Referensi tu Parpunguan Hangoluan dohot Pangkobasion na Laho Diparsiajari
© 2022 Christian Congregation of Jehovah’s Witnesses
2-8 JANUARI
ARTA NA ARGA NA ADONG DI BIBEL | 2 RAJA-RAJA 22-23
“Boasa Ikkon Serep Rohatta?”
w00-IN 15/9 29 ¶7–30 ¶1
Las do Roha ni Jahowa tu si Josia na Serep Rohana
Sogot hian dope ari, nungnga kerja keras halak Israel lao paturehon bagas joro. Mandok mauliate do si Josia tu Jahowa, ala rade halak Israel paturehon bagas joro i. Alana nungnga sega bagas joro i dibahen akka ompu ni nasida. Tikki karejo dope nasida, toppu ma ro si Sapan mandapotton si Josia. Diboan ibana ma sada gulungan. Didok ibana, adong dapot ni Malim Hilkia “bukku na marisi Patik ni Jahowa na dipasahat tu si Musa”. (2 Kronika 34:12-18) Tarsonggot do nasida ala boi dapot ni nasida gulungan na marisi Patik ni Jahowa na dipasahat tu si Musa.
Tikki dijahahon isi ni gulungan i, manat do si Josia manangihon ganup patik i. Jala huhut do dipikkirhon ibana nungnga diulahon nasida isi ni Patik i manang na dang. Alana isi ni Patik i paboahon taringot ikkon didalatton nasida do ibadat na sittong. Jala dipaboa do tong hukuman na lao dapot ni nasida molo disomba nasida debata na so sittong. Dung i disadari si Josia ma, dang sude dope didalatton nasida paretta ni Debata. Gabe diribak si Josia ma pakkeanna jala didok ma tu si Hilkia, si Sapan, dohot halak na asing, ‘Sukkun hamu ma tu Jahowa taringot tu isi ni bukku na dapotmuna i. Ai nungnga muruk situtu Jahowa tu hita, ala dang dioloi akka omputta sude na tarsurat di bukku on.’—2 Raja-Raja 22:11-13; 2 Kronika 34:19-21.
w00-IN 15/9 30 ¶2
Las do Roha ni Jahowa tu si Josia na Serep Rohana
Lao ma si Hilkia dohot akka halak na sinuru ni Raja Josia tu Jerusalem manjuppangi si Hulda, sahalak panurirang borua. Dipaboa si Hulda ma hata ni Jahowa tu nasida. Dung i dipaboa nasida ma hata ni si Hulda i tu si Josia. Didok Jahowa na lao masa do bencana tu halak Israel, ala dang diulahon nasida paretta ni Jahowa. Diakkui si Josia do kesalahan ni halak Israel, serep do rohana. Alani i, dang na lao idaon ni si Josia masa bencana i. Dung mate ibana, dikuburhon do ibana di kuburan ni akka ompuna di bagasan dame.—2 Raja-Raja 22:14-20; 2 Kronika 34:22-28.
Arta na Adong di Bibel
w01-IN 15/4 26 ¶3-4
Boi do Toktong Hamu Mambahen Las Roha ni Jahowa Dang Soal Songon dia Hamu Dipagodang-godang
Tikki dakdanak si Josia, dang manomba Jahowa keluargana dohot akka halak di sakalilingna jala jahat do nasida. Nang pe songon i, dibahen si Josia do las roha ni Jahowa. Alani i ma gabe denggan ngolu ni halak Israel tikki mamaretta ibana. Didok Bibel do, “Dang hea dope adong raja na songon si Josia jala dang adong be raja na songon ibana. Dibahen ibana do sian nasa gogona, sian nasa ngoluna, dohot sian nasa rohana mangulahon sude Patik ni si Musa asa boi mulak tu Jahowa.”—2 Raja-Raja 23:19-25.
Gabe sitiruon do si Josia tu akka halak na mengalami pengalaman na buruk tikki dakdanak. Jadi aha do na mangurupi si Josia boi toktong mambahen las roha ni Jahowa?
9-15 JANUARI
ARTA NA ARGA NA ADONG DI BIBEL | 2 RAJA-RAJA 24-25
“Tetap ma Marjaga-jaga”
w01-IN 15/2 12 ¶2
Nungnga Jonok be Ari Panguhuman ni Jahowa!
2 Tikki dakdanak si Josia, diida ibana do na barani Panurirang Sepania paboahon hata ni Jahowa. Gabe diboto ibana ma na ikkon dimusnahon do ibadat na so sittong sian Juda. Alai nang pe nungnga dihancurhon ibana akka inganan panombaon, tetap dope adong akka halak na manomba debata na so sittong songon na diulahon oppungna najolo, i ma si Manasse. Dipamate si Manasse do najolo akka halak na so marsala. Gabe ‘gok ma mudar ni halak na so marsala di Jerusalem dibahen ibana’. (2 Raja-Raja 24:3, 4; 2 Kronika 34:3) Alani i tetap do diparo Jahowa bencana tu halak Israel.
w07-IN 15/3 11 ¶10
Akka na Denggan sian Bukku Jeremia
Dung 11 taon mamaretta Raja Sedekia i ma taon 607 SM, ro ma si Nebukadnesar Raja ni Babel lao mengepung Jerusalem. Saleleng 18 bulan ma Jerusalem dikepung. Di ari na papituhon, di bulan na palimahon, di taon na pasappulu siahon Raja Nebukadnesar mamaretta, “ro ma” si Nebusaradan tu Jerusalem. (2 Raja-Raja 25:8) Dibahen si Nebusaradan ma kemah di luar ni tembok kota Jerusalem, huhut memeriksa situasi dohot mangatur strategi lao menyerang kota i. Tolu ari dukkon i, di ari na pasappuluhon di bulan i, masuk ma si Nebusaradan tu Jerusalem. Dung i ditutung ibana ma kota i.—Jeremia 52:12, 13.
Arta na Adong di Bibel
w05-IN 1/8 12 ¶1
Akka na Denggan sian Bukku Dua Raja-Raja
24:3, 4. Ala godang do halak na so marsala dipamate si Manasse, gabe “dang olo be Jahowa manesa dosa ni halak Juda”. Alana massai arga do di Jahowa mudar ni akka halak na so marsala. Jadi pos do rohatta, pasti dihukum Jahowa do akka halak na pamatehon halak na so marsala.—Psalmen 37:9-11; 145:20.
16-22 JANUARI
ARTA NA ARGA NA ADONG DI BIBEL | 1 KRONIKA 1-3
“Tutu do Sude na Disurat di Bibel, Dang Holan Cerita”
w09-IN 1/9 14 ¶1
Tutu do Hea Mangolu si Adam dohot si Hawa?
Contohna dipaboa do daftar ni tarombo ni halak Jahudi di bukku Sada Kronika bindu 1 sahat tu 9 dohot di bukku Lukas bindu 3. Di bukku Sada Kronika adong do dipaboa 48 generasi jala di bukku Lukas adong 75 generasi. Molo di bukku Lukas dipaboa taringot tarombo ni Jesus Kristus. Alai molo di bukku Sada Kronika dipaboa do disi taringot pinoppar ni raja dohot malim ni halak Israel. Di dua bukku i dipaboa do goar ni akka halak na terkenal songon si Salomo, si Daud, si Jakkob, si Isak, si Abraham, si Noak, dohot si Adam. Sude goar ni akka halak na disurat di daftar i memang tutu do hea mangolu. Jala si Adam ma jolma na parjolo na disurat di daftar i.
w08-IN 1/6 3 ¶4
Tutu do Hea Mangolu si Noak jala Hea do Masa Aek na Sumar
Adong do disurat goar ni si Noak di akka tarombo na disurat di bukku Kronika dohot di bukku Lukas. (1 Kronika 1:4; Lukas 3:36) On patuduhon na tutu do si Noak hea mangolu. Halak na teliti do na manurat akka tarombo i, i ma si Esra dohot si Lukas. Disurat si Lukas do tarombo taringot Jesus Kristus mulai sian si Noak.
w09-IN 1/9 14-15
Tutu do Hea Mangolu si Adam dohot si Hawa?
Contohna, lomo do roha ni akka halak na di gareja mambege ajaran taringot tobusan. Alana menurut ajaran i, dilehon Jesus Kristus do dirina na sempurna gabe tobusan lao manobus dosa ni jolma. (Mateus 20:28; Johannes 3:16) Hata tobusan, boi dua lapatanna. Na parjolo, i ma arga sigararon ni sasahalak lao manobus naung targade. Paduahon, i ma arga lao manutup manang lao manggarar harugian. Bibel mandok, holan Jesus do na boi gabe “tobusan tu saluhut jolma”. (1 Timoteus 2:6) Boasa ma ikkon Jesus? Alana didok Bibel, “Sude do jolma mate alani si Adam, suang songon i ma sude do jolma mulak mangolu alani Kristus.” (1 Korint 15:22) Ala sempurna do Jesus, gabe boi ma ibana mamelehon ngoluna na sempurna lao manggattihon hangoluan na sempurna na mago dibahen si Adam. (Rom 5:12) Jadi molo dang tutu si Adam hea mangolu, dang marguna pelean tobusan ni Jesus i.
Arta na Adong di Bibel
it-2-IN 816 ¶3-4
Silsilah
Goar ni Akka Borua. Sipata dipaboa do goar ni akka borua di daftar silsilah molo adong kaitanna tu sejarah. Contohna di 1 Musa 11:29, 30, dipaboa do goar ni si Sarai (Sara). Alana sian keturunan ni si Sara do annon tubu Pinoppar na Dijanjihon i, dang sian istri ni si Abraham na asing. Di ayat i dipaboa do tong goar ni si Milka, i ma oppung ni si Rebekka. Si Rebekka ma na gabe istri ni si Isak. Molo taida sian silsilah on, keluarga ni si Rebekka dope si Abraham. Alani i do, dang boi si Isak mambuat borua sian bangso na asing lao gabe istrina. (1Mus 22:20-23; 24:2-4) Di 1 Musa 25:1 dipaboa do goar ni si Ketura, i ma istri ni si Abraham. On patuduhon, mangoli do muse si Abraham dung mate si Sara. Jala adong do keturunan ni si Abraham sian si Ketura. Jadi dung dibahen Jahowa si Abraham gabe boi marianakkon, boi dope ibana marianakkon muse 40 taon dukkon i. (Rom 4:19; 1Mus 24:67; 25:20) Alani i ma gabe taboto adong do hubungan ni halak Midian dohot suku Arab tu halak Israel.
Dipaboa do tong di Bibel goar ni si Lea, si Rahel, akka gundik ni si Jakkob dohot akka anak na ditubuhon nasida. (1Mus 35:21-26) On mangurupi hita mangattusi alasan tindakan ni Jahowa tu pinoppar ni nasida. Jala adong do tong dipaboa goar ni akka borua na asing di daftar silsilah. Misalna, molo dapot ni nasida warisan boi do gabe disurat goar ni nasida. (4Mus 26:33) Asing ni i disurat do tong goar ni si Tamar, si Rahab, dohot si Rut di Bibel. Boasa songon i? Alana, adong do tindakan na luar biasa na diulahon nasida. Alani i ma disurat goar ni nasida di daftar silsilah ni oppung ni Messias, i ma Jesus Kristus. (1Mus 38; Rut 1:3-5; 4:13-15; Mat 1:1-5) Bukku na asing na manurat goar ni akka borua di daftar silsilah adong di 1 Kronika 2:35, 48, 49; 3:1-3, 5.
23-29 JANUARI
ARTA NA ARGA NA ADONG DI BIBEL | 1 KRONIKA 4-6
“Sian Akka na Hutangiakkon, Patuduhon Halak na Songon dia do Au?”
w10-IN 1/10 23 ¶3-7
“Sitangihon Tangiang”
Sai sian nasa roha do si Jabes martangiang. Na parjolo dipangido ibana di tangiangna, i ma asa dipasu-pasu Debata ibana. Dukkon i, dibahen ibana ma tolu pangidoanna. Sian pangidoanna i tarida do na pos rohana tu Jahowa.
Na parjolo dipangido si Jabes ma tu Debata asa ‘dibahen lam bidang tanona’. (Ayat 10) Alai dang na gabe lomo rohana mambuat tano ni halak, alana bawa na sangap do si Jabes. Dipangido ibana pe songon i, dang na lao tu kepentinganna sandiri. Alai asa adong do tempat tinggal ni naposo ni Debata.
Na paduahon, dipangido si Jabes do asa ‘didongani’ Debata ibana. Dipakke Debata do huasona lao mangurupi akka naposona. (1 Kronika 29:12) Asa dipasaut Debata pangidoanna, diulahon ibana ma lomo ni roha ni Debata. Alana pasti diurupi Debata do akka halak na porsea tu Ibana.—Jesaya 59:1.
Na patoluhon, didok si Jabes do di tangiangna, ‘Unang ma bahen au marjea, asa unang susa au!’ Didok ibana pe songon i, asa boi do ibana toktong togu tikki adong masalah manang bencana na ro tu ibana.
Tangiang ni si Jabes patuduhon, na parduli do ibana tu ibadat na sittong jala togu do haporseaonna tu Debata Jahowa. Jadi dialusi Jahowa do tangiangna i? Didok do di ayat i, “Dipasaut Debata ma na pinangidona i.”
Arta na Adong di Bibel
w05-IN 1/10 9 ¶7
Akka na Denggan sian Bukku Sada Kronika
5:10, 18-22. Di jaman ni Raja Saul, boi do ditaluhon halak Israel na di sabola timur ni Sunge Jordan halak Hagri nang pe unggodang jumlah ni halak Hagri sian nasida. Nang pe tentara na jago halak Israel na di sabola timur ni Sunge Jordan i, tetap do nasida mangasahon bantuan dohot huaso ni Jahowa. Jadi molo taandalhon Jahowa, boi do taadopi akka musutta nang pe unggodang nasida sian hita.—Epesus 6:10-17.
30 JANUARI–5 FEBRUARI
ARTA NA ARGA NA ADONG DI BIBEL | 1 KRONIKA 7-9
“Urupan ni Jahowa do Hamu Mangulahon Tanggung jawab na Balga”
w05-IN 1/10 9 ¶8
Akka na Denggan sian Bukku Sada Kronika
9:26, 27. Adong do halak Lepi na dipillit lao manjaga gerbang ni bagas joro. Tanggung jawab na balga do on, alana nasida do na maniop kunci ni bagas joro. Nang pe songon i, denggan do diulahon nasida tanggung jawab ni nasida i. Tiap pagi dibukka nasida do gerbang ni bagas joro i. Hita pe nungnga dilehon Jahowa tanggung jawab na penting tu hita lao marbarita na uli jala mangurupi akka halak lao mananda Jahowa. Alani i tatiru ma halak Lepi, denggan ma taulahon tanggung jawabta i.
w11-IN 15/9 32 ¶7
Tatiru ma si Pinehas Tikki Mangulahon Tanggung jawabta
Najolo si Pinehas do na dipillit gabe pamimpin ni sude panjaga gerbang ni tabernakel. Ala barani ibana, marbisuk, jala diandalhon ibana Debata, boi ma ibana mangulahon tanggung jawabna na balga i. Asing ni i, holong hian do roha ni si Pinehas tu sude naposo ni Debata. Alani i ma las roha ni Jahowa mangida ibana. Saribu taon dukkon jaman ni si Pinehas, songon on ma na disuratton si Esra taringot ibana, “Si Pinehas anak ni si Eleasar do najolo pamimpin ni nasida. Didongani Jahowa do ibana.” (1 Kron. 9:20) Gabe sitiruon do si Pinehas tu halak Kristen saonari. Molo adong tanggung jawab na dilehon organisasi tu hita, tatiru ma si Pinehas.
Arta na Adong di Bibel
w10-IN 15/12 21 ¶6
Marende ma tu Jahowa!
6 Najolo dipaboa Jahowa do tu akka naposona marhite panurirangna asa marende nasida mamuji Ibana. Asing ni i, adong do halak Lepi na dipillit lao gabe parende tikki manomba Debata. Asa boi nasida mambahen lagu jala marlatik marende, dang pola dohot nasida mangulahon tugas na asing.—1 Kron. 9:33.
6-12 FEBRUARI
ARTA NA ARGA NA ADONG DI BIBEL 1 KRONIKA 10-12
“Semangat ma Hamu Mangulahon Lomo ni Roha ni Debata”
w12-IN 15/11 6 ¶12-13
“Ajari ma Au Mangulahon Lomo ni Roham”
12 Adong muse na boi tatiru sian si Daud, diattusi ibana do akka prinsip ni Debata, jala diihutton ibana do akka prinsip i. Prinsip ni Debata, i ma cara marpikkir ni Debata na gabe fondasi ni Patik ni si Musa. Misalna, hea ma di sada tikki si Daud mauas hian jala hirim do rohana naeng manginum “aek na sian sumur na di labbung ni gerbang ni Betlehem”. Ala dibege akka tentarana pangidoan ni si Daud i, lao ma tolu tentarana masuk tu kota Betlehem lao mambuat aek i. Hape di tikki i halak Palistim do na mangarajai kota Betlehem. Alani i, “dang olo si Daud manginum i. Diusehon ibana ma aek i tu tano di jolo ni Jahowa”. Boasa songon i? Didok si Daud, “Dang tarinum au aek on, ai mabiar do au tu Debata! Songon na manginum mudar ni halak on do au molo huinum i. Ai nungnga pola martaru hosa nasida lao mambuat aek on!”—1 Kron. 11:15-19.
13 Takkas do diboto si Daud Patik ni si Musa. Di Patik ni si Musa, diorai do halak Israel mangallang mudar jala ikkon diusehon do i tu tano. Asing ni i, diboto ibana do boasa dibahen Jahowa patik na songon i. Diboto si Daud do, “di mudar i do ngolu ni nasa na mangolu”. Alai boasa ma dang olo si Daud manginum aek i? Alana diboto si Daud do prinsip na gabe fondasi ni Patik ni si Musa taringot mudar i. Dietong ibana do aek i dos songon mudar. Alana nungnga pola martaru hosa akka tentarana lao mambuat aek i. Alani i ma diusehon si Daud aek i tu tano.—3 Mus. 17:11; 5 Mus. 12:23, 24.
Pangke ma Hata ni Debata Mangalatik Panggora ni Rohamuna
5 Asa marguna uhum ni Debata di ngolunta, ndang sae holan manjaha Bibel. Alai ingkon tahaholongi jala taargai do i. Didok do di Bibel, “Hagigihon hamu ma na jat i, jala haholongi hamu na denggan.” (Am. 5:15) Alai songon dia carana? Ingkon taihuthon ma pingkiran ni Jahowa. Rimangi ma. Umpamana ndang boi hamu renges modom. Jadi, disuru dokter ma hamu asa gok mangallang sayur, olahraga, jala ingkon taratur do ngolumuna. Dung diulahon hamu i, gabe boi ma hamu renges modom! Tontu gabe diargai hamu do tudutudu ni dokter i, ndang i?
6 Suang songon i ma Debata. Dilehon Ibana do uhum tu hita, asa unang na roa na tadapot jala asa lam denggan ngolunta. Umpamana, diajarhon Bibel do asa unang margabus, mangoto-otoi, manangko, mangulahon na rorang, mangulahon na jahat, manang mardatu. (Jaha Poda 6:16-19; Pgk. 21:8) Molo nunga taulahon i jala tadapot do na denggan, gabe lam holong ma rohanta tu Debata dohot tu uhumNa.
Arta na Adong di Bibel
it-1-IN 1089 ¶3-4
Jantung
Manomba Jahowa “Sian Nasa Roha”. Ikkon sian nasa roha do hita manomba Jahowa. Alana boi do tarbagi rohatta manang dang sian nasa roha. Songon on ma na didok si Daud, “Urupi ma au pasangappon goarmi sian nasa rohakku.” Sian hata ni si Daud on taboto ma, boi do roha i tarbagi. Tarmasuk ma i holong ni rohatta dohot biar ni rohatta. (Ps 86:11) Molo “mardua roha” sasahalak, boi do dang haru ngali manang dang haru las rohana tikki manomba Jahowa. (Ps 119:113; Pgk 3:16) Jala molo mardua roha sasahalak, boi do dang sarupa hatana tu na di rohana. Manang disomba ibana na sada, alai dohot do tong disomba ibana muse na asing. (1Kron 12:33; Ps 12:2) Dipatudos Jesus do halak na mardua roha i songon halak na munafik, jala sogo do roha ni Jesus tu halak na sisongon i.—Mat 15:7, 8.
Asa boi tabahen las roha ni Debata, ikkon sian nasa roha do hita manomba Ibana. (1Kron 28:9) Alana, akkal do rohatta jala sai naeng mangulahon na jahat. (Jer 17:9, 10; 1Mus 8:21) On ma na porlu taulahon asa boi hita manomba Jahowa sian nasa roha: martangiang sian nasa roha (Ps 119:145; And 3:41), manjaha Bibel ganup ari (Esr 7:10; Poda 15:28), bersemangat paboahon barita na uli tu akka halak (bandingkon tu Jer 20:9), jala mardongan dohot akka halak na tong manomba Jahowa sian nasa rohana.—Bandingkon tu 2Raj 10:15, 16.
13-19 FEBRUARI
ARTA NA ARGA NA ADONG DI BIBEL | 1 KRONIKA 13-16
“Boi do Marhasil Hita Molo Mangihutton Petunjuk ni Jahowa”
w03-IN 1/5 10 ¶12
“Beta ma Talului Jahowa”
12 Dung dipaulak halak Palistim poti parpadanan i tu halak Israel, disippan do i saleleng martaon-taon di Kiriat-jearim. Di sada tikki lomo ma roha ni Raja Daud naeng papindahon i tu Jerusalem. Jadi makkatai ma ibana tu pamimpin ni bangso i, jala didok ibana naeng papindaonna do poti parpadanan ‘molo denggan di roha ni akka pamimpin i jala lomo roha ni Jahowa’. Alai di tikki i, dang dilului si Daud petunjuk taringot boha carana lao mamboan poti parpadanan i. Autsugari dilului ibana hian petunjuk, dang mungkin pamasukkonna poti parpadanan i tu padati. Alana ikkon halak Lepi pinoppar ni si Kohat do na boi mamboan i songon naung diparettahon Debata hian. Nang pe sering si Daud mangalului petunjuk sian Jahowa, alai di tikki i dang diulahon ibana i. Akibatna gabe susa ma halak Israel. Di pudian ni ari diakkui si Daud do, “Alani i ma muruk Jahowa Debatanta tu hita. Ai dang jolo tasukkun songon dia cara na sittong mamboan poti parpadanan i.”—1 Kronika 13:1-3; 15:11-13; 4 Musa 4:4-6, 15; 7:1-9.
w03-IN 1/5 11 ¶13
“Beta ma Talului Jahowa”
13 Dung i disuru si Daud ma halak Lepi mamboan Poti Parpadanan i sian jabu ni si Obed-edom tu Jerusalem. Tikki diboan Poti Parpadanan i, diendehon halak Lepi do ende na dibahen si Daud. Didok do di ende i, “Lului ma Jahowa jala pangido ma gogo sian Ibana. Sai lului ma Ibana. Ingot ma akka ulaonna na palongang roha, akka tanda halongangan dohot akka hukum na dipaboa Ibana.”—1 Kronika 16:11, 12.
Arta na Adong di Bibel
w14-IN 15/1 10 ¶14
Somba ma Jahowa Raja na Manoktong
14 Diboan si Daud ma poti parpadanan tu Jerusalem. Tikki diboan poti parpadanan i, marende do halak Lepi mamuji Jahowa. Disurat do ende i di 1 Kronika 16:31. Didok do di ende i, “Paboa ma tu akka bangso, ‘Nungnga gabe Raja be Jahowa!’” Alai dang naung gabe Raja Jahowa sian najolo? Jadi boasa ma didok nungnga gabe Raja be Jahowa di tikki i? Tikki dipillit Jahowa si Daud gabe wakilna lao mamaretta halak Israel, hira na gabe raja ma Jahowa. Sada surirang na rikkot do ende ni halak Lepi i. Alana sebelum mate si Daud, nungnga marjanji Jahowa tu ibana, “Bahenokku ma pinopparmu gabe raja. Jala anakmu sandiri do pillitokku manggattihon ho. Bahenokku do hot harajaonna.” (2 Sam. 7:12, 13) Saribu taon dung mate si Daud, saut ma janji ni Jahowa on. Tubu ma “boni” na sian pinoppar ni si Daud. Alai ise ma ibana? Jala andigan do ibana gabe Raja?
20-26 FEBRUARI
ARTA NA ARGA NA ADONG DI BIBEL | 1 KRONIKA 17-19
“Tetap Marlas ni Roha Nang pe Adong na So Boi Diulahon Hamu”
w06-IN 15/7 19 ¶1
Taargai ma Sude na Adong di Organisasi ni Jahowa
SADA sian halak na terkenal na disurat di Kitab-Kitab Heber, i ma si Daud. Sahalak parmahan do ibana, parmusik, panurirang, jala sahalak raja na mangasahon Debata Jahowa. Ala akrab do si Daud tu Jahowa, gabe naeng dibahen si Daud do bagas joro ni Jahowa. Bagas joro i ma annon na lao gabe pusat ibadat na sittong di Israel. Alana diboto si Daud do parohon las ni roha do akka ulaon na di bagas joro i jala parohon pasu-pasu tu nasida. I do alana didok si Daud, “Marlas ni roha ma halak na pinillitmu, na binoanmu lao tinggal di alamanmu. Marlas ni roha ma hami alani akka na denggan na di jabum, akka na denggan na di bagas jorom na badia i.”—Psalmen 65:4.
Tanikmati ma Tugas na Tadapot Saonari
11 Asa boi tamba las ni rohatta, ikkon berupaya do hita mambahen na undenggan mandalatton tugasta. Taupayahon ma asa lam godang ‘tapakke tikkitta’ lao marbarita na uli jala mangulahon tugas di huria. (Ul. 18:5; Heb. 10:24, 25) Persiapan ma hita sebelum marpungu, asa boi talean komentar na denggan na patoguhon akka dongan. Molo dapot tugas di parpunguan tonga pokkan, denggan ma taparade. Denggan ma takarejohon tugas manang aha pe na dilean tu hita. Unang ma hea didok rohatta adong tugas na hurang penting jala na pahabis-habisson tikki. Berupaya ma hita asa lam malo mangulahon karejotta. (Poda 22:29) Molo lam denggan hita mangulahon akka tugasta, gabe lam jonok ma hita tu Jahowa jala tamba ma las ni rohatta. (Gal. 6:4) Molo tung pe donganta na asing na mandapot tugas na taharappon i, dang mago las ni rohatta i. Gariada rap marlas ni roha do hita dohot ibana.—Rom 12:15; Gal. 5:26.
Arta na Adong di Bibel
w20.02 12, kotak
Ikkon Tahaholongi do Jahowa
Diparrohahon Jahowa do Au?
Hea do sukkun-sukkun roham, ‘Sian marmilliar halak na mangolu di tano on, boasa ma diparrohahon Jahowa au?’ Godang do halak na manukkun songon i. Didok Raja Daud, “Ale Jahowa, tung aha ma jolma i umbahen na parrohahononMu i? Tung tu apala jolma i ma dilehon Ho rohaM?” (Ps. 144:3, Bibel siganup ari) Pos do roha ni si Daud, na takkas do ditanda Jahowa ibana. (1 Kron. 17:16-18) Dipapos Jahowa do rohatta marhite Bibel dohot organisasina, na arga do holong na tapatudu tu Ibana. Parrohahon ma piga-piga ayat ni Bibel na boi mangurupi hamu marpos ni roha tu Ibana:
• Andorang so tubu dope hamu, nungnga diparrohahon Jahowa.—Ps. 139:16.
• Diboto Jahowa do aha na adong di roha dohot di pikkiranmuna.—1 Kron. 28:9.
• Sai rade do Jahowa manangihon sude tangiangta.—Ps. 65:2.
• Rikkot do di Jahowa aha na diulahon hamu.—Poda 27:11.
• Jahowa do na manogu hamu gabe naposona.—Joh. 6:44.
• Takkas do ditanda Jahowa hamu. Nang pe mate hamu, boi do hamu dipahehe Ibana. Dilehon Ibana ma pamatang na baru alai dipaulak do muse pikkiran dohot parangenta songon najolo.—Joh. 11:21-26, 39-44; Ul. 24:15.
27 FEBRUARI–5 MARET
ARTA NA ARGA NA ADONG DI BIBEL | 1 KRONIKA 20-22
“Urupi ma Akka na Poso Asa Toktong Manomba Jahowa”
Pasahat ma Poda i tu Angka Baoa Haposan
8 Jaha 1 Kronika 22:5. Ra, didok roha ni si Daud ndang rade dope si Salomo manguluhon ulaon na ringkot on. Bagas joro i “ingkon balga situtu bahenon”, hape si Salomo “bajar dope” jala ndang marpengalaman. Alai diboto si Daud, urupan ni Jahowa do si Salomo mangulahon ulaon na sumurung on. Alani i, marsitutu do si Daud mangurupi si Salomo asa boi manguluhon ulaon on.
Pasahat ma Poda i tu Angka Baoa Haposan
7 Mansai lomo do roha ni si Daud pajongjongkon bagas joro tu Jahowa. Olo do ra jut rohana. Alai, las do rohana mangurupi si Salomo manguluhon ulaon on. Diurupi si Daud do ibana mangatur parkarejo jala papunguhon bosi, tombaga, perak, mas, dohot hau. Ndang marsak ibana mamingkirhon ise na dipuji alani ulaon on. Alana di pudian ni ari, didok halak ma i bagas joro ni si Salomo. Didok tu si Salomo, “On pe, ale anaha, sai na donganan ni Jahowa do ho, jala tumpahanna ho mardohar, asa paulionmu joro ni Jahowa, Debatam, songon naung pinarbagabagana hian taringot tu ho.”—1 Kron. 22:11, 14-16.
Diurupi Hamu do Ianakhonmuna Asa Tardidi?
14 Angka sintua boi mangurupi natuatua molo jotjot nasida mangkatahatai taringot las ni roha ala marhobas tu Jahowa. Songon pengalaman ni donganta borua na mangkatahatai dohot donganta si Russell. Di tingki i, marumur onom taon dope ibana. Didok ibana, “Dilehon ibana do tingkina 15 minut laho mangkatahatai taringot citacita partondion.” Aha ma hasilna? Ujungna, gabe sahalak perintis do ibana lobi sian 70 taon! On patuduhon, pangkataion na patoguhon boi do mangkorhon tu parngoluan ni sasahalak. (Poda 25:11) Angka sintua boi manjujui natuatua dohot ianakhonna asa dohot mangurupi ulaon di Bale Harajaon. Boi do disungkun angka sintua aha do na boi diulahon ianakhon ni nasida.
15 Songon dia do angka dongan di huria boi mangurupi? Tasarihon ma angka na poso. Umpamana, boi do diida hamu adong na poso na pajonokkon diri tu Jahowa. Boi do diida hamu i sian komentarna di parpunguan, manang adong do bagianna di parpunguan parsitongaan ni minggu. Marbarita do ibana di singkola jala ndang olo ibana tarelaela mangulahon na sala. Molo adong na songon i, pintor puji ma! Jala mangkatahatai ma hamu dohot angka na poso andorang manang dung sae parpunguan. Molo taulahon i, boi ma dihilala na poso na mararga do nasida di organisasi.—Ps. 35:18.
Arta na Adong di Bibel
w05-IN 1/10 11 ¶7
Akka na Denggan sian Bukku Sada Kronika
21:13-15. Lungun do roha ni Jahowa tikki susa halak Israel ala sahit na masa tu nasida. Gabe disuru Jahowa ma suru-suruanna pasohon sahit i. Jadi Debata “parasi roha do Ibana”.