Adong do Ayat ni Bibel na Boi Menghibur Rohakku?
Alus ni Bibel
Adong. (Rom 15:4) Ida ma piga-piga contoh ayat ni Bibel na boi menghibur roha ni akka halak tikki nasida menghadapi situasi na maol jala tikki lungun roha ni nasida.
Na lao dibahas di artikel on
Tikki masa situasi na maol
Psalmen 23:4: “Nang pe mardalan au di rura na massai golap, dang mabiar au, ai didongani Ho do au.”
Artina: Molo martangiang hamu tu Debata jala dilului hamu petunjuk sian Bibel, boi ma hamu barani menghadapi situasi na maol.
Pilippi 4:13: “Margogo do au di sude na masa, ala dilehon Debata do huaso tu au.”
Artina: Sanggup do Debata mangalehon tu hamu gogo asa boi hamu mangatasi masalah manang aha pe.
Tikki mate halak na tahaholongi
Parjamita 9:10: “Dang adong ulaon, rencana, parbinotoan, manang bisuk di bagasan Kuburan.”
Artina: Dang menderita akka halak naung mate, dang boi be nasida mangganggu hita, jala dang diboto nasida be agia aha.
Ulaon ni Apostel 24:15: “Na lao dipahehe Debata do halak na burju dohot halak na jahat.”
Artina: Sanggup do Debata mambahen mulak mangolu muse halak na tahaholongi.
Rasa bersalah na berlebihan
Psalmen 86:5: “Ale Jahowa,a na burju do Ho jala rade manalpuhon hasalaan. Sai dipatudu Ho do holong ni roham tu sude halak na jou-jou tu Ho.”
Artina: Diampuni Debata do akka halak na benar-benar menyesali kesalahanna di tikki naung salpu jala na marsitutu dang mengulangi kesalahanna i muse.
Psalmen 103:12: “Songon dao ni timur tu barat, songon i ma dao ni hasalaatta dipadao Ibana sian hita.”
Artina: Molo nungnga diampuni hasalaatta, hira na dibolokkon Ibana do sude dosatta i lobi sian na boi tabayakkon. Dang dipaingot-ingot Ibana be i lao menghakimi hita manang lao menghukum hita.
Tikki marlungun ni roha
Psalmen 31:7: “Nungnga diida ho hasusaakku, takkas do diboto Ho arsak ni rohakku.”
Artina: Diboto Debata do sude hasusaatta. Diattusi Ibana do songon dia perasaanta, nang pe halak na asing dang adong na mangattusi.
Psalmen 34:18: “Jonok do Jahowa tu halak na mandele. Dipalua Ibana do akka halak na marmetmet ni roha.”
Artina: Marjanji do Debata lao mangurupi hamu tikki lungun rohamuna. Lehononna do tu hamu gogo asa sanggup mangatasi perasaanmuna na haccit i.
Tikki marsahit
Psalmen 41:3: “Tikki peak ibana di podoman ala marsahit, dipargogoi Jahowa do ibana.”
Artina: Molo marsahit na parah hamu boi do dilehon Debata gogo dohot dame ni roha tu hamu. On mangurupi hamu sabar, martahan, jala gabe marbisuk mambahen keputusan.
Jesaya 33:24: “Dang adong nanggo sahalak pe . . . na mandok: ‘Marsahit do au.’”
Artina: Marjanji do Debata molo di sada tikki annon sude jolma sehat jala marlas ni roha.
Tikki stres dohot khawatir
Psalmen 94:19: “Tikki marsak situtu rohakku, diapuli Ho do au jala dibahen Ho do las rohakku.”
Artina: Tikki stres hita, molo talului bantuan sian Debata urupanna do hita asa boi tetap tenang.
1 Petrus 5:7: “Pasahat hamu ma sude holso ni rohamuna tu Ibana, ai diparrohahon do hamu.”
Artina: Diparrohahon Debata do hita tikki susa. Dipangido Ibana do asa martangiang hita tu Ibana asa tapaboa sude holso ni rohatta.
Tikki masa porang
Psalmen 46:9: “Dipaujung Ibana do akka porang di saluhut tano on.”
Artina: Satokkin nai, disingkirhon Harajaon ni Debata nama sude porang sian tano on.
Psalmen 37:11, 29: “Molo halak na lambok roha, dilehon do tano on gabe parbagianan ni nasida, marlas ni roha situtu ma nasida, ai dame do ngolu ni nasida. . . . Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”
Artina: Na lao dame ma ngolu ni halak na lambok roha di tano on saleleng ni lelengna.
Tikki khawatir taringot masa depan
Jeremia 29:11: “‘Takkas do huboto aha na lao bahenokku tu hamu,’ ninna Jahowa, ‘hadameon do na lao bahenokku tu hamu dang jea. Jala marjanji do Au na boi pos rohamuna na lao denggan do ngolumuna di ari na naeng ro.’”
Artina: Dijamin Jahowa do na massai denggan masa depan ni naposona di ari na naeng ro.
Pangungkapon 21:4: “Apusan ni Debata ma nasa ilu-ilu sian mata ni nasida. Dang adong be hamatean nang arsak ni roha, nang angguk-angguk, nang na haccit, dang disi be. Ai nungnga salpu na parjolo i.”
Artina: Nungnga marjanji Debata lao manalpuhon sude akka na jahat dohot hasusaan na dihilala hamu saonari on.
a Jahowa, i ma goar ni Debata na disurat di Bibel. (Psalmen 83:18) Ida artikel “Ise do Jahowa i?”