Pengalaman

Patuduhon Asi ni Roha tu Sude Halak

Adong ma sahalak donganta borua di Selandia Baru na manonton video di jw.org na marjudul “Marsiurupan ma”. Video i mambahas songon dia Jahowa patuduhon asi ni rohana tu jolma. (Jes. 63:​7-9) Jadi diputusson donganta i ma lao mangurupi halak na asing. Tikki belanja ibana di ari i, pajuppang ma ibana dohot sahalak borua gelandangan. Ditawarhon donganta i ma sipanganon tu borua i. Olo do borua i manjalo. Tikki mangalehon sipanganon i, dipakke donganta i ma kesempatan i lao marbarita tu borua i, mamakke risalah Boi do Salpu Hasusaatta on?

Gabe tangis ma borua i. Dipaboa ibana ma Saksi Jahowa do sasittongna natua-tuana. Hea do ibana marsiajar Bibel, alai dang mambahen kemajuan ibana. Baru-baru on, martangiang do ibana asa diurupi mulak muse tu Jahowa. Jadi dilehon donganta i ma Bibel jala diatur nasida ma tikki lao marsiajar.a

Boi do tatiru Jahowa na patuduhon asi ni roha tu na asing, termasuk ma i tu keluarga dohot tu akka dongan di huria. Tapatudu ma muse asi ni roha marhite marbarita tu sude halak.