SIFAT 4
Martanggung Jawab
AHA MAKSUDNA?
Molo martanggung jawab do sasahalak, pasti boi do ibana denggan pasaehon tugasna jala tepat waktu, jala tarparbaga do nasida.
Boi do sasahalak gabe halak na martanggung jawab molo diajari ibana mulai sian na gelleng. Bukku Parenting Without Borders mandok, “Tikki marumur 15 bulan dakdanak, biasana nungnga boi dioloi ibana hata ni natua-tuana. Tikki marumur hira-hira 18 bulan, lomo do rohana maniru manang aha pe na diulahon natua-tuana. Di godang negara, nungnga diajari natua-tua gellengna tikki marumur lima sahat tu pitu taon asa dohot mangurupi tugas di jabu. Nang pe gelleng dope nasida, alai sebenarna boi do dakdanak denggan pasaehon tugasna.”
BOASA PENTING?
Godang do akka na poso na so tolap mandiri. Biasana ala dang diajari nasida boha carana mangatur hepeng dohot paiasson jabu. Jala dang hea diajari nasida mangalului hepeng.
Jadi ikkon diajari hamu do gellengmuna mulai sian saonari asa gabe halak na martanggung jawab nasida molo nungnga balga. Menurut bukku How to Raise an Adult, “Molo terbiasa do dakdanak sai mengharappon natua-tuana, pasti dang boi nasida gabe halak na mandiri molo nungnga balga.”
CARA MANGAJARHON I
Lehon ma tugas ni gellengmuna di jabu.
PRINSIP NI BIBEL: “Adong do laba ni ganup halojaon.”—Poda 14:23.
Sebenarna lomo do roha ni dakdanak mangurupi natua-tuana. Jadi lehon ma tugas ni gellengmuna di jabu.
Adong do natua-tua na so tega mangalehon tugas tu gellengna. Menurut nasida, nga palojahu gellengna makkarejohon PR.
Alai molo dilehon tugas tu dakdanak di jabu, biasana ummalo do nasida di sikkola. Alana nungnga somal nasida pasaehon tugasna di jabu. Bukku Parenting Without Borders mandok, “Molo dang dipasomal dakdanak mangurupi natua-tuana, gabe dirippu nasida ma dang penting mangurupi halak na asing. . . . Akibatna gabe holan naeng dilayan-layani ma nasida.”
Jadi molo diajari do dakdanak mangulahon karejo di jabu, boi ma gabe lomo roha ni nasida mangalehon, dang holan na manjalo. Boi ma dihilala nasida adong do tanggung jawabna di keluarga. Jala sude do anggota keluarga martanggung jawab mangulahon tugasna.
Ajari ma gellengmuna asa martanggung jawab tikki mambahen kesalahan.
PRINSIP NI BIBEL: “Tangihon ma poda jala olo ma ho diajar-ajari, asa gabe halak na marbisuk ho.”—Poda 19:20.
Molo mambahen kesalahan gellengmuna, unang ma tabunihon i. Ajari ma ibana asa martanggung jawab tu kesalahanna. Misalna molo dang sengaja sega barang ni donganna dibahen ibana, ajari ma gellengmuna asa olo ibana minta maaf manang olo menggatti barang ni donganna i.
Molo nungnga somal sahalak dakdanak martanggung jawab tikki mambahen kesalahan, dung balga boi ma ibana gabe halak na
jujur
dang sai manudu halak na asing
dang sai mangalului sidalian
olo minta maaf