Cara Mangingot Akka Ayat ni Bibel

Pasti adong do akka ayat favoritmuna na boi mangapuli rohamuna, na mangurupi hamu mambolokkon akka pikkiran na sala, jala na boi dipakke hamu lao patoguhon roha ni na asing. (Ps. 119:​11, 111) Alai, maol do dihilala hamu lao mangingot akka ayat i? Parrohahon ma piga-piga saran na boi dicoba hamu:

• Pakke ma fitur “kategori” di JW Library^®. Bahen ma kategori “Ayat Favorit”, dung i tambahon ma akka ayat na lao diingot hamu di kategori i.a

• Surat jala bahen ma akka ayat i di inganan na jotjot diida hamu. Surat ma akka ayat i di harotas jala bahen ma i di inganan na jotjot diida hamu. Adong do na mambahen i di kaca manang di pintu ni kulkas. Adong do tong na mamoto ayat i jala dibahen ma i gabe gambar latar belakang ni HP-na manang komputerna.

• Bahen ma akka kartu na marisi akka ayat i. Surat ma goar ni bukkuna, pasalna, dohot ayatna di bagian jolo ni kartu i. Dung i, surat ma isi ni ayatna di bagian pudina. Tikki diida hamu bagian jolo ni kartu i, coba ma dokkon aha isi ni ayatna. Manang tikki diida hamu bagian pudi ni kartu i, coba ma tebak didia ayat i disurat.