Janji ni Debata Taringot Tano on

I ma kesimpulan na dibahen akka ahli tikki meneliti taringot perubahan iklim. Kesimpulan ni nasida i boi paposson rohamuna na adong do Panoppa na parduli tu jolma. Alana Ibana do na mangarancang akka siklus manang proses alami asa boi denggan sandiri tano on.

Nang pe songon i ala nungnga pagodangku na sega di tano on dibahen jolma, dang boi be tano on denggan sandiri. Ikkon adong do na diulahon Debata lao mangatasi i. Alai boasa boi pos rohatta pasti padengganon ni Debata tano on?

Parrohahon ma akka ayat na mangihut na boi paposson rohatta na lao hot do tano on salelengna jala mulak denggan muse.

• Debata do na manoppa tano on. “Di mula ni mulana ditoppa Debata ma langit dohot tano.”—1 Musa 1:1

• Debata do nappuna tano on. “Jahowaa do nappuna tano on dohot sude na di bagasanna.”—Psalmen 24:1

• Dirancang Debata do tano on asa boi bertahan. “Dibahen Ibana do tano on di ginjang ni fondasina, dang na lao meret i sian ingananna saleleng ni lelengna.”—Psalmen 104:5

• Marjanji do Debata pasti sai adong do na mangingani tano on. ‘Debata na sittong do na manoppa tano on. Dang na lao marisuang i ditoppa Ibana, alai ditoppa do i lao diingani.’—Jesaya 45:18

• Marjanji do Debata na lao mangolu saleleng ni lelengna do jolma di tano on. “Lehononna do tano on gabe parbagianan ni halak na tigor marroha, jala mangolu ma nasida disi saleleng ni lelengna.”—Psalmen 37:29

Dirancang Debata do tano on asa boi bertahan nang pe dipakke jolma torus sumber daya na di bagasanna. Alai molo palobihu dipakke jolma i, boi do gabe sega tano on. Alani i dipaboa do di Bibel, haduan di tikki naung ditottuhon Debata ripassononna do akka halak na jahat na manegai tano on.—Pangungkapon 11:18

Marjanji do Bibel na lao padengganon ni Debata Jahowa do annon tano on. Dibahen ma tano on gabe paradeiso jala ‘dibukka Ibana do tanganna mangalehon sude na porlu tu akka jolma dohot binatang’.—Psalmen 145:16