaihutihut ho angka dolidoli, manang halak na pogos manang na mora pe.” (Rut 3:10) Hata “sian na parjolo”, lapatanna holong na pinatuduhon ni si Rut tu simatuana. Hata “na parpudi on”, mandok na binahen ni si Rut tu si Boas di tingki i. Diboto si Boas do na boi pilliton ni si Rut baoa na poso, na mora manang na pogos bahen tungganedolina. Alai, dipatuduhon si Rut do haburjuon ndang holan tu si Naomi, alai dohot do tu simatuana doli naung marujung ngolu marhite manorushon margana. Alani i, las do roha ni si Boas mangida si Rut na so mangkaringkothon dirina sandiri.
“Boruboru Parroha na Denggan”
Las hian do roha ni si Rut mambege hata ni si Boas. Didok si Boas do godang halak mananda si Rut “boruboru parroha na denggan”. Goar ni si Rut na denggan di jolo ni halak, hombar do on tu sangkapna laho mananda dohot mangoloi Jahowa. Dipatuduhon ibana do haburjuon tu si Naomi, jala dipahombar ibana do hasomalanna tu bangso Israel. Molo tatiru si Rut, taargai ma halak na asing dohot hasomalan ni nasida, jala boi ma dapotta goar na denggan di jolo ni godang halak.
“Boruboru Parroha na Denggan”
Dioli si Boas ma si Rut. Didok di Bibel, “Gabegabean ma [si Rut] ditumpak Jahowa, jala ditubuhon sada anak.” Didok angka parompuan di Betlehem ma martua si Naomi, jala dipuji do si Rut. Didok do molo ibana dumenggan sian pitu anak di si Naomi. Anak ni si Rut gabe ompu ni Raja Daud. (Rut 4:11-22) Dung i, sian pinompar ni si Daud ma ro Jesus.—Mateus 1:1.
Arta na Adong di Bibel
w05-IN 1/3 29 ¶3
Akka na Denggan sian Bukku Rut
4:6—Boasa didok gabe “rugi” do halak na manobus molo olo ibana manuhor tano ni keluargana na digadehon? Na parjolo, molo adong halak na pogos jala gabe dijual tanona, halak na marhak manobus ikkon mangalehon hepeng lao manuhor tano i. Jala digarar ma i songon arga naung ditottuhon, piga taon nai sisana sahat tu taon Jobel na mangihut. (3 Musa 25:25-27) Molo dibaen ibana songon i, gabe rugi do ibana alana gabe moru do artana. Asing ni i, molo adong gelleng ni si Rut bawa anakna i do na marhak nappunasa tano i, dang sian keluarga ni halak na marhak manobus i na gabe nappuna tano i.
7-13 FEBRUARI
ARTA NA ARGA NA ADONG DI BIBEL | 1 SAMUEL 1-2
“Martangiang ma tu Jahowa Lao Paboahon Sude na di Rohamuna”
Dipasahat do Sude na di Rohana tu Debata
12 Marhite tangiangna, dipatudu si Hanna do sitiruon tu sude naposo ni Debata. Dipangido Jahowa do naposoNa martangiang sian roha, jala paboahon holso ni rohanasida tu Ibana. (Jaha Psalmen 62:9; 1 Tessalonik 5:17.) Disurat apostel Petrus do, “Tinggangkon hamu ma nasa na hinolsohon ni rohamuna tu Ibana, ai disarihon do hamu!”—1 Ptr. 5:7.
w07-IN 15/3 16 ¶4
Boasa Boi Dame Roha ni si Hanna
Aha do na boi taparsiajari? Tikki tatangiakkon tu Jahowa taringot aha na mambahen hita marsak, boi do tapaboa tu ibana songon dia perasaanta jala sian ias ni roha ma hita mangido tu ibana. Alai molo dang adong be na boi taulahon lao mangatasi masalahta i, tapasahat ma sudena i tu Jahowa. Holan i do cara na dumenggan.—Poda 3:5, 6.
Arta na Adong di Bibel
w05-IN 15/3 21 ¶5
Akka na Denggan sian Bukku Sada Samuel
2:10—Boasa ditangiakkon si Hanna tu Jahowa asa ‘dilehon huaso tu rajana’ hape dang adong raja di Israel di tikki i? Nungnga dipaboa di Patik ni si Musa na lao adong raja di halak Israel. (5 Musa 17:14-18) Alana sebelum mate si Jakkob didok ibana do, “Dang adong na lao mambuat tukkot [na manggombarhon hak ni sahalak raja mamaretta] harajaon i sian Juda.” (1 Musa 49:10) Asing ni i, taringot si Sara i ma oppung ni halak Israel didok Jahowa do, “Sian pinopparna ma ro akka bangso dohot akka raja.” (1 Musa 17:16) Jadi martangiang pe si Hanna, dang na lao manangiakkon akka raja di tikki i, alai na ditangiakkon ibana raja na lao mamaretta di ari na naeng ro do.
14-20 FEBRUARI
ARTA NA ARGA NA ADONG DI BIBEL | 1 SAMUEL 3-5
“Parduli do Jahowa”
Pargogo na So Hatudosan jala Parasi Roha
3 Sian dakdanak, nunga marhobas di tabernakel si Samuel. (1 Sam. 3:1) Tingki borngin, naeng modom ma si Samuel, masa ma na so hea masa di ngoluna. (Jaha 1 Samuel 3:2-10.) Adong na manjou ibana. Dirimpu si Samuel do Sintua ni Malim Eli na manjou i. Pintor hehe ma ibana jala marlojong mandapothon si Eli. Didok ibana ma, “Ida ma, dison do ahu, ai dijou ho do ahu.” Alai didok si Eli ma, “Ndang ahu manjou ho.” Dung masa i sampe dua hali, gabe diantusi si Eli ma Jahowa do na manjou si Samuel. Jadi dipaboa si Eli ma tu si Samuel, aha na ingkon dohononna molo masa i muse. Jala diulahon si Samuel do i. Boasa ndang dipaboa Jahowa tu si Samuel na Ibana do na manjou i? Ndang adong dipaboa di Bibel alusna. Alai, dibahen Jahowa pe songon i, ra ala diantusi Jahowa do songon dia pangkilalaan ni si Samuel.
Pargogo na So Hatudosan jala Parasi Roha
4 Jaha 1 Samuel 3:11-18. Didok do di Patik ni Jahowa, ingkon sangap do na poso tu angka na matua. Tarlumobi tu na adong tanggung jawabna. (2 Mus. 22:28; 3 Mus. 19:32) Bayangkon ma, na poso songon si Samuel tingki manogot dope laho mandapothon si Eli, jala ingkon barani paboahon barita panguhuman ni Debata. Didok di Bibel, “Mabiar do anggo si Samuel paboahon pangungkapon i tu si Eli.” Diurupi Debata do si Eli mamboto na Ibana do manjou si Samuel. Jadi, didok si Eli ma tu si Samuel asa unang ditabunihon ibana Hata ni Debata. Alani i, “Dipaboa si Samuel ma hata i luhut tu ibana.”
Arta na Adong di Bibel
w05-IN 15/3 21 ¶6
Akka na Denggan sian Bukku Sada Samuel
3:3—Tutu do di Inganan na Massai Badia si Samuel modom? Daong. Alana halak Lepi do si Samuel, pinoppar ni si Kohat na so dohot gabe malim. (1 Kronika 6:33-38) I do alana, dang dipaloas si Samuel “ro tu labbung ni akka barang na massai badia i”. (4 Musa 4:17-20) Holan tu alaman ni tabernakel do inganan na badia na boi masuk si Samuel. Pasti disi do si Samuel modom. Olo do ra, disi do tong si Eli modom, di sada inganan na adong di inganan i. Jadi tikki didok “inganan ni poti parpadanan ni Debata” olo do ra maksudna di sakaliling ni tabernakel.
21-27 FEBRUARI
ARTA NA ARGA NA ADONG DI BIBEL | 1 SAMUEL 6-8
“Ise do Rajamuna?”
it-1-IN 1236 ¶2
Harajaon ni Debata
Mangido Sahalak Jolma Gabe Raja. Dung hampir 400 taon halak Israel kaluar sian Mesir jala lobi sian 800 taon dung dibahen Jahowa parjanjian dohot si Abraham, dipangido halak Israel ma sahalak jolma gabe raja di nasida lao mamimpin nasida, dos songon akka bangso na asing. Ala dibahen nasida songon i, na ditolak nasida do Jahowa na gabe raja di nasida. (1Sam 8:4-8) Memang dang sala diharappon nasida asa dibahen Debata sada harajaon songon janjina tu si Abraham dohot si Jakkob songon naung dipaboa sebelumna. Harapan ni nasida i sesuai do songon naung dipaboa si Jakkob taringot Juda sebelum mate ibana (1Mus 49:8-10), hata ni Debata Jahowa tu halak Israel dung kaluar sian Mesir (2Mus 19:3-6), syarat-syarat perjanjian Hukum (5Mus 17:14, 15), dohot deba sian pesan na dipasahat panurirang Billeam songon na diparettahon Debata (4Mus 24:2-7, 17). Si Hanna borua na setia, i ma omak ni si Samuel dipaboa do harapan on di tangiangna. (1Sam 2:7-10) Nang pe songon i, dang dipaboa Jahowa dope sude “rahasia na badia” taringot Harajaon i jala dang dipaboa ibana dope andigan tikkina lao dipajongjong ibana Harajaon i. Jala dang dipaboa dope songon dia bentuk ni Harajaon i manang pamarettaon i haduan, di tano on do manang di surgo. Alani i, nungnga bertindak lancang bangso Israel ala dipangido nasida sahalak jolma gabe raja di tikki i.
Sabar do Ibana Manaon Godang Pangunjunan
Parrohahon ma songon dia Jahowa mangalusi tangiang ni si Samuel, “Tangihon ma suara ni bangso i di saluhut na nidoknasida i tu ho, ai ndada ho, Ahu do na binolonghonnasida disi, asa unang be Ahu rajanasida.” Tontu, tarapul do roha ni si Samuel mambege i. Alai, pangidoan ni halak Israel i ndang pasangaphon Jahowa! Dipaboa Jahowa do tu si Samuel pangkorhonna molo dipillit halak Israel jolma gabe raja ni nasida. Alai, sai didok nasida do, “Agia songon i, ingkon adong raja di hami.” Dioloi si Samuel do Jahowa, alani i dimiahi ibana ma raja na pinillit ni Jahowa.—1 Samuel 8:7-19.
w10-IN 15/1 30 ¶9
Sittong do Cara ni Jahowa Mamaretta!
9 Sian akka na hea masa patuduhon, toho do sipasingot na dipaboa Jahowa. Ala sahalak jolma do na gabe raja, gabe godang do masalah na terjadi di Israel, tarlumobi tikki adong raja na so setia. Sian contoh na masa tu halak Israel on, gabe dang pola heran be hita, molo sian najolo dang hea marhasil jolma na so mananda Jahowa tikki mamaretta. Adong do memang akka politikus na mangido asa dipasu-pasu Debata upaya ni nasida lao mambahen asa mardame jala aman sude. Alai songon dia ma Debata mamasu-masu halak na so unduk tu cara ni Ibana mamaretta?—Ps. 2:10-12.
Arta na Adong di Bibel
w02-IN 1/4 12 ¶13
Boasa Ikkon Tardidi Hita?
13 Sebelum tardidi hita, ikkon tapatudu do naung muba hita asa boi gabe sahalak Saksi Jahowa. Muba pe hita, ikkon alani keinginanta sandiri do lao mangihutton Jesus Kristus. Jadi, halak na olo muba ikkon ditinggalhon do pangalahona najolo i jala berupaya mangulahon na dihalomohon Debata. Di Bibel, hata kerja Ibrani dohot Junani na adong hubunganna manguba pangalaho lapatanna, maninggalhon jala manundalhon. Jadi maksudna dison, ikkon ditinggalhon ibana do pangalahona na leleng i jala mulak tu Debata. (1 Raja-Raja 8:33, 34) Manguba pangalaho berarti, “diulahon akka ulaon na patuduhon naung muba” ibana. (Ulaon ni Apostel 26:20) Jadi, ikkon tatinggalhon do ibadat na so sittong, ikkon sesuai do pangalahotta tu paretta ni Debata, jala ikkon holan Jahowa do na tasomba. (5 Musa 30:2, 8-10; 1 Samuel 7:3) Molo nungnga muba hita, ikkon tarida do i sian caratta marpikkir, tujuanta, dohot sian pangalahotta. (Hesekiel 18:31) Jadi, molo tatinggalhon pangalahotta na leleng jala tapakke pangalaho na imbaru, on ma patuduhon naung muba hita.—Ulaon ni Apostel 3:19; Epesus 4:20-24; Kolosse 3:5-14.
28 FEBRUARI–6 MARET
ARTA NA ARGA NA ADONG DI BIBEL | 1 SAMUEL 9-11
“Di Mulana Serep do Roha ni si Saul”
Patuduhon Serep ni Roha di Jolo ni Debata
11 Parrohahon ma aha na masa tu Raja Saul. Mulana, serep do rohana. Tikki poso dope ibana, diboto ibana do aha na so boi ulahononna. Jala, dang pittor olo ibana mandapot godang tanggung jawab. (1 Sam. 9:21; 10:20-22) Alai dung gabe raja, gabe ginjang ma rohana. Diulahon ibana do na so tugasna, hape dang marhak ibana mangulahon i. Di sada tikki, dang sabar si Saul paimahon panurirang Samuel. Dang pos rohana tu cara ni Jahowa manjaga akka naposona. Dipelehon ibana do pelean, hape dang marhak ibana mangulahon i. Ujungna, dang dijalo Jahowa be ibana gabe raja, ala dang lomo be roha ni Jahowa tu ibana. (1 Sam. 13:8-14) Tadapot do parsiajaran na rikkot sian on. Unang ma taulahon na so hakta.
w14-IN 15/3 9 ¶8
Carana Patuduhon Semangat Rela Berkorban
8 Contoh sian Raja Saul gabe sipasingot di hita, molo holan na mamikkirhon diri sandiri gabe dang olo hita berkorban tu donganta. Tikki gabe raja si Saul, serep do rohana. (1 Sam. 9:21) Tikki adong halak Israel na so lomo rohana ala raja ibana, dang olo ibana menghukum nasida, nang pe sebenarna marhak do ibana mangulahon i. Alana Debata do na mangalantik ibana gabe raja. (1 Sam. 10:27) Olo do Raja Saul manjalo tondi parbadia ni Debata tikki mamimpin bangso Israel lao mangalo halak Ammon sappe monang. Dung i, tikki monang nasida serep do rohana pasangappon Debata.—1 Sam. 11:6, 11-13.
w95-IN 15/12 10 ¶1
Halak Ammon—Bangso na Mambalos Burju ni Debata dohot na Jahat
Dibahen halak Ammon do muse na jahat lao mambalos burju ni Jahowa. Alai dang dipasombu Jahowa torus songon i. “Dung dibege si Saul na masa [taringot si Nahas] i, songgop ma tondi parbadia ni Debata tu ibana, gabe muruk situtu ma ibana.” Ala diurupi tondi parbadia ni Debata, dipapungu si Saul ma 330.000 tentara lao marporang mangalo sude halak Ammon asa marserak nasida jala “dang adong na rap dohot donganna”.—1 Samuel 11:6, 11.
Arta na Adong di Bibel
w05-IN 15/3 22 ¶8
Akka na Denggan sian Bukku Sada Samuel
9:9—Aha do maksud ni hata “najolo, didok do panurirang i halak na boi mandapot parnidaan”? Akka hata on patuduhon, ala uppetting do tugas ni panurirang di tikki ni si Samuel dohot di tikki ni akka raja di Israel, jadi hata “halak na boi mandapot parnidaan” diganti ma gabe “panurirang”. Jala si Samuel ma na dianggap gabe panurirang na parjolo sahali.—Ulaon ni Apostel 3:24.