2 | Bijak ma Manggunahon Akka na Adong di Hamu

BOASA PENTING

Tiap ari, godang do halak di portibi on na susa mangalului siallangonna. Jala ala nga sursar keadaan ni portibi on, tamba susa ma nasida mangulahon i. Boasa?

• Molo adong masalah manang terjadi bencana di sada daerah, biasana pittor naik do arga ni situhoron disi.

• Molo terjadi bencana di sada daerah, lam godang ma pengangguran disi manang gabe lam otik ma gaji ni parkarejo.

• Molo terjadi bencana di sada daerah, boi do gabe hancur akka bisnis, jabu, manang akka barang na asing. Jala gabe godang ma halak na lam marpogos.

Na Porlu Diboto Hamu

• Molo bijak hamu mangatur hepengmuna, boi ma adong annon pakkeonmuna molo terjadi krisis.

• Ingot ma dang boi tajamin torus adong karejotta, hepengta, dohot artatta.

• Godang do na so boi tuhoron ni hepeng, misalna las ni roha dohot keluarga.

Na Porlu Diulahon Hamu Saonari

Na didok Bibel, “Alani i molo adong sipanganon dohot pakkeatta, las ma rohatta disi.”​—1 Timoteus 6:8.

Molo nungnga terpenuhi kebutuhanta, las ma rohatta disi. Jala unang ma naeng tatuhori sude pangidoan ni rohatta. Porlu hian do cara marpikkir sisongon on, tarlumobi molo adong masalah manang terjadi bencana di daerahta.

Asa boi las rohatta tu akka na adong di hita, porlu do tabahen sederhana parngoluotta. Molo tapaksahon manuhor barang na so sanggup tatuhor, boi do gabe masalah annon i di hita.