Asa Lam Fokus Tikki Belajar Pribadi

Lomo do rohamuna mandapot lam godang manfaat tikki belajar pribadi? Boi do dicoba hamu akka saran on asa lam fokus hamu tikki belajar pribadi:

• Lului ma inganan na cocok. Molo boi, pillit ma inganan na rapi dohot ruangan na tiur asa boi takkas hamu manjaha. Boi do hamu mamakke meja. Manang, boi do dipillit hamu inganan na nyaman di luar ruangan.

• Lului ma inganan na lungun. Songon Jesus, lao do ibana ‘tu inganan na lungun tikki holom dope ari’ lao martangiang. (Mrk. 1:35) Molo maol dapotmuna inganan na lungun, paboa ma tu keluarga manang tu dongan sajabumuna andigan hamu naeng marsiajar, asa unang diganggu hamu saleleng na marsiajar i.

• Tetap ma konsentrasi. Molo pakke handphone manang tablet hamu lao marsiajar, bahen ma tu mode hening manang mode pesawat asa unang targanggu hamu. Sipata saleleng marsiajar, olo do taringot hamu naeng mangulahon sada ulaon. Molo songon i, tumagon ma surat rencanamuna i, dung i pe ulahon molo nga sae marsiajar. Molo maol dihilala hamu fokus tikki marsiajar, denggan do molo istirahat hamu.