Aha do Pengaruh ni Handphone tu Hubunganmu dohot Donganmu?

• gabe dang diattusi be perasaan ni donganna.

• gabe merasa kesepian.

• jala gabe holan dirina na diparrohahon.

AHA MA NA IKKON DIBOTO HAMU

MANGATTUSI PERASAAN NI DONGAN

Asa boi taattusi perasaan ni sasahalak, ikkon tabahen do tikki lao mamikkirhon ibana. Alai maol do taattusi perasaan ni sasahalak molo holan na sai manjaha, mangirim pesan jala holan na mangida media sosial hita.

Molo pagodangku pesan na masuk tu handphonemuna, olo do gabe asal dibalas hamu sude akka pesan i. Nang pe sebenarna, adong do sian pesan i na so pola porlu ikkon dibalas. Hape, gabe dang diparrohahon hamu be adong sada pesan sian donganmuna na porlu ibana diurupi.

PIKKIRHON MA: Tikki makkirim pesan hamu tu donganmuna, songon dia do hamu patuduhon na “sapakkilalaan” dohot donganmuna i?—1 PETRUS 3:8.

MERASA KESEPIAN

Sada penelitian mandok, godang do halak dang bahagia dung mangida postingan ni halak na asing di media sosial. Didok akka peneliti i, ala mangida gambar manang postingan di media sosial, boi do sasahalak merasa “dang marguna ngoluna dibandikkon tu halak na asing”.

Asing ni i, akka na diposting di media sosial hira na patuduhon na torus do bahagia ngolu ni halak na asing. Alani i, molo sai taida postingan ni halak di media sosial, boi do i mambahen hita merasa dang bahagia ngolutta.

PIKKIRHON MA: Tikki marmedia sosial, boha do carana asa unang dibanding-bandikkon hamu dirimuna dohot halak na asing?—GALATIA 6:4.

HOLAN MAMIKKIRHON DIRINA SANDIRI

Sahalak guru mamparrohahon, adong piga-piga muridna holan mamikkiri dirina sandiri jala olo mardongan holan tu halak na boi mangurupi nasida.a Jadi adong do halak manganggap donganna i, songon handphone na dipakke holan naeng menghibur ibana. Molo porlu ibana tu donganna i, baru pe didongani. Alai molo dang porlu be, ditinggalhon do donganna i.

PIKKIRHON MA: Aha do na naeng dipatudu hamu sian postinganmuna di media sosial? Na naeng bersaing do hamu manang asa sai diparrohahon?—GALATIA 5:26.

AHA NA BOI DIULAHON HAMU

PIKKIRHON MA NAENG TU AHA DO DIPAKKE HAMU HANDPHONE

Molo diboto hamu do lao tu aha dipakke hamu handphone i, gabe bermanfaat do i di hamu. Misalna, gabe boi ma hamu manelepon donganmuna jala gabe lam akrab ma hamu.

Pillit ma akka saran na di toru on, manang surat ma aha na lao diulahon hamu.

• Makkatai langsung tu sasahalak sian apala holan mangirim pesan manang email

• Tikki makkatai dohot halak na asing, padao ma handphone i manang pamate nada deringna

• Mangorui tikki lao mangida media sosial

• Denggan manangihon halak tikki makkatai

• Manelepon dongan na adong masalahna