Sudena i Alani Senyuman!

DI SADA daerah bisnis di Baguio Filipina, manjaga gerai ma donganta si Helen. Adong ma dua anak boru lewat sian i, diida nasida do gerai i alai dang pola dijonoki. Alai ala senyum do donganta si Helen tu nasida na dua, gabe senyumna i do na diingot halak i.

Tikki marbus nasida naeng mulak tu jabu, diida ma sada Bale Harajaon. Diida nasida ma disi tanda jw.org, na sarupa songon na adong di gerai ni si Helen i. Turun ma nasida sian bus i, diida ma jadwal parpunguan na adong di gerbang ni Bale Harajaon i.

Jadi ro ma dua anak boru i tu parpunguan. Dang dirippu nasida boi pajuppang dohot si Helen di Bale Harajaon i. Pittor ditanda nasida do si Helen alani senyumna i. Didok si Helen, “Tikki ro nasida manjuppangi au, didok rohakku ma, ai ise nuaeng on? Boasa ro nasida manjuppangi au, na adong do salakku?” Alai dipatorang borua na dua i ma, boasa sappe ro nasida tu Bale Harajaon.

Las do roha ni nasida na dua di parpunguan i, ala burju-burju do akka dongan diida nasida disi. Jala tikki diida nasida akka dongan paiasson Bale Harajaon sae marpungu, dipangido nasida do asa dohot mangurupi paiasson. Sada sian anak boru i ujungna pinda do tu negara na asing. Alai na sada nai, nga jotjot be ibana ro marpungu jala gabe marsiajar Bibel do ibana. Sudena i alani senyuman!