Diboto Hamu Do?
Aha do manfaatna tu halak Israel tikki dibahen patik taringot anduhur dohot darapati gabe pelean?
DI PATIK ni si Musa, boi do anduhur dohot darapati dibahen gabe pelean tu Jahowa. Biasana duassa do pidong on dipaboa di Patik ni si Musa. Alai boi do holan sada na dibahen gabe pelean. (3 Mus. 1:14; 12:8; 14:30) Boasa bermanfaat pengaturan on? Alana anduhur dang sai adong dapot ni halak Israel. Boasa songon i?
Anduhur
Godang do anduhur di Israel saleleng musim panas. Alai setiap bulan Oktober ala ngali cuaca di Israel, pinda ma anduhur i tu inganan na hangat di sabola selatan. Molo nga sae musim dingin di Israel, mulak ma muse anduhur i. (Ende 2:11, 12; Jer. 8:7) Alani i ma, saleleng musim dingin di Israel, maol do dapot ni halak Israel anduhur na lao dibahen gabe pelean.
Darapati
Alai sebalikna molo darapati dang marpinda-pinda. Sai adong do torus pidong on di Israel. Jala biasana dipelihara do darapati on. (Bandingkon tu Johannes 2:14, 16.) Bukku Bible Plants and Animals paboahon “di akka huta dohot kota di Palestina, biasana dipelihara do darapati on. Jala di setiap jabu adong do dibahen inganan manang lubang di tembok asa boi marasar darapati i disi”.—Bandingkon tu Jesaya 60:8.
Darapati di asarna
Jadi darapati, anduhur, manang duassa pe dilehon halak Israel gabe pelean, dijalo Jahowa do i. On patuduhon Jahowa i Debata na parholong jala na masuk akkal.