Referensi tu Parpunguan Hangoluan dohot Pangkobasion na Laho Diparsiajari
© 2023 Watch Tower Bible and Tract Society of Pennsylvania
4-10 SEPTEMBER
ARTA NA ARGA NA ADONG DI BIBEL | ESTER 1-2
“Berupaya ma Hita asa Serep Rohatta Songon si Ester”
Boi do Hamu Tongtong Unduk Nang pe Adong Sitaonon
11 Serep ni rohanta pe diuji do tingki adong halak na asing mamuji hita. Jotjot do si Ester dipuji. Ibana ma sada sian angka borua na umbagak di Persia. Saleleng sataon, diparade do tu ibana angka ubat na mambahen uli, raphon angka borua na marsiadu asa dihalomohon roha ni raja. Alai, si Ester do na dipillit gabe ratu. On ndang mambahen si Ester gabe mangkaringkothon diri sandiri. Tongtong do ibana burju, pantun, jala serep marroha.—Est. 2:9, 12, 15, 17.
Diurupi do Naposo ni Debata Asa Malua
15 Tingki laho tu adopan ni raja, diloas do si Ester mamillit angka na porlu di ibana. Alai serep do rohana, ndang dipangido ibana lobi sian na nidok ni si Hegai. (Est. 2:15) Diboto ibana do, ndang sae holan uli ni rupa mambahen las roha ni raja; alai ringkot do marserep ni roha, ala ndang somal halak patuduhon i di tingki i. Tutu do i?
Boi do Hamu Tongtong Unduk Nang pe Adong Sitaonon
12 Molo unduk hita, tontu pangkean dohot parniulaonta patuduhon molo hita mangargai halak na asing songon dirinta. Unang ma hita mangkalomohon hasangapon, alani i ringkot do “martondi na lambok jala na dame”. (Jaha 1 Petrus 3:3, 4; Jer. 9:23, 24) Pangkilalaanta taringot dirinta sandiri, tarida sian pangkataion dohot parniulaonta. Umpamana, olo do ra tabahen halak gabe marpingkir molo hita sumurung alani donganta, parniulaonta, dohot parbinotoanta. Manang, tabahen asa dirimpu angka halak naung taulahon na ringkot sian gogonta sandiri, hape adong do halak na asing na mangurupi. Pingkirhon ma Jesus. Tontu dipasangap do ibana ala marbisuk. Alai, jotjot do dienet Jesus Hata ni Debata. Ndang olo ibana dipasangap. Lomo rohana asa Jahowa na dipasangap.—Joh. 8:28.
Arta na Adong di Bibel
Diboto Hamu Do?
Dapot ni akka peneliti ma lempengan tulisan paku Persia. Disi adong do disuratton taringot sahalak bawa, goarna si Marduka (di bahasa Batak Toba, Mordahai). Pejabat istana do ibana, mungkin akuntan do ibana di Susan. Sahalak pakar sejarah di negeri-negeri Timur na margoar si Arthur Ungnad paboahon, “sahat tu tikki i holan lempengan on dope na paboahon taringot si Mordahai, asing ni na tarsurat di Bibel”.
Dung disurat laporan ni si Ungnad i, nungnga diterjemahon akka peneliti marribu lempengan tulisan paku Persia. Termasuk ma i lempengan na didapot di reruntuhan ni kota Persepolis, bekas ni tempat perbendaharaan na jonok tu tembok kota. Akka lempengan on sian jaman ni Raja Serses I mamaretta. Disurat ma i di bahasa Elam, jala disurat do disi piga-piga goar na adong di bukku Ester.
Di piga-piga lempengan Persepolis, dipaboa do taringot bawa na margoar si Marduka. Sekretaris ni raja do ibana di istana Susan saleleng pamarettaon Raja Serses I. Di sada lempengan, dipaboa do si Marduka on sahalak penerjemah. Sesuai do hatorangan on tu na dipaboa Bibel. Pejabat istana do ibana saleleng mamaretta Raja Ahasweros (Serses I), jala boi do ibana makkatai dua bahasa. Somal do muse si Mordahai hundul di gerbang istana ni Susan. (Est. 2:19, 21; 3:3) Massai balga do gerbang on jala disi do akka pejabat istana karejo.
Adong do persamaan ni si Marduka na didok di lempengan i dohot si Mordahai na dipaboa di Bibel. Nasida mangolu di tikki dohot di inganan na sarupa. Kedudukanna pe sarupa, jala ingananna karejo pe sarupa. Jadi sude fakta on patuduhon molo si Marduka i si Mordahai do i.
11-17 SEPTEMBER
ARTA NA ARGA NA ADONG DI BIBEL | ESTER 3-5
“Urupi ma Akka Dongan asa Mangalehon na Terbaik tu Jahowa”
it-2-IN 149 ¶9
Si Mordahai
Dang Olo Ibana Marsinggang jala Marsomba tu si Haman. Dung salpu i sude, naik jabatan ma dibahen Raja Ahasweros si Haman, halak Agag i. Jala dibahen ma untimbo jabatanna sian akka pejabat na asing. Disuru raja do asa sude pegawai ni raja na adong di gerbang ni istana i marsinggang jala marsomba tu si Haman. Alai dang olo si Mordahai mangoloi paretta ni raja i. Didok ibana ala halak Jahudi ibana. (Est 3:1-4) Alana molo halak Jahudi ikkon holan Debata Jahowa do na disomba. Memang najolo adong do halak Israel na marsinggang tu jolo ni sahalak raja, alai diulahon nasida pe i holan lao patuduhon na diakkui nasida do wewenang ni raja i. (2Sam 14:4; 18:28; 1Raj 1:16) Alai molo tu si Haman, adong alasan na asing boasa dang olo si Mordahai marsinggang jala marsomba tu ibana. Olo do ra halak Amalek si Haman, jala nungnga didok Jahowa ikkon dialo naposo ni Jahowa do halak Amalek “dohot pinoppar ni nasida”. (2Mus 17:16; ida it-1-IN 855 HAMAN.) Jadi dang olo pe si Mordahai marsinggang jala marsomba tu si Haman, dang alani masalah politik. Alai molo diulahon ibana i, gabe dang setia be ibana tu Jahowa.
it-2-IN 150 ¶2
Si Mordahai
Dipakke Jahowa do Ibana lao Paluahon Halak Israel. Ala adong surat na mamarettahon ikkon dipamate sude halak Jahudi, pittor dipangido si Mordahai ma bantuan tu si Ester. Alana pos do rohana na boi do si Ester paluahon halak Israel ala adong wewenang ni si Ester. Dipaboa si Mordahai ma tu si Ester, borat do memang tanggung jawab na lao diulahon si Ester i. Jadi disuru ibana ma asa dijuppangi si Ester raja. Nang pe sabotulna boi dipamate si Ester molo mangulahon i, alai dioloi ibana do hata ni si Mordahai.—Est 4:7–5:2.
Diurupi do Naposo ni Debata Asa Malua
22 Marsak do si Ester manangihon i. Diuji do haporseaonna laho mangulahon i. Mabiar do ibana. Alani i, disungkun ibana ma si Mordahai taringot tu uhum ni raja. Diuhum mate do sasahalak na ro tu adopan ni raja molo ndang dijou. Alai, boi do malua ibana molo disurdukkon raja tungkot harajaonna. Patut do ro si Ester tu adopan ni raja mangido asi ni rohana dung diida na masa tu si Wasti, na so mangoloi parenta ni raja? Dipaboa si Ester do muse naung 30 ari ndang dijou raja ibana! Alani i, ganggu do rohana atik naung muba roha ni raja tu ibana.—Est. 4:9-11.
23 Dilehon si Mordahai do alus na tangkas laho patoguhon roha ni si Ester. Didok do tu si Ester molo ndang olo ibana mangulahon i, ro do haluaon sian na asing tu halak Jahudi. Alai, songon dia do si Ester boi marpos ni roha malua sian uhum ni raja i? Pos do roha ni si Mordahai molo Jahowa ndang paloashon naposoNa diripashon, jala mambahen ndang saut angka sangkapNa. (Jos. 23:14) Dung i, disungkun si Mordahai ma si Ester, “Angkup ni, ise umbotosa, atik ala ni tingki on do umbahen sahat harajaon tu ho?” (Est. 4:12-14) Tutu ma, patut do tatiru si Mordahai, na marhaposan tu Jahowa.—Poda 3:5, 6.
Arta na Adong di Bibel
Mampartahanhon Hakta Maragama
14 Songon si Ester dohot si Mordahai, saonari marsitutu do naposo ni Debata mampartahanhon hak ni nasida manomba Jahowa. (Est. 4:13-16) Parsidohot do hita tusi? I do. Marhite manangiangkon angka donganta na diorai pamarenta mandalanhon haporseaon ni nasida. Tangiang sisongon on, boi mangalehon pangurupion tu angka donganta na manaon hasusaan. (Jaha Jakobus 5:16.) Ditangihon Jahowa do tangiang sisongon i? Hamonangan ni Sitindangi di pengadilan, patuduhon molo Jahowa manangihon tangiangta!—Heb. 13:18, 19.
18-24 SEPTEMBER
ARTA NA ARGA NA ADONG DI BIBEL | ESTER 6-8
“Cara na Denggan lao Berkomunikasi”
Marbisuk, Barani, jala Ndang Diharingkothon Dirina Sandiri
15 Ala sabar do si Ester paimahon sadari nai laho paboahon tu raja, gabe sanga ma si Haman mambahen rencana na pailahon dirina sandiri. Ra, Debata do na mambahen raja i ndang boi tarpodom. (Poda 21:1) Alani i ma, sai dipasingot Bibel hita asa “dihalungunhon” rohanta Jahowa! (Jaha Mika 7:7.) Molo taulahon i, taantusi ma dumenggan do cara ni Jahowa pasaehon sada parsoalan, sian caranta sandiri.
Barani Paboahon
16 Ndang olo si Ester mambahen raja i tarrimas, alani i tingki ditamue ibana raja i na paduahalihon, dipaboa ma sude na di rohana. Songon dia carana? Disungkun raja i do muse aha pangidoan ni si Ester. (Est. 7:2) On ma tingki na denggan laho mangkatai.
Marbisuk, Barani, jala Ndang Diharingkothon Dirina Sandiri
17 Andorang so dipaboa, martangiang do si Ester di bagasan rohana. Dung i, didok ma, “Molo naung jumpangan asi ni roha ahu di adopanmu, ale rajanami, jala molo tung denggan di roha ni rajai, sai pangolu ma hosangku ala pangidoanku, pangolu dohot hosa ni bangsongku, pasombu sihol ni rohangku.” (Est. 7:3) Didok si Ester do na pos rohana jala jumolo dipasangap ibana raja i. Tarida ma, imbar do si Ester sian si Wasti! (Est. 1:10-12) Asing ni i, ndang disalahon si Ester raja i, ala marpos ni roha tu si Haman. Alai, dipangido si Ester ma asa dilinggomi raja ibana sian halak na parohon jea tu ngoluna.
Marbisuk, Barani, jala Ndang Diharingkothon Dirina Sandiri
18 Songgot ma roha ni raja mambege i. Ise do na laho parohon mara tu si Ester? Didok si Ester ma, “Ai nunga targadis hami, nang ahu nang bangsongku asa siaphononhon, bunuon dohot agoon; ummaha dope tung sura targadis hami, gabe hatoban baoa manang boruboru, jala masip boti ahu; ai ndang tartimbang musu panosahi harugian ni rajai.” (Est. 7:4) Molo taparrohahon dipapatar si Ester do sude parsoalanna i. Dipaboa ibana do ndang na pasahatonna i molo holan diparhatoban nasida. Alani i, molo ndang dipaboa si Ester na masa i, on boi mambahen rugi raja.
19 Sitiruon na denggan do na binahen ni si Ester on. Tingki patorangkon sada parsoalan na ringkot tu halak na tahaholongi manang pamarenta, ringkot do tapatudu unduk ni roha, sabar jala tangkas ma tapaboa parsoalan i.—Poda 16:21, 23.
Arta na Adong di Bibel
w06-IN 1/3 11 ¶1
Akka na Denggan sian Bukku Ester
7:4—Boasa ‘gabe rugi raja’ molo dipamate sude halak Jahudi? Alana godang do uttung na dapot ni raja molo dibahen halak Jahudi gabe hatoban. Jala dang sebanding uttung na dapot ni raja i tu 10.000 talenta perak na lao lehonon ni si Haman tu inganan panippanan ni arta ni raja. Asing ni i molo dipamate sude halak Jahudi, dohot do tong dipamate Ratu Ester. Alani i ma didok si Ester gabe rugi do raja molo dipamate sude halak Jahudi.
25 SEPTEMBER–1 OKTOBER
ARTA NA ARGA NA ADONG DI BIBEL | ESTER 9-10
“Diurupi Ibana do Bangsona Saleleng Menjabat Ibana”
it-2-IN 150 ¶5
Si Mordahai
Dung i dilehon raja ma jabatan ni si Haman tu si Mordahai. Dilehon ma muse cincin cap ni raja tu ibana, asa boi dimeteraihon si Mordahai akka surat na sian raja. Dung i disuru si Ester ma si Mordahai mangurus sude arta ni si Haman, ai nungnga dilehon raja sude arta ni si Haman tu si Ester. Jala dilehon raja do tong wewenang tu si Mordahai lao mambahen surat na paboahon, dipaloas raja do sude halak Jahudi mampartahatton diri ni nasida. Gabe sonang jala las situtu ma roha ni halak Jahudi. Godang do halak Persia na marpihak tu halak Jahudi. Dung dapot tanggal 13 bulan Adar, nga rade be halak Jahudi lao mangalo musu ni nasida. Alai dohot do tong akka pejabat Persia mangurupi nasida, ai mabiar do akka pejabat i tu si Mordahai ala nga marhuaso si Mordahai di istana ni raja. Marsogot nai di tanggal 14, marpungu do muse akka halak Jahudi na di Susan lao mangalo akka musu ni nasida. Dipamate nasida ma akka musu ni nasida godangna 75.000 halak, termasuk ma akka anak ni si Haman. (Est 8:1–9:18) Disuru si Mordahai ma dibahen “Perayaan Purim” di tanggal 14 dohot 15 bulan Adar. Disetujui si Ester ma paretta ni si Mordahai i. Ikkon dirayahon nasida do perayaan i ganup taon. Jala tikki perayaan i, masileanan sipanganon ma nasida jala dilehon ma hadiah tu na pogos. Dohot do akka pinoppar ni nasida dohot halak na asing na gabe halak Jahudi mangarayahon i. Dukkon Raja Ahasweros, si Mordahai ma na untimbo jabatanna. Alani i diparsangapi halak Jahudi do ibana, toktong do diulahon si Mordahai na denggan asa sonang jala dame ngolu ni halak Jahudi.—Est 9:19-22, 27-32; 10:2, 3.
it-2-IN 592 ¶4
Purim
Tujuan. Piga-piga halak mandok Perayaan Purim na diulahon halak Jahudi saonari dang be bersifat keagamaan, jala sipata berlebihan do cara ni nasida mangarayahon i. Alai sasittongna dang songon i tikki parjolo sahali perayaan i dirayahon. Alana sisomba Jahowa do si Mordahai dohot si Ester, jala dibahen nasida pe perayaan i lao pasangappon Jahowa do. Hea do hampir dipamate sude halak Jahudi di Persia. Alai dipalua Jahowa do nasida. Mulana parsoalan i muncul, ala dang olo marsinggang jala marsomba si Mordahai tu si Haman. Boasa? Olo do ra ala halak Amalek si Haman jala nungnga didok Jahowa ikkon dialo halak Jahudi do sude halak Amalek dohot pinoppar ni nasida. (Est 3:2, 5; 2Mus 17:14-16) Asing ni i sian hata ni si Mordahai tu si Ester, tarida do molo pos rohana na boi do Jahowa paluahon halak Jahudi. (Est 4:14) Tarida do muse pos ni roha ni si Ester tu Jahowa ala sebelum dijuppangi ibana raja lao pasahatton pangidoanna i, jolo marpuasa do ibana.—Est 4:16.
cl-IN 101-102 ¶12-13
‘Tiru Hamu ma Debata’ Tikki Mandalatton Tanggung Jawabmuna
12 Nungnga dipillit Jahowa akka pengawas lao manguluhon huria Kristen. (Heber 13:17) Tugas ni akka bawa na memenuhi syarat on, i ma lao mangurupi jala patoguhon sude anggota ni huria. Alai dang na berarti gabe lomo-lomo ni nasida mamaretta akka dongan. Ikkon denggan do nasida mandalatton tanggung jawabna. (1 Petrus 5:2, 3) Alana didok Bibel, “Parmahani hamu ma huria ni Debata, ai nungnga ditobus nasida marhite mudar ni Anakna.” (Ulaon ni Apostel 20:28) Jadi ikkon lambok jala ikkon dihaholongi nasida do sude akka dongan.
13 Attar songon on ma i. Adong ma dongan kompakmuna na manitippon barangna na arga tu hamu. Pasti hati-hati do hamu manjaga i ala diboto hamu massai arga do i dituhor ibana. Dos songon i ma tanggung jawab ni akka sintua. Nungnga dipasahat Debata tu nasida sude akka dongan di huria na dos songon biru-biru ni Debata. (Johannes 21:16, 17) Massai arga do biru-biru ni Debata on di Ibana ala nungnga ditobus nasida marhite mudar ni Anakna na massai arga, i ma Jesus Kristus. On ma na sai diingot akka sintua tikki manguluhon akka dongan di huria.
Arta na Adong di Bibel
w06-IN 1/3 11 ¶4
Akka na Denggan sian Bukku Ester
9:10, 15, 16—Nang pe adong surat sian raja na paloasson halak Jahudi mambuat arta ni akka musu, alai boasa dang dibuat nasida arta ni akka musuna i? Alana tujuan ni nasida lao mampartahatton diri ni nasida do, dang na asa gabe mamora nasida.
2-8 OKTOBER
ARTA NA ARGA NA ADONG DI BIBEL | JOB 1-3
“Toktong ma Tapatudu na Massai Holong Rohatta tu Jahowa”
Tiru ma si Noak, si Daniel, dohot si Job na Marsihohot jala Unduk
16 Ambatambat aha do na diadopi si Job? Hea do muba parngoluon ni si Job. Mulana, “sumangap do ibana tahe sian saluhut halak na di habinsaran”. (Job 1:3) Mamora hian do ibana. Ditanda jala diargai angka halak do ibana. (Job 29:7-16) Nang pe songon i, ndang gabe ginjang rohana manang gabe ndang mangkaporluhon pangurupion sian Debata. I do alana dijou Jahowa do ibana “naposongku”. Jala didok do, “Ibana marroha di tano i, daulatna, tigorna, biarna mida Debata, jala dipadao rohana sian hajahaton.”—Job 1:8.
17 Tompu do muba parngoluon ni si Job. Gabe pogos ma ibana, jala on mambahen ibana mandele. Taboto Sibolis do na mambahen ibana susa. Alana, didok Sibolis ala sonang do ngolu ni si Job umbahen na olo ibana manomba Jahowa. (Jaha Job 1:9, 10.) Serius do Jahowa mangida tuduhan ni Sibolis i. Jadi, ingkon patuduhon ni Jahowa do na pargabus Sibolis. Dilehon Jahowa do tingki tu si Job laho patuduhon holongna tu Ibana.
Tongtong ma Hamu Setia!
10 Saonari pe, didok Sibolis do na so tutu tahaholongi Jahowa. Didok muse, molo susa hita ndang laho sombaonta be Jahowa jala ndang setia be hita tu Ibana. (Job 2:4, 5; Pgk. 12:10) Songon dia pangkilalaanta tu na didok Sibolis i? Tontu ndang lomo rohanta didok songon i. Alai taingot ma, pos do roha ni Jahowa tu hita jala dilehon do tingki tu hita laho patuduhon, molo Sibolis i pargabus. Jala marjanji do Ibana, na urupanna do hita asa boi tongtong setia. (Heb. 13:6) Las do rohanta ala porsea Jahowa tu hita! Alani i, tongtong ma hita setia. Molo setia hita, boi ma tabuktihon molo Sibolis i pargabus. Jala tama do Jahowa laho mamarenta jolma. Alai aha ma na ingkon taulahon asa boi tongtong setia?
Arta na Adong di Bibel
Marsiajar sian Hata Parpudi ni Jesus
9 Hata ni Jesus. Andorang so mate Jesus didok ibana do, “Debatakku, Debatakku, boasa tadikkononmu au?” (Mat. 27:46) Memang dang dipaboa di Bibel boasa didok Jesus hatana i. Alai adong do na taparsiajari sian i. Na parjolo, tikki didok Jesus hatana i gabe saut ma na tarsurat di Psalmen 22:1. Na paduahon, gabe taboto ma dang dibahen Jahowa na songon “tembok di sakalilingna lao manjaga” Jesus Anakna i. (Job 1:10) Diboto Jesus do boasa dipaloas Jahowa musuna menganiaya ibana, asa taruji do haporseaonna sahat tu na mate. Dang adong jolma na hea makkilala penganiayaan na massai borat sisongon i. Na patoluhon, hata ni Jesus i patuduhon dang adong hajahaton na diulahon Jesus na mambahen ibana ikkon dihukum mate.
9-15 OKTOBER
ARTA NA ARGA NA ADONG DI BIBEL | JOB 4-5
“Unang Pittor Porsea tu Sude Informasi”
it-1-IN 670 ¶1
Si Elipas
2. Sada sian tolu dongan ni si Job. (Job 2:11) Halak Teman do ibana. Olo do ra ibana pinoppar ni si Elipas na dipaboa di No. 1 di paragraf na di ginjang. Alani i pinoppar ni si Abraham do ibana, jala keluarga ni si Job dope. Godang do halak na malo di Teman, jala dianggarhon nasida do bisuk ni nasida. (Jer 49:7) Sian tolu dongan ni si Job na “mangapuli” ibana, si Elipas ma naung sangap jala naung godang pengalamanna. Alani i, ibana do ra na uttua. Ibana do na parjolo sahali pasahatton hatana jala na unggodang hatana sian na asing.
w05-IN 15/9 26 ¶2
Bolokkon ma Cara Marpikkir na Sala!
Tikki didok si Elipas hatana tu si Job, didok ibana do, “Adong ma na lewat sian jolokku, gabe marsisir ma ibbulukku. Dung i jongjong ma i di jolokku, alai dang huboto songon dia rupana. Adong bayangan di jolo ni matakku, gabe hohom ma di sakalilingku, jala hubege ma soara.” (Job 4:15, 16) Suru-suruan na jahat do na mempengaruhi si Elipas i. Tarida do i sian hatana selanjutna. Dang tikkos hatana i jala mambahen metmet roha ni si Job. (Job 4:17, 18) Alani i ma dang mungkin suru-suruan ni Debata na mempengaruhi si Elipas. Jala alani i ma dipasingot Jahowa si Elipas dohot dua donganna, ai dihatahon nasida do akka gabus. (Job 42:7) Jadi sian hatana i, tarida do dang sittong cara marpikkir ni si Elipas.
w10-IN 15/2 19 ¶5-6
Unang ma Tangihon Gabus ni Sibolis
Sian tolu dongan ni si Job na mangapuli ibana, si Elipas ma na dipakke Sibolis lao mandok dang marguna jolma i di jolo ni Debata. Dipatudos ibana do jolma songon “jabu na sian tano liat, na dipajongjong di ginjang ni tano, na mura dilisatton songon serangga! Mangolu dope nasida tikki manogot alai dung botari mate ma nasida. Mate do nasida saleleng ni lelengna, jala dang adong na parduli”.—Job 4:19, 20.
Di ayat na asing, dipatudos do hita songon “hudon na sian tano liat”, na mura puttar. (2 Kor. 4:7) Ala nga mardosa jala dang sempurna hita, gabe gale ma hita. (Rom 5:12) Jadi dang tolap hita mangalo Sibolis molo holan sahalakta. Alai pasti diurupi Jahowa do hita ala mararga do hita di Ibana. (Jes. 43:4) Asing ni i, lehonon ni Jahowa do tondi parbadiana tu hita. (Luk. 11:13) Tondi parbadia i mangalehon ‘gogo na lobi sian gogo ni sahalak jolma’. Alani i, boi ma hita marhasil mangalo Sibolis. (2 Kor. 4:7; Plp. 4:13) Jala molo ‘togu haporseaotta’ mangalo Sibolis, bahenon ni Jahowa ma hita margogo. (1 Ptr. 5:8-10) Jadi dang porlu hita mabiar tu Sibolis.
Unang ma Tertipu Hamu tu Informasi na Sala
● Lului ma sian ise sumber ni barita i jala pareso ma isina
Didok di Bibel: “Uji hamu ma sasude, pastihon hamu ma dia na sittong.”—1 Tessalonik 5:21.
Sebelum porsea hita tu sada barita manang sebelum takirim tu halak na asing, nang pe barita i nungnga viral jolo tapastihon ma jo tutu do i manang na dang. Songon dia ma carana?
Pareso ma tutu do boi dihaporseai sumber ni barita i manang na dang. Alana boi do perusahaan layanan berita dohot organisasi na asing dang paboahon sude informasi ni sada barita, lao mendukung politik manang kepentingan ni nasida sandiri. Alani i molo dapotmuna sada barita, bandikkon ma barita i tu barita na sian sumber na asing. Sipata olo do dang sengaja donganmuna makkirim sada email manang memposting sada barita di media sosial ala dirippu nasida do barita i sittong, hape sala do. Jadi unang ma pittor porsea hamu tu sada barita sebelum dipastihon hamu molo barita i ro sian sumber na boi dihaporseai.
Pastihon ma molo isi ni barita i memang sittong jala sesuai tu faktana. Coba ma parrohahon tanggalna, pareso ma tutu do akka informasi na dipaboa i boi dihaporseai jala adong do bukti na mendukung informasi i. Apalagi molo sada informasi na rumit dibahen terlalu sederhana ikkon hati-hati do hita. Ala boi do godang perincian na penting na so dipaboa di barita i, manang ikkon hati-hati do hita tu barita na sengaja dibahen lao memancing reaksitta.
Arta na Adong di Bibel
w03-IN 15/5 22-23 ¶5-6
Toktong ma Togu jala Marlojong ma Hamu asa Boi Monang di Parlumbaan tu Hangoluan
Massai balga do pengaruhna tu diritta molo gabe bagian sian organisasi ni Jahowa hita. Tahilala do pasu-pasu na balga ala dapotta akka dongan na marsihaholongan di liat portibi on. (1 Petrus 2:17) Jala boi do tong hita mangalean pengaruh na denggan tu nasida.
Contohna songon si Job. Halak na tigor do ibana jala lomo rohana mangurupi halak na asing. Bahkan si Elipas sandiri pe diakkui do i. Didok ibana, “Togu do roha ni halak na tartuktuk mambege hatam, jala dipatogu ho do dugul-dugul ni halak na hitir-hitir.” (Job 4:4) Boha ma caratta maniru si Job? Boi do hita mangurupi akka dongan asa torus nasida semangat marbarita. Tikki rappak hita dohot nasida, taingot ma hata ni Bibel na mandok, “Pargogoi ma tangan na gale, jala patogu ma lutut na hitir-hitir.” (Jesaya 35:3) Jadi manang sadihari pe, tikki rappak hita dohot akka dongan, masipatoguan ma hita. (Heber 10:24, 25) Molo tapuji nasida jala tadok mauliate ala nga berupaya nasida torus setia tu Jahowa, gabe toktong ma nasida togu jala torus marlojong di parlumbaan tu hangoluan.
16-22 OKTOBER
ARTA NA ARGA NA ADONG DI BIBEL | JOB 6-7
“Molo Borat Sitaonon na Diadopi Hamu”
w06-IN 15/3 14 ¶10
Akka na Denggan sian Bukku Job
7:1; 14:14—Aha do lapatan ni hata “dipaksa do jolma karejo” na dipaboa di ayat on? Dipatudos si Job do dirina songon sasahalak na dipaksa karejo alani borat ni sitaonon ni si Job. (Job 10:17) Asing ni i, tikki mate sasahalak didok do ibana songon na dipaksa karejo. Alana, ikkon tarpaima do ibana lao dipahehe. Jadi saleleng na di kuburan i jolma na mate sahat tu na dipahehe, tikki na paimahon ari haheheon i ma na dipatudos songon jolma na dipaksa karejo.
‘Dipalua Jahowa do Akka Halak na Marmetmet ni Roha’
MARSAK do ra hita molo sai tapikkiri ngolutta na “gok hasusaan” jala na parsatokkinan on. (Job 14:1, Bibel siganup ari) Godang do akka naposo ni Debata na disurat di Bibel makkilala sisongon i. Jala adong do sian nasida na sappe mangido mate. (1 Raj. 19:2-4; Job 3:1-3, 11; 7:15, 16) Alai sai diurupi Jahowa do nasida jala dipatogu. Disurat do pengalaman ni nasida i asa boi mangajari hita jala mangapuli rohatta.—Rom 15:4.
g-IN 1/12 16 ¶2–18 ¶1
Tikki Merasa Hamu Naeng Menyerah
Nang pe hira na so adong jalan keluar ni masalahmuna, alai ingot ma dang holan hamu na mengalami masalah. Hampir sude do halak adong masalahna be. Bibel mandok, “Marhoi-hoi jala manaon hasusaan do sude toppaan ni Debata sahat tu saonari.” (Rom 8:22) Tikki adong masalahmuna, olo do ra dihilala hamu dang mungkin boi sae masalah i. Alai seringan pasti salpu do masalah i. Molo songon i perasaanmuna, aha ma na boi diulahon hamu?
Ceritahon ma perasaanmuna tu dongan na togu haporseaonna jala boi dihaporseai. Bibel mandok, “Sai dipatudu ale-ale do holong ni roha jala songon haha anggi do i tikki masa sitaonon.” (Poda 17:17) Tikki gok sitaonon ni si Job, diceritahon ibana do perasaanna tu halak na asing. Didok ibana do, “Magigi do au tu ngolukku. Morong-orong nama au. Paboaokku nama na ponjot di rohakku!” (Job 10:1) Molo diceritahon hamu perasaanmuna tu halak na asing, boi do moru arsak ni rohamuna. Jala boi ma diida hamu masalahna sian sudut pandang na berbeda.
Martangiang ma tu Debata paboahon sude na di rohamuna. Adong na mandok, tangiang i holan lao mambahen tenang pikkiran. Alai dang songon i didok Bibel. Di Psalmen 65:2 didok do Jahowa i “Sitangihon tangiang”. Jala di 1 Petrus 5:7 didok, “Diparrohahon [Jahowa] do hamu.” Godang do ayat ni Bibel na manjujui hita asa mangandalhon Debata, misalna:
“Marhaposan tu Jahowa ma ho sian nasa roham, jala unang ma ho mangasahon pikkiranmu sandiri. Di saluhut dalanmu parrohahon ma Ibana, dung i bahenonna ma tigor akka dalanmu.”—PODA 3:5, 6.
“Dilehon Ibana do sude na dihaporluhon akka halak na makkabiari Ibana. Ditangihon Ibana do angguk-angguk ni nasida na mangido asa diurupi, jala dipalua do nasida.”—PSALMEN 145:19.
“On do pos ni rohatta tu Debata: Manang aha na tapangido sesuai tu lomo ni rohana, tangihononna do hita.”—1 JOHANNES 5:14.
“Mandao do Jahowa sian halak na jahat, alai ditangihon Ibana do tangiang ni halak na tigor marroha.”—PODA 15:29.
Molo dipaboa hamu masalahmuna tu Debata, pasti diurupi Ibana do hamu. Alani i ma didok Bibel, “Sai toktong ma hamu marpos ni roha tu Ibana. Paboa hamu ma sude na di bagasan rohamuna tu Ibana.”—Psalmen 62:8.
Arta na Adong di Bibel
Manangihon, Mangattusi, jala Patuduhon Asi ni Roha
10 Songon Jahowa, marsitutu ma hita mangattusi situasi ni halak. Porlu do asa lam tatanda akka donganta. Marsaor ma hita tu nasida di parpunguan. Tadongani ma nasida marbarita. Jala, boi do tatogihon nasida mangan di jabutta. Molo taulahon i, gabe taboto ma situasi ni nasida. Olo do ra adong dongan na dirippu hamu sombong, hape sasittongna na parila do ibana. Adong do dongan na dirippu hamu materialistis ala godang hepengna, hape sasittongna burju do ibana mangalehon jala mangurupi akka dongan. Manang adong sada keluarga na jotjot tarlambat marpungu, hape diboto hamu ma na adong do paraloan na diadopi nasida. (Job 6:29) Memang, dang boi hita ‘mangantoi na so urusanta.’ (1 Tim. 5:13) Alai, denggan do molo tatanda akka donganta, jala taboto parange dohot situasi ni nasida.
23-29 OKTOBER
ARTA NA ARGA NA ADONG DI BIBEL | JOB 8-10
“Holong na Manoktong sian Jahowa Padaohon Hita sian Gabus ni Sibolis”
w15-IN 1/7 12 ¶3
Tutu do Boi Tabahen Las Roha ni Debata?
Massai borat do sitaonon na ro tu si Job. Alani i sappe didok ibana do dang parduli Debata tu ibana. Jala dang adong gunana molo porsea ibana tu Debata. (Job 9:20-22) Sai didok si Job do halak na tigor ibana. Bahkan sian hatana, sappe disimpulhon halak do na merasa ibana ussittong sian Debata.—Job 32:1, 2; 35:1, 2.
Taargai ma Holong na Manoktong na Dipatudu Jahowa
14 Holong na manoktong sian Jahowa manjaga hita. Hea do si Daud martangiang songon on, “Ho do inganan partabunian di au, paluaonmu do au sian hasusaakku. Bahenonmu do au jongjong di tonga-tonga ni akka halak na marlas ni roha ala dipalua Ho au. . . . Manang ise na marpos ni roha tu Jahowa, patuduhononna do holong ni rohana tu nasida lao manjaga nasida.” (Ps. 32:7, 10) Najolo asa terlindungi akka halak sian musu, ikkon dibahen do tembok ni kota. Dos songon i ma holong na manoktong sian Jahowa, mangalinggomi hita sian akka bahaya na boi mambahen gale haporseaotta. Sada cara ni Jahowa mangalinggomi hita, i ma ditarik Jahowa hita tu hasittongan.—Jer. 31:3.
Arta na Adong di Bibel
w10-IN 15/10 6-7 ¶19-20
“Ise ma na Boi Mamboto Pikkiran ni Jahowa?”
19 Aha ma na boi taparsiajari taringot “pikkiran ni Jahowa”? Porlu do taparsiajari Hata ni Debata asa taattusi pikkiran ni Jahowa. Alana dang sarupa cara marpikkir ni Jahowa songon cara marpikkirta. Alani i, unang ma tapaksa Jahowa bertindak asa songon na di rohatta. Jala unang ma takritik tindakanna. Songon na didok si Job, “Ai dang jolma Ibana songon au umbahen na boi hualusi Ibana, umbahen na boi hami rap lao tu pengadilan.” (Job 9:32) Dung taboto pikkiran ni Jahowa, pasti sarupa ma perasaanta songon si Job. Didok ibana, “Ida ma! Holan ujung ni dalanna dope i. Songon soara na marhusip-husip dope na tabege taringot Ibana! Jadi ise ma na boi mangattusi songon dia Ibana mambahen ronggur na massai gogo?”—Job 26:14.
20 Molo adong cara marpikkir ni Jahowa na so taattusi tikki manjaha Bibel, aha ma na porlu taulahon? Tariset ma asa taboto alusna. Alai molo dang dapotta dope alusna, dison ma diuji haporseaotta tu Jahowa. Taingot ma molo dang taattusi alasan ni Jahowa bertindak di sada situasi, ikkon tetap do pos rohatta pasti sittong jala sempurna do sude tindakan ni Jahowa. Jala ikkon rendah hati do hita mangakkui dang sai taattusi sude ulaonna. (Pjm. 11:5) Alani i gabe sarupa ma perasaanta songon Apostel Paulus. Didok ibana, “Tung godang situtu do pasu-pasu na sian Debata! Bagas situtu do bisukna dohot parbinotoanna! Dang adong na boi mangattusi cara ni Ibana manguhumi, jala dang adong na boi takkas patorakkon akka ulaonna! Songon hata ni na tarsurat i, ‘Ise ma na mamboto pikkiran ni Jahowa? Ise ma na boi mangalehon poda tu Ibana?’ Jala ‘Ise ma na hea parjolo mangalehon manang aha tu Debata umbahen na ikkon balosonna i?’ Ai sian Ibana do saluhutna, marhite Ibana do adong i, jala lao di Ibana do i. Sai anggiat ma dipasangap Ibana saleleng ni lelengna. Amen.”—Rom 11:33-36.
30 OKTOBER–5 NOVEMBER
ARTA NA ARGA NA ADONG DI BIBEL | JOB 11-12
“Tolu Cara asa Marbisuk jala Manfaatna tu Hita”
w09-IN 15/4 6-7 ¶17
Dang Marlea Dibahen si Job Goar ni Jahowa
17 Nang pe gok sitaonon ni si Job, aha do na mambahen ibana toktong setia tu Jahowa? Pasti ala sebelumna nungnga akrab ibana dohot Jahowa. Nang pe dang diboto si Job parsoalan ni Jahowa dohot Sibolis, alai tetap do ibana setia. Didok ibana do, “Sappe mate au, toktong do au setia tu Debata!” (Job 27:5) Boasa boi akrab si Job dohot Jahowa? Ala diboto jala dirimangi ibana do songon dia cara ni Jahowa mangurupi si Abraham, si Isak, dohot si Jakkob. Jala markeluarga dope si Job dohot nasida. Asing ni i, lomo do roha ni si Job mamparrohahon akka toppaan. Gabe diattusi ibana ma akka sifat ni Jahowa.—Jaha Job 12:7-9, 13, 16.
Sai Didongani Jahowa do Hita
10 Marale-ale ma hita tu akka dongan na gabe teladan di huria. Mardongan ma hita tu akka dongan na gabe teladan, dang soal sadia umurna manang songon dia latar belakangna. Memang Bibel mandok, “Adong do bisuk di akka na godang umurna.” (Job 12:12) Alai akka dongan na matua pe, boi do marsiajar sian akka dongan na poso. Contohna si Jonatan dohot si Daud. Dao do upposo si Daud sian si Jonatan, alai marale-ale do nasida. (1 Sam. 18:1) Tikki godang masalah ni nasida, masiurupan do halak i na dua asa toktong setia tu Jahowa. (1 Sam. 23:16-18) Si Irma, na holan sahalakna Saksi Jahowa di keluargana mandok, “Akka dongan di huria do na gabe natua-tuatta, kakakta, adekta, dohot ibototta. Nasida do dipakke Jahowa lao mangurupi hita.”
11 Ikkon berupaya do hita marale-ale tu akka dongan di huria. Alai dang sai mura mangulahon i molo parila do hita halakna. Si Ratna parila do ibana. Godang do tantangan na diadopi ibana sian keluargana tikki marsiajar Bibel. Didok si Ratna, “Husadari do na porlu au diurupi akka dongan di huria.” Memang dang sai mura paboahon perasaanta tu akka dongan. Alai molo olo hita paboahon i, gabe adong ma ale-aletta di huria. Pos ma rohatta, las do roha ni akka dongan mangurupi hita. Alai dang boi nasida mangurupi hita molo dang tapaboa songon dia perasaanta.
12 Asa boi hita marale-ale tu akka dongan na gabe teladan di huria, rap marbarita na uli ma hita dohot nasida. Si Karolina naung dipaboa nakkin mandok, “Gabe godang do donganku di huria ala jotjot au marbarita na uli jala mangulahon na asing rap dohot nasida. Dipakke Jahowa do akka donganta on mangurupi au.” Godang do pasu-pasu na dapotta molo berupaya hita marale-ale dohot akka dongan di huria. Alana akka donganta on do na dipakke Jahowa patoguhon hita tikki merasa kesepian.—Poda 17:17.
it-1-IN 931 ¶2
Bisuk
Bisuk ni Debata. Dang tartandingi bisuk ni Debata Jahowa. Didok Bibel, ‘Sasada Ibana do na marbisuk.’ (Rom 16:27; Pgk 7:12) Jahowa do na manoppa alam semesta on, ‘dang marmula jala dang marujung’ Ibana. (Ps 90:1, 2) Alani i, diboto Ibana do sudena taringot alam semesta on, isina, jala songon dia mulana. Ibana do na mambahen hukum, siklus, dohot standar fisika na dipakke jolma lao gabe dasar riset dohot penemuan ni nasida. Molo dang adong dibahen Jahowa i, dang boi jolma mangulahon manang aha pe. (Job 38:34-38; Ps 104:24; Poda 3:19; Jer 10:12, 13) Asing ni i, penting hian do standar moral na dibahen Jahowa asa boi denggan ngolu ni jolma, manat mamikkiri tindakanna, jala boi nasida marhasil. (5Mus 32:4-6; ida it-2-IN 1208 YEHUWA [Allah yang memiliki standar-standar moral].) Sude do diboto Jahowa. (Jes 40:13, 14) Memang saonari dipasombu Debata do berkembang standar ni jolma na maralo tu standar ni Debata. Alai haduan, padengganonna do i muse asa sesuai tu lomo ni rohana jala “pasti marhasil” do rencanana.—Jes 55:8-11; 46:9-11.
Arta na Adong di Bibel
w08-IN 1/8 11 ¶5
Cara Berkomunikasi Dohot Anakkonmuna na Remaja
▪ ‘Huattusi do aha sebenarna maksud ni hatana i?’ Job 12:11 mandok, “Pinggol do na mamboto denggan manang na dang begeon sada hata songon dila na mandai sipanganon.” Sering do ra asal dipandokkoni anakkonmuna na remaja hatana. Hape sebenarna dang songon i maksudna. Alani i porlu do diattusi hamu aha sebenarna lapatan ni hata ni gellengmuna i. Misalna olo do ra didok nasida, “Sai torus do hira dakdanak au dibahen bapa on!” manang “Dang hea olo omak mambege au!” Daripada diparsoalhon hamu hata “sai torus do” dohot “dang hea”, coba ma jo lapati hamu maksud ni hatana i. Bisa jadi dang songon i maksudna. Misalna molo didok, “Sai torus do hira dakdanak au dibahen bapa on” olo do ra maksudna, “Na so yakin do bapa tu au?” Manang molo didok, “Dang hea olo omak mambege au” olo do ra maksudna, “Au naeng paboahon perasaanku.” Alani i, berupaya ma mangattusi aha sebenarna lapatan ni hata ni gellengmuna i.