LAUT

Keadaan ni Laut Saonari

Terancam do akka terumbu karang, korang, dohot makhluk hidup na asing na adong di laut alani perubahan cuaca saonari. Menurut akka ilmuwan, molo songon i do torus situasina, 30 taon nai boi do terancam punah hampir sude terumbu karang. Hape saparopat sian makhluk laut, bergantung tu terumbu karang i do.

Menurut akka ahli, 90 persen sian akka burung na mambuat sipanganon sian laut, mangallang akka barang sian plastik. Jala marjuta do akka binatang laut na mate ganup taon alani sampah plastik.

Di taon 2022 didok Sekretaris Jenderal ni PBB si António Guterres ma, “Saleleng on dang tarawat lautta. Alani i nga darurat be situasina saonari.”

Dirancang do Planet Bumi asa Boi Bertahan

Sada bukkua na mambahas taringot perubahan iklim mandok, molo dang pakotorhu laut dibahen jolma, “adong do sebenarna proses alami di laut na boi mambahen laut dohot akka makhluk hidup na di bagasanna tetap ias”. Parrohahon ma piga-piga contoh:

• Adong do makhluk hidup na gelleng hian di laut na goarna fitoplankton. Fitoplankton menyerap karbon dioksida, i ma gas utama na mambahen pemanasan global. Godang ni karbon dioksida na diserap fitoplankton i hampir sarupa ma tu godang ni karbon dioksida na diserap sude hau, ramba-ramba, dohot akka suan-suanan na adong di tano on.

• Gabe kotor do laut alani akka dekke na marmatean. Alai adong do bakteri na mangallang akka dekke i. Dung i diallang akka binatang laut na asing ma akka bakteri i. Alani i ma “tetap ias laut” menurut situs web Smithsonian Institution Ocean Portal.

• Godang do makhluk hidup di laut na kotoranna boi mangorui kadar keasaman air laut, ala diproses do i di sistem pencernaanna. Jala denggan do i alana molo patimbohu kadar keasaman air laut, boi do gabe mate akka terumbu karang, korang, dohot makhluk hidup na asing.

Aha ma Naung Diulahon Saleleng on?

Lao mangorui akka sampah na adong di laut, dipaingot akka pakar do jolma asa mamakke tas, alat-alat, manang akka barang na tahan lama daripada mamakke akka barang manang alat na sian plastik na sahali pakke.

Alai dang holan i. Baru-baru on, di bagasan sataon adong ma sada organisasi lingkungan hidup na papunguhon hira-hira 8.300 ton sampah na dibolokkon tu pantai. Dipapungu do i sian 112 negara. Alai holan 0,1% dope i sian godang ni sampah na dibolokkon tu laut ganup taon.

National Geographic mandok, “Nungnga massai timbo be kadar keasaman di laut. Alani timbona, mungkin dang boi be i diatasi. Ala nga tung massai godang bahan bakar na dipakke jolma, proses alami na di laut i pe, dang tolap be mambahen laut i tetap ias.”

Bibel Paposson Rohatta

“Gok do na binahenmu di tano on. Adong do muse laut na bidang jala na bagas, gok do disi akka na mangolu, na balga nang na gelleng.”—Psalmen 104:​24, 25.

Dirancang Panoppa i do laut i asa boi tetap ias. Pikkirhon ma: Ala Ibana do na manoppa laut dohot sude na di bagasanna, menurut hamu boi do dipadenggan Debata lautta naung sega dibahen jolma? Ida ma artikel “Janji ni Debata Taringot Tano on” di halaman 15.