Marpungu Marhite Video-conference

Di godang negara di liat portibi on, diorai pamaretta do akka halak mambahen pertemuan jala ikkon jaga jarak. Diihutton Saksi Jahowa do pengaturan na dibahen pamaretta i. Alai torus do nasida beribadah nang pe dang pungu nasida di sada inganan. Jadi dipakke nasida ma aplikasi video-conference songon zoom asa boi nasida beribadah.

Asa boi torus marpungu lao beribadah ganup minggu, disetujui Punguan na Mangaradoti ma asa dipakke dana sumbangan lao manuhor akun zoom tu akka huria. Pengaturan on mangurupi akka huria na so boi manuhor akun video-conference, ala massai arga do i. Olo do sappe 200 sahat tu 300 ribu rupiah lobi sabulan. Sebelumna, mamakke aplikasi na gratis do akka huria on. Alai gabe holan saotik do na boi dohot jala hurang aman do i. Alai dung mamakke akun zoom na sian organisasi i, gabe aman ma tikki mamakke zoom jala godang ma na boi dohot tu acara ibadah i. Sahat tu saonari nungnga adong lobi sian 65.000 huria di lobi sian 170 negeri na mamakke akun zoom na sian organisasi on.

Misalna di Indonesia adong sada huria i ma huria Kairagi di Manado, Sulawesi Utara. Sebelumna, mamakke aplikasi video-conference na gratis do huria on. Alai saonari nga dipakke nasida be akun zoom na sian organisasi. Donganta si Hadi Santoso mandok, “Godang do akka dongan na so pola malo mamakke perangkat elektronik, alai dung mamakke akun zoom na sian organisasi, jadi dang pola porlu nasida mulak-ulak masuk tu zoom meeting tikki marpungu. Gabe dinikmati nasida ma parpunguan i.”

Donganta si Lester Jijón, Jr., sintua di huria Guayacanes Oeste di Guayaquil, Ekuador mandok, “Susa do parhepengon ni akka dongan dison. Jadi piga-piga huria dang boi manuhor akun zoom asa boi sude akka dongan dohot marpungu. Alai dung adong akun zoom na sian organisasi, gabe godang ma na boi dohot marpungu. Jala boi do diundang hami manang ise pe, alana dang dibatasi godang ni halak na boi dohot tu zoom i.”

Donganta si Johnson Mwanza, sintua di huria Ngwerere North di Lusaka, Zambia, mandok, “Godang do akka dongan na sering mandok, ‘ala dibahen pengaturan zoom na sian organisasi on, gabe lam kompak do hami dohot akka dongan. Jala dihilala hami do holong ni Jahowa jala disarihon do hami.’”

Hepeng na dipakke lao manuhor akun zoom ni organisasi on, dibuat sian dana na dipakke tu penanggulangan bencana. Dana on sian sumbangan sukarela na dipakke tu ulaonta di liat portibi on. Jala godangan sumbangan on dilehon marhite donate.jw.org. Mauliate ma di sude sumbanganmuna i akka dongan. Sude sumbangan on dipakke do lao mangurupi akka donganta di liat portibi on.​—2 Korint 8:14.