Referensi tu Parpunguan Hangoluan dohot Pangkobasion na Laho Diparsiajari
2-8 MEI
ARTA NA ARGA NA ADONG DI BIBEL | 1 SAMUEL 27-29
“Strategi na Dipakke si Daud Lao Marporang”
it-1-IN 79
Si Akis
Tikki lari si Daud sian si Saul, dua hali ma ibana selamat di daerah na dirajai Raja Akis. Na parjolo, tikki diboto halak Gat na musu ni nasida do si Daud, dibahen si Daud ma hira na rittik ibana. Gabe dipaloas si Akis ma ibana lao. (1Sam 21:10-15; Superskripsi Ps 34, 56) Na paduahon, tikki diboan si Daud 600 tentarana dohot keluargana mandapotton si Akis. Dipaloas si Akis do nasida tinggal di Ziklag. Disi ma nasida tinggal saleleng sataon opat bulan. Dirippu si Akis do akka kota na di Juda na ditaluhon si Daud dohot akka tentarana. Hape sasittongna, halak Gesur, halak Girsi, dohot halak Amalek do na ditaluhon nasida. (1Sam 27:1-12) Ala pos roha ni si Akis tu si Daud, gabe pengawalna ma si Daud dibahen ibana tikki naeng marporang nasida mangalo si Saul. Alai ujungna, dipangido “akka pamimpin ni halak Palistim” ma tu si Akis asa disuru mulak si Daud dohot akka tentarana tu Ziklag. (1Sam 28:2; 29:1-11) Dukkon gabe raja si Daud, marporang ma ibana mangalo halak Gat, alai selamat do si Akis tikki i. Mangolu dope ibana sahat tu na mamaretta si Salomo.—1Raj 2:39-41; ida GAT.
Aha do na Ikkon Diulahon Akka Bawa na Poso Asa Boi Dihaporseai?
8 Adong dope situasi na sulit na ikkon dihadapi si Daud. Nang pe naung dilantik ibana gabe raja, ikkon dipaima dope martaon-taon asa boi gabe raja ni Juda. (1 Sam. 16:13; 2 Sam. 2:3, 4) Alai boasa boi ibana sabar nang pe ikkon leleng paimahon? Ala fokus ibana mangulahon tugas na boi diulahon ibana jala dang menyerah. Misalna tikki buronan ibana jala melarikan diri tu Palistim, dipakke si Daud do kesempatan i lao manaluhon musu ni halak Israel. Sasittongna na manjaga parbatasan ni huta ni halak Juda do ibana disi.—1 Sam. 27:1-12.
it-1-IN 617 ¶5
Margabus
Nang pe di Bibel diorai hita margabus, alai dang na gabe boi tapaboa sude informasi tu halak na so marhak mamboto. Alana Jesus mandok, “Unang ma lehon akka na badia tu biang jala unang ma sappatton mutiara tu babi, asa unang didege-dege, jala gabe marbalik nasida makkarat hamu.” (Mat 7:6) I do alana, tikki adong na manukkun tu Jesus, dang langsung dipaboa ibana sude alusna molo gabe masalah do i annon. (Mat 15:1-6; 21:23-27; Joh 7:3-10) Songon i do tong na dibahen si Abraham, si Isak, si Rahab, dohot si Elisa. Tikki disukkun na so sisomba Jahowa nasida, dang dipaboa nasida sude hatorangan na lengkap.—1Mus 12:10-19; bindu 20; 26:1-10; Jos 2:1-6; Jak 2:25; 2Raj 6:11-23.
Arta na Adong di Bibel
w10-IN 1/1 20 ¶5-6
Boi do Halak Naung Mate Mangurupi Halak na Mangolu?
Pikkirhon ma on, Bibel mandok molo nga mate sasahalak, “mulak tu tano do ibana, laos di tikki i salpu ma sude pikkiranna”. (Psalmen 146:4) Jadi pasti diboto si Saul dohot si Samuel do na diorai Debata akka naposona manukkun tu datu. Jala sebelumna, nungnga berupaya si Saul pasidikkon akka ulaon sisongon i sian Israel.—3 Musa 19:31.
Molo tung pe si Samuel na mate i boi makkatai tu halak na mangolu, tottu dang olo ibana kerja sama dohot sahalak datu, ala diboto ibana diorai Debata do i. Asing ni i, dang olo be Debata di tikki i makkatai tu si Saul. Jadi dang adong manang ise pe na boi mamaksa Jahowa asa olo muse makkatai tu si Saul. Takkas ma, “si Samuel” na diida si Saul tikki i, dang si Samuel panurirang ni Debata naung mate i. Suru-suruan na jahat do i na menyamar gabe si Samuel naung mate.
9-15 MEI
ARTA NA ARGA NA ADONG DI BIBEL | 1 SAMUEL 30-31
“Pangido ma Gogo sian Jahowa”
w06-IN 1/8 28 ¶12
Marlas ni Roha ma Halak na Makkabiari Jahowa!
12 Ala mabiar si Daud tu Jahowa, gabe berupaya ma ibana asa unang mangulahon na sala. Asing ni i, gabe boi ma ibana tegas jala marbisuk nang pe adong masalahna. Misalna, lao do si Daud dohot akka tentarana tu Ziklag daerah ni halak Palistim lao martabuni sian si Saul. Disi ma nasida tinggal saleleng sataon opat bulan. (1 Samuel 27:5-7) Hea ma sada tikki, lao ma si Daud dohot sude akka tentarana. Ditinggalhon nasida ma istri, anak ni nasida, dohot arta ni nasida. Hape ro ma halak Amalek mangarampok jala manutung kota Ziklag. Diboan ma muse istri, ianakkon, dohot biru-biru ni nasida. Dung mulak si Daud dohot akka tentarana tu kota i, diida nasida ma nungnga diboan be sude arta ni nasida dohot keluarga ni nasida. Gabe mangangguki ma nasida. Alani i, muruk ma akka tentara ni si Daud tu ibana jala naeng dipamate nasida ma ibana. Marsak do si Daud alani i, alai dang menyerah ibana. (Poda 24:10) Ala mabiar si Daud tu Jahowa, dipangido ibana ma bantuan sian Jahowa, jala ‘diurupi Jahowa do ibana asa togu’. Ujungna, boi ma diboan si Daud dohot akka tentarana muse keluarga ni nasida, dohot sude arta na dirampok halak Amalek i.—1 Samuel 30:1-20.
w12-IN 15/4 30 ¶14
Dijaga Jahowa do Hita
14 Massai godang do masalah na diadopi si Daud. (1 Sam. 30:3-6) Alai molo tajaha di Bibel, taboto ma diattusi Jahowa do perasaanna. (Jaha Psalmen 34:18; 56:8.) Jahowa pe diboto Ibana do perasaanta. Tikki “mandele” hita manang “marmetmet ni roha”, rade do Ibana mandongani hita. Tottu tarapul do rohatta mamboto on. Songon i do tong na dihilala si Daud. Ibana mandok, “Las situtu do rohakku ala dipatudu Ho holong ni roham, ai nungnga diida ho hasusaakku, takkas do diboto Ho arsak ni rohakku.” (Ps. 31:7) Alai dang holan hasusaatta na diida Jahowa. Rade do tong Ibana patoguhon hita. Contohna dipatogu Ibana do hita di parpunguan.
Arta na Adong di Bibel
w05-IN 15/3 24 ¶8
Akka na Denggan sian Bukku Sada Samuel
30:23, 24. Diihutton si Daud do na disurat di 4 Musa 31:27 tikki mambahen keputusan. Sian on boi ma taparsiajari, diargai Jahowa do sude halak na mendukung huria. Jadi manang aha pe na taulahon, taulahon ma i “sian nasa roha songon tu Jahowa, dang tu jolma”.—Kolosse 3:23.
16-22 MEI
ARTA NA ARGA NA ADONG DI BIBEL | 2 SAMUEL 1-3
“Aha do na Boi Taparsiajari sian Ende ni si Daud na Marjudul ‘Panah’?”
w00-IN 15/6 13 ¶9
Hormati ma Akka na Martanggung Jawab di Huria
9 Marsak do si Daud alani si Saul. Didok ibana do tu Jahowa, “Naeng dipamate halak na kejam do au.” (Psalmen 54:3) Didok si Daud muse, “Ale Debatakku, palua ma au sian akka musukku, . . . Ro do akka halak na gogo lao mangaroro au. Hape so na mangalo manang mardosa au. Nang pe dang adong salakku, hatop do nasida ro naeng mangalo au. Alani i ro ma Ho tikki jou-jou au tu Ho, urupi ma au jala ida ma na binahen ni nasida.” (Psalmen 59:1-4) Hea do hamu makkilala songon i? Mungkin adong sahalak na martanggung jawab di huria mambahen na so denggan tu hamu. Hape so na adong na sala dibahen hamu tu ibana. Alai songon si Daud, nang pe dibahen na so denggan tu ibana, tetap do dihormati ibana si Saul. Tikki mate pe si Saul, dang las rohana. Didok ibana do songon on di endena, “Dihaholongi do si Saul dohot si Jonatan jala lomo do roha ni halak tu nasida saleleng mangolu nasida, . . . Ukkatop do nasida sian lali, umgogo do nasida sian singa. Ale akka boru ni Israel, andungi hamu ma si Saul.” (2 Samuel 1:23, 24) Massai denggan do sitiruon na dibahen si Daud on. Diargai ibana do halak naung dipillit Jahowa.
w12-IN 15/4 10 ¶8
Lam Godang ma na Mangulahon na Jahat tu Donganna di Ari Parpudi!
8 Dipaboa do di Bibel akka halak na setia tu donganna. Di artikel on tabahas ma dua contohna jala tadapot ma parsiajaran sian nasida. Na parjolo, i ma si Jonatan. Setia do ibana tu si Daud. Anak ni Raja Saul do ibana. Jadi sasittongna, ibana do na ikkon manggattihon bapakna gabe raja. Alai si Daud do na dipillit Jahowa gabe raja di Israel manggattihon si Saul. Nang pe songon i, diargai si Jonatan do keputusan ni Jahowa i. Dang cemburu ibana tu si Daud, manang dang dianggap ibana si Daud gabe sainganna. Bibel mandok, “Dihaholongi si Jonatan do si Daud dos songon makkaholongi dirina.” Marjanji do si Jonatan toktong setia tu si Daud. Asing ni i, dilehon si Jonatan do rompina, podangna, panahna, dohot ikat pinggangna tu si Daud. I patuduhon, na diakkui ibana do si Daud gabe raja. (1 Sam. 18:1-4) Dibahen si Jonatan do sude cara asa boi patoguhon si Daud. Barani do ibana mambela si Daud, nang pe naeng dipamate bapakna ibana. Didok si Jonatan do tu si Daud, “Takkas do diboto bapakku na lao gabe raja ni Israel ho. Jala diboto ibana do na toktong urupanku ho.” (1 Sam. 20:30-34; 23:16, 17) Jadi massai lungun ma roha ni si Daud tikki mate si Jonatan. Alani holongna, dibahen ibana ma sada ende na patuduhon holong ni rohana tu si Jonatan.—2 Sam. 1:17, 26.
Arta na Adong di Bibel
it-2-IN 736 ¶3
Haha Anggi
Biasana kompak do halak na sarupa tujuanna dohot cita-citana. Misalna, didok Raja Hiram na sian Tirus do si Salomo donganna. Dang holan alani sarupa kedudukan ni nasida, alai ala sarupa tujuan ni nasida. Tikki mambangun bagas joro si Salomo, diparade Raja Hiram do hau dohot akka barang na asing. (1Raj 9:13; 5:1-12) Didok Si Daud, “Tung denggan jala massai uli do molo rap tinggal akka na marhaha maranggi jala marsada ni roha!” Sian ayat i patuduhon, boi pe marsada jala mardame na marhaha maranggi, dang cukkup alani adong hubungan keluarga. (Ps 133:1) Songon si Daud dohot si Jonatan, dang alani hubungan keluarga marale-ale nasida. Alai ala marsihaholongan do nasida jala sarupa tujuan ni nasida. (2Sam 1:26) Jadi biasana halak na sarupa pangalahona do na boi mardongan. Termasuk ma i na sarupa roa pangalahona.—Poda 18:9.
23-29 MEI
ARTA NA ARGA NA ADONG DI BIBEL | 2 SAMUEL 4-6
“Toktong ma Habiari Jahowa”
w05-IN 15/5 17 ¶7
Akka na Denggan sian Bukku Dua Samuel
6:1-7. Denggan do tujuan ni si Daud papindahon Poti Parpadanan i. Alai dang diihutton ibana Patik ni Jahowa taringot cara mamboan Poti i. Mamakke gerobak do disuru ibana mamboan Poti i, jala ujungna gabe sundat do diboan Poti i. (2 Musa 25:13, 14; 4 Musa 4:15, 19; 7:7-9) Asing ni i tikki naeng madabu Poti i, ditiop si Uzza ma Poti i lao manahan asa unang dabu. Denggan do tujuan ni si Uzza mangulahon i, alai dang sesuai tu aturan ni Jahowa.
w05-IN 1/2 27 ¶20
Sittong do Sude na Diulahon Jahowa
20 Taingot ma, sasittongna takkas do diboto si Uzza Patik ni si Musa. Diboto ibana do Poti Parpadanan i mewakili kehadiran ni Jahowa. Dipaboa do di patik i, dang boi sude halak manjama Poti Parpadanan i. Jala ikkon dipamate do halak na mangalanggar patik i. (4 Musa 4:18-20; 7:89) Alani i ma, tugas na serius do mamindahon Poti Parpadanan i. Memang halak Lepi do si Uzza alai dang malim ibana. Nang pe songon i, pasti diboto ibana do takkas taringot patik i. Asing ni i, nungnga martaon-taon disippan Poti Parpadanan i di jabu ni bapakna. (1 Samuel 6:20–7:1) Saleleng 70 taon ma Poti Parpadanan i di jabu ni bapakna sahat tu na disuru si Daud asa dipapinda poti i tu Jerusalem. Jadi mulai sian dakdanak si Uzza, nungnga takkas diboto ibana aturan taringot Poti Parpadanan i.
w05-IN 1/2 27 ¶21
Sittong do Sude na Diulahon Jahowa
21 Songon naung dipaboa nakkin, boi do Jahowa mangida roha ni jolma. Bibel mandok, dang dioloi si Uzza patik ni Debata. Mungkin nungnga diida Jahowa holan mamikkiri dirina sandiri do si Uzza. Alai memang dang takkas dipaboa taringot i di Bibel. Mungkin na anggap remeh do si Uzza tu patik ni Debata. (Poda 11:2) Jala mungkin ala nungnga leleng Poti Parpadanan i di jabu ni keluargana, dirippu ibana holan keluargana do na marhak mangiring-iring Poti Parpadanan i. (Poda 8:13) Jala mungkin dang pos roha ni si Uzza na boi do bahenon ni Jahowa asa unang madabu Poti Parpadanan i. Jadi memang dang taboto pasti taringot i sude. Alai boi do pos rohatta, pasti sittong do keputusan ni Jahowa i. Pasti nungnga diida Jahowa roha ni si Uzza. Alani i ma gabe dipamate Jahowa ibana.—Poda 21:2.
Arta na Adong di Bibel
w96-IN 1/4 29 ¶1
Sai Tapasahat ma Sude Holso ni Rohatta tu Jahowa
Ala raja do si Daud, martanggung jawab do ibana alani na masa i. Songon na masa tu si Daud taboto ma, halak na togu hubunganna tu Jahowa pe olo do sipata dang masuk akkal cara marpikkirna. Songon si Daud, gabe jut do rohana tu Jahowa. Dung i gabe mabiar ma ibana. (2 Samuel 6:8, 9) Jadi diuji ma haporseaon ni si Daud di tikki i. Jala dang dipasahat ibana holso ni rohana tu Jahowa ala dang diihutton ibana patik ni Debata. Hea do hamu mangadopi situasi sisongon i? Mungkin ala dang diihutton hamu paretta ni Jahowa, gabe susa ma hamu. Alai gabe disalahon hamu do Jahowa alani i?—Poda 19:3.
30 MEI–5 JUNI
ARTA NA ARGA NA ADONG DI BIBEL | 2 SAMUEL 7-8
“Jahowa Mambahen Parjanjian tu si Daud”
w10-IN 1/4 20 ¶3
‘Sai Hot do Harajaonmu’
Las do roha ni Jahowa tu pangidoan ni si Daud i. Alani i, dibahen Jahowa ma parjanjian tu si Daud jala sesuai do i tu surirang naung dipaboa Jahowa hian. Lao bahenon ni Jahowa ma sahalak raja sian pinoppar ni si Daud na lao mamaretta saleleng ni lelengna. Dipaboa panurirang Natan ma janji ni Jahowa i tu si Daud. Didok ibana, “Sai hot do pinopparmu dohot harajaonmu saleleng ni lelengna jala sai hot do tahtam saleleng ni lelengna.” (Ayat 16) Ise do Raja na lao mamaretta saleleng ni lelengna na dipaboa di parjanjian i?—Psalmen 89:20, 29, 34-36.
w10-IN 1/4 20 ¶4
‘Sai Hot do Harajaonmu’
Pinoppar ni si Daud do Jesus na sian Nasaret. Andorang so tubu Jesus, ro ma sada suru-suruan mandok, “Lehonon ni Debata Jahowa ma tu ibana tahta ni si Daud ompuna i. Ibana ma na gabe Raja tu pinoppar ni si Jakkob saleleng ni lelengna jala dang na lao marujung Harajaonna i.” (Lukas 1:32, 33) Jadi Jesus Kristus do pinoppar ni si Daud na lao gabe Raja na dipaboa di parjanjian ni Jahowa tu si Daud i. Jesus mamaretta dang ala dipillit jolma, alai ala janji ni Debata do tu si Daud. Gabe Raja ma Jesus saleleng ni lelengna. Jadi toktong ma taingot, sai na saut do sude janji ni Debata.—Jesaya 55:10, 11.
w14-IN 15/10 10 ¶14
Pos ma Rohatta tu Harajaon ni Debata
14 Dibahen Jahowa do sada parjanjian tu Raja Daud. Digoari ma parjanjian i, parjanjian ni si Daud. (Jaha 2 Samuel 7:12, 16.) Marjanji do Jahowa, sian pinoppar ni si Daud do ro Mesias i. (Lukas 1:30-33) Takkas do dipaboa Jahowa sian dia tarombo ni Mesias. Jala didok Jahowa do muse, pinoppar ni si Daud i do “na marhak” mamaretta gabe Raja di Harajaon ni Debata. (Hes. 21:25-27) Gabe hot do pamarettaon ni si Daud alani Jesus. Didok Bibel, “Hot do pinopparna sahat tu saleleng ni lelengna, jala hot do tahtana . . . songon mataniari.” (Ps. 89:34-37) Jadi pos do rohatta, pasti tahilala do gok pasu-pasu tikki mamaretta Jesus gabe Raja jala sai adil do ibana mamaretta!
Arta na Adong di Bibel
it-1-IN 876 ¶5
Ari Parpudi
Surirang ni si Bileam. Andorang so masuk halak Israel tu Tano na Dijanjihon, didok si Bileam ma tu si Balak Raja ni Moab, “Hudok ma tu ho aha na lao bahenon ni bangso [Israel] tu bangsom di ujung ni akka ari. . . . Ro do sogot sada bintang sian si Jakkob, ro do sogot tukkot harajaon sian Israel. Hancurhononna do sogot ulu ni halak Moab, raphon ulu ni sude tentara na jahat.” (4Mus 24:14-17, surat na di toru) Raja Daud ma na manggohi surirang i parjolo. Alana ibana do “bintang” na manaluhon halak Moab. (2Sam 8:2) Jadi mulai ma terjadi “ujung ni akka ari” na dipaboa di surirang i, tikki mamaretta si Daud gabe Raja. Ala si Daud manggombarhon Jesus na gabe Raja di Harajaon ni Debata, jadi marlakku do tong surirang i tu Jesus tikki ditaluhon ibana akka musuna.—Jes 9:7; Ps 2:8, 9.
6-12 JUNI
ARTA NA ARGA NA ADONG DI BIBEL | 2 SAMUEL 9-10
“Dipatudu si Daud do Holong ni Rohana”
w06-IN 15/6 14 ¶6
Boi do Hamu Marlas ni Roha
Didok si Daud, “Marlas ni roha ma manang ise na mangurupi halak na pogos, paluaon ni Jahowa do ibana molo ro jea. Jagaon ni Jahowa do ibana asa toktong mangolu, dohonon ma ibana halak na marlas ni roha.” (Psalmen 41:1, 2) Asi do roha ni si Daud tu si Mepiboset na cacat. Anak ni si Jonatan do ibana, ale-ale ni si Daud. Gabe sitiruon do si Daud di hita asa marasi ni roha tu halak na susa.—2 Samuel 9:1-13.
w05-IN 15/5 17 ¶11
Akka na Denggan sian Bukku Dua Samuel
9:1, 6, 7. Ditepati si Daud do janjina tu si Jonatan. Hita pe tatiru ma ibana, berupaya ma hita menepati akka janjitta.
w02-IN 15/2 14 ¶10
Manaon Suga do Nasida di Bagasan Dagingna
10 Ala holong roha ni Raja Daud tu si Jonatan, di pudian ni ari dipatudu ibana do asi ni rohana tu si Mepiboset, anak ni si Jonatan. Dipaulak ibana ma sude tano ni si Saul, tu si Mepiboset. Jala disuru ibana ma si Siba parkarejo ni si Saul i mangurus tano i. Didok si Daud ma muse tu si Mepiboset, “Toktong ma ho rap mangan dohot au di mejakku.” (2 Samuel 9:6-10) Ala dipatudu si Daud burju ni rohana tu si Mepiboset, pasti gabe las ma roha ni si Mepiboset. Jala gabe lubbang ma pakkilalaanna nang pe susa ibana alani cacatna i. Sitiruon na denggan do on di hita. Hita pe tapatudu ma asi ni roha tu akka halak na susa na manaon suga di bagasan daging ni nasida.
Arta na Adong di Bibel
it-1-IN 1085
Janggut
Di daerah Timur najolo, termasuk ma di halak Israel, lomo do roha ni akka bawa disi marjanggut. Ala dianggap nasida, sangap do molo marjanggut nasida. Di Patik ni si Musa pe diorai do halak Israel mancukkur ‘obuk na di sakaliling ni uluna’, jala diorai do nasida manggusting ujung ni janggut ni nasida. (3Mus 19:27; 21:5) Ala mancukkur janggut, kebiasaan ni halak kafir do i.
13-19 JUNI
ARTA NA ARGA NA ADONG DI BIBEL | 2 SAMUEL 11-12
“Unang ma Olo Hita Dirajai Keinginan na Sala”
Boi do Hita Kaluar sian Jorat ni Sibolis!
10 Godang do pasu-pasu na dijalo si Daud sian Jahowa. Dibahen Jahowa do ibana mamora, sangap, jala jotjot do ibana monang mangalo akka musuna. Las do roha ni si Daud manjalo pasu-pasu i. Didok ibana do “tung so habilangan” i sude. (Ps. 40:5) Alai lam leleng, gabe tamak ma ibana. Dang puas be ibana tu akka naung dilean Jahowa i. Nungnga godang istrina, naeng dope dibuat ibana istri ni halak, hape sala do i. Si Bat-seba do goar ni borua i, istri ni si Uria halak Het. Mangulahon seks ma si Daud dohot si Bat-seba. Gabe hamil ma borua i. Massai jahat do na diulahon si Daud i. Alai dang holan i, diatur ibana dope rencana lao pamatehon si Uria, suami ni si Bat-seba. (2 Sam. 11:2-15) Boasa sappe diulahon si Daud i? Na dirippu ibana do dang diida Jahowa na diulahonna i? Nang pe naung leleng si Daud manomba Jahowa, alai boi do ibana gabe tamak jala susa do ibana alani i. Ujungna muba do si Daud jala disesa Jahowa do dosana i. Pasti mandok mauliate do si Daud tu Jahowa!—2 Sam. 12:7-13.
Boasa Rade Hita Unduk tu Jahowa, jala Songon dia Hita Mangulahon i?
15 Dipillit Jahowa do si Daud gabe pamimpin di keluargana dohot di saluhut bangso Israel. Ala raja si Daud, marhuaso do ibana. Sada tingki, dipangke ibana do huasona marhite cara na so denggan. Gabe mangulahon dosa ma ibana. (2 Sam. 11:14, 15) Alai unduk do ibana tu Jahowa jala olo do ibana dipinsang. Tingki martangiang, dipaboa ibana do sude na di rohana tu Jahowa. Jala marsitutu do ibana mangoloi poda sian Jahowa. (Ps. 51:3-6) Asing ni i, serep do rohana manjalo poda sian angka borua. (1 Sam. 19:11, 12; 25:32, 33) Ringkot do di si Daud laho manomba Jahowa jala marsiajar do ibana sian hasalaanna.
Pangke ma Hata ni Debata Mangalatik Panggora ni Rohamuna
7 Unang ma jolo tataon hasusaan alani hasalaanta, baru pe taantusi dia na denggan dohot na roa. Alai boi do hita marsiajar sian pengalaman ni angka halak di tingki najolo. Didok di Poda 1:5, “Sai dibege na pistar ma i, asa tamba poda di ibana.” Jadi sian Debata do sude tudutudu na denggan! Umpamana, rimangi ma si Daud na gabe susa ala mangulahon dosa dohot si Batseba. (2 Sam. 12:7-14) Molo tajaha ayat on, boi ma tasungkun di rohanta, ‘Sasintongna, ingkon songon dia hian do si Daud mangadopi situasi on? Aha ma na huulahon molo mangadopi situasi na sarupa? Gabe huulahon do na rorang songon si Daud? Manang si Josep do hutiru?’ (1 Mus. 39:11-15) Molo tapingkiri do akibatna ala mangulahon dosa, gabe lam ‘tahagigihon ma na jat i’.
Arta na Adong di Bibel
it-1-IN 561 ¶3
Si Daud
Diboto Jahowa jala dipapatar Ibana do dosa ni nasida i. Alai dang dipaloas Jahowa jolma na menangani parsoalan i. Alana molo mangihutton Patik ni si Musa, ikkon dipamate do nasida na dua dohot janin ni si Bat-seba i. (5Mus 5:18; 22:22) Jadi Jahowa sandiri do na menangani kasus i. Jala dipatudu Ibana do asi ni rohana tu si Daud, ala diingot Ibana janjina tu si Daud taringot Harajaon. (2Sam 7:11-16), Asing ni i, diingot Jahowa do hea do si Daud patuduhon asi ni rohana tu si Saul. (1Sam 24:4-7; bandingkon tu Jak 2:13) Alasan na asing, nungnga bertobat be nasida na dua. (Ps 51:1-4) Nang pe songon i, adong do akibat na ditaon nasida ala mangulahon dosa i. Didok Panurirang Natan do tu si Daud, “Sian keluargam sandiri do bahenokku jea tu ho.”—2Sam 12:1-12.
20-26 JUNI
ARTA NA ARGA NA ADONG DI BIBEL | 2 SAMUEL 13-14
“Gabe Susa do si Amnon Ala Egois Ibana”
it-1-IN 30 ¶1
Si Absalom
Dipamate si Amnon. Ala massai bagak si Tamar ito ni si Absalom, gabe tergila-gila ma si Amnon tu ibotona i. Attar-attar marsahit ma ibana, jala diatur ibana ma asa ro si Tamar manaruhon sipanganon tu jabuna. Dung i, diperkosa si Amnon ma si Tamar. Alai dukkon diperkosa ibana si Tamar, gabe muba ma rohana. Gabe magigi hian ma rohana tu si Tamar. Jala dipalao ma si Tamar. Tikki i mamakke rompi na ganjang do si Tamar, na biasa dipakke sahalak boru ni Raja na perawan dope. Dibahen si Tamar ma abu tu uluna jala diribak ibana ma bajuna. Dukkon i, pajuppang ma ibana tu itona si Absalom. Pittor diboto si Absalom do aha na masa, jala diboto ibana do si Amnon do na mamperkosa si Tamar. On patuduhon, sebelumna nungnga diparrohahon si Absalom na tergila-gila do si Amnon tu si Tamar. Nang pe songon i, disuru si Absalom do asa unang diaduhon si Tamar parsoalan i tu manang ise pe. Jala disuru ma si Tamar torus tinggal di jabuna.—2Sam 13:1-20.
Cara Asa Boi Mangorom Diri
11 Dipaboa do di Bibel angka halak na tarelaela mangulahon seks na so patut. Jala dipaboa do muse aha na masa tu halak na so mangorom diri. Molo dihilala hamu do songon na masa tu si Kim, pingkirhon ma taringot sahalak baoa na oto na disurat di Buku Poda bindu 7. Ingot ma muse si Amnon dohot na masa tu ibana alani pangalahona. (2 Sam. 13:1, 2, 10-15, 28-32) Ulas ma angka tudosan on di panombaon na sasaripe laho mangurupi ianakhonmuna asa mangorom diri jala marbisuk.
it-1-IN 30 ¶4
Si Absalom
Dung salpu dua taon dibahen si Absalom ma pesta di Baal-hazor. Tikki i manggusting ibbulu ni biru-biru do ibana. Baal-hazor i hira-hira 22 kilometer ma di sabola utara timur laut ni Jerusalem. Diundang ma sude anak ni raja dohot si Daud. Alai di tikki i dang boi raja Daud ro. Gabe dipaksa si Absalom ma asa disuru bapakna ro si Amnon manggattihon bapakna ro tu pesta i. (Poda 10:18) Tikki ‘mabuk si Amnon alani anggur’ di pesta i, disuru si Absalom ma asa dipamate akka parkarejona si Amnon. Dung masa i, mulak ma sude anak ni raja i tu Jerusalem, jala lari ma si Absalom tu jabu ni opung dolina tu harajaon ni Gesur di daerah di sabola timur ni Laut Galilea. Halak Siria do opung dolina i. (2Sam 13:23-38) Jadi saut ma surirang na dipaboa Panurirang Natan na mandok, “hona podang” ma pinoppar ni si Daud saleleng ngolu ni si Daud.—2Sam 12:10.
Arta na Adong di Bibel
g04-IN 22/12 8-9
Haulion ni Roha do na Ummarga di Jahowa
Saonari taida ma jo contoh ni si Absalom, anak ni si Daud. Dang lomo roha ni akka halak tu ibana, nang pe uli rupana. Songon on ma na didok Bibel taringot ibana, “Sai dipuji-puji halak do si Absalom, ai ibana do na ungganteng di Israel. Dang adong nanggo saotik pe na hurang, mulai sian uluna sahat tu ujung ni patna.” (2 Samuel 14:25) Alai holan mamikkiri dirina sandiri do si Absalom. Dialo ibana do bapakna asa boi ibana gabe raja manggattihon bapakna i. Jala mangulahon seks do ibana dohot akka gundik ni bapakna. Akibatna, muruk ma Debata tu si Absalom jala ngeri do parmatena.—2 Samuel 15:10-14; 16:13-22; 17:14; 18:9, 15.
Ala songon i pangalaho ni si Absalom, pasti dang lomo rohamuna tu ibana. Nang pe ganteng ibana, alai dang hasea pangalahona. Ginjang do rohana, jala dang setia ibana tu Jahowa dohot tu bapakna. Alai dipaboa do di Bibel contoh ni akka halak na marbisuk nang pe dang dipaboa taringot songon dia rupa ni nasida. Jadi takkas ma, haulion ni roha do na ummarga di Jahowa.
27 JUNI–3 JULI
ARTA NA ARGA NA ADONG DI BIBEL | 2 SAMUEL 15-17
“Ginjang ni Roha ni si Absalom Mambahen Ibana Mangalo Raja”
it-2-IN 338 ¶6
Sipukka Dalan
Molo di daerah ni halak Timur, jotjot do disuru akka halak marlojong di jolo ni kareta harajaon lao paboahon haroro ni sahalak raja jala lao mangurupi raja i. (1Sam 8:11) Disuru si Absalom dohot si Adonia do 50 halak marlojong di jolo ni kareta ni hoda si Absalom asa sangap ibana idaon, jala asa diakkui halak ibana gabe raja.—2Sam 15:1; 1Raj 1:5; ida LARI, PELARI.
w12-IN 15/7 13 ¶5
Somba ma Debata na Mangalehon Haluaon
5 Di Bibel godang do akka contoh ni akka halak na mangalehon pengaruh na so denggan. Misalna si Absalom anak ni Raja Daud. Ganteng do ibana, alai songon Sibolis do ibana. Holan mamikkiri dirina sandiri do ibana jala dialo ibana do bapakna asa boi ibana gabe raja. Hape dang marhak ibana gabe raja. Berusaha do ibana mambuat roha ni akka halak asa dirippu akka halak ibana do na burju, molo Raja Daud dang burju. Sarupa ma na diulahon ibana songon na diulahon Sibolis tikki di Taman Eden. Attar-attar burju ma si Absalom tu akka rakyat, jala diparoa-roa ibana do bapakna sandiri.—2 Sam. 15:1-5.
it-1-IN 897 ¶1
Hebron
Piga-piga taon dukkon i, mulak ma si Absalom tu Hebron. Sian i ma ibana mangatur pemberontakan mangalo bapakna asa boi ibana gabe raja. Hape gagal do rencanana i. (2Sam 15:7-10) Boasa dipillit ibana kota Hebron? Ala disi do hutana. Jala hea do kota Hebron gabe ibukota ni Juda. Di pudian ni ari dipajongjong Raja Rehoboam pahoppu ni si Daud ma kota Hebron. (2Kron 11:5-10) Alai dung ditawan halak Babel halak Jahudi, gabe dang tarurus be kota Juda. Dung mulak halak Jahudi sian pembuangan, gabe adong ma piga-piga halak Jahudi na mulak sian pembuangan i tinggal di kota Hebron manang Kiriat-arba.—Neh 11:25.
Arta na Adong di Bibel
Diboto Hamu do na Sasintongna?
11 Ra di sada tingki boi do gabe hansit rohanta ala adong halak na mandok na paroa-roahon hita. Ingot ma pengalaman ni si Mepiboset. Burju do Raja Daud tu ibana jala dilehon do sude arta ni ompungna si Saul tu ibana. (2 Sam. 9:6, 7) Alai ndang leleng adong ma na paroa-roahon si Mepiboset tu si Daud. Ndang jolo dilului si Daud hatorangan na sintong. Pintor dibuat ibana do sude arta ni si Mepiboset. (2 Sam. 16:1-4) Alai dung mangkatai muse si Daud tu si Mepiboset, diboto ibana ma nga sala ibana. Jadi dipaulak ibana ma deba arta ni si Mepiboset. (2 Sam. 19:25-30) Sasintongna molo sabar si Daud mangalului hatorangan na sintong, ndang susa si Mepiboset.