Songon Dia Do Didok Bibel?

Dialusi Debata do sude tangiang?

TANGIANG NI ISE DO NA DIALUSI DEBATA?

• Sude jolma

• Pigapiga halak

• Ndang adong

NA DIDOK BIBEL

”Donok do Jahowa di sude . . . na manjou Ibana di bagasan hasintongan.”​—Psalmen 145:18.

AHA DO MUSE NA TAPARSIAJARI SIAN BIBEL?

• Ndang ditangihon Debata tangiang ni halak na mangalo tu Ibana. (Jesaya 1:15) Alai, boi do nasida mardame dohot Debata molo marhamubaon.​—Jesaya 1:18.

• Asa dialusi Debata tangiangta, ingkon hombar do i tu na pinangidoNa.​—1 Johannes 5:14.

Ditontuhon do parpeakta tingki martangiang?

TOROP HALAK PORSEA tingki martangiang, ingkon marsinggang, unduk simanjujung, manang rap mangalompit tangan. Songon dia do molo hamu?

NA DIDOK BIBEL

Ditangihon Debata do tangiang ni halak nang pe hundul, jongjong, manang marsinggang. (1 Kronika 17:16; 2 Kronika 30:27; Esra 10:1; Ulaon ni Apostel 9:40) Ndang ditontuhon Debata parpeakta tingki martangiang.

AHA DO MUSE NA TAPARSIAJARI SIAN BIBEL?

• Ditangihon Debata do tangiang ni halak na serep roha.​—Psalmen 138:6.

• Boi do hita martangiang mamangke bahasa aha pe manang di bagasan roha.​—2 Kronika 6:32, 33; Nehemia 2:1-6.