Jasin fɛ’n bolɛ nun ndɛ mun

Avrili anglo’n nun’n, Santrafriki lɔ’n, sran 16.350 yɛ be trannin e Wla kpɛnlɛ aɲia’n i bo ɔ. Sran’m be nin a sɔnman nin a junman sɔ le. Kɛ e fa sunnzun afuɛ sin liɛ’n, e wun kɛ sran 3.641 yɛ be ukali su ɔ. Cadi lɔ liɛ’n, sran 4.582 yɛ be trannin e Wla kpɛnlɛ aɲia’n i bo ɔ. Lɔ kusu’n, sran’m be nin a sɔnman nin a junman sɔ le. Gine Bisao lɔ’n, jasin bofuɛ’m be ti 132. Afuɛ 2015 nun’n Marsi anglo nun’n, be nin sran 549 be suannin Biblu’n nun like. Ɔ ti kɛ nn jasin bofuɛ kun ɔ nin sran 4 tra su yɛ be suannin like ɔ. Aniaan 58 be yoli atin bofuɛ. Anglo kunngba’n nun’n, Mali nin Senegali lɔ’n, e fluwa nin e fluwa kanngan mun, nin periodiki nga aniaan’m be fa mannin’n, be nuan ukali su kpa trali titi liɛ’n. Asa kusu’n, sran nga be ko niannin be osu’n, nin be nga be nin be suannin Biblu’n nun like’n, be ukali su kpa trali titi liɛ’n. Nanwlɛ, i sɔ’n kle kɛ e Wla kpɛnlɛ cɛn’n i blɛ’n nun’n, aniaan’m be sili e ti kpɔlɛ tɛ’n i su ye dan.—2 Kor. 5:14.