JUE 117
Aklunye yolɛ’n
Nga be yili i fluwa su'n
1. Ɲanmiɛn Zoova, aklunyefuɛ,
A yoli e ye cɛn kwlaa!
A ti sanwun nin nanwlɛfuɛ,
Yɛ ɔ klun ufue’n ti dan.
A si aunvuɛ, a yo sran ye.
A yo i sɔ tratra su.
A nin manmanlɛ fata kpa.
E su wɔ aklunjuɛ su.
2. Ɔ aklunye’n i ɲin fite
Nvle nga a fali’n nun.
Be wun i sɔ be nzuɛn’n ɔ nin
Jasin fɛ nga be bo’n nun.
Like kpa nga a kle sran mun’n,
Ɔ yo sa ye lika kwlaa.
Yaci, fa ɔ wawɛ’n man e,
Naan e yo aklunyefuɛ.
3. Ye nga e yo e niaan’m be ngba’n,
Yra su naan be liɛ yo ye.
Maan e dun mmua e yo be kpa
Sanngɛ e yo sran ngba wie.
Fa ɔ wawɛ’n yra e su naan
Awlobo nin asɔnun
Nin lika kwlaa nga e ju lɛ’n,
Maan e kwla yo sran ngba ye.
(Nian Jue. 103:10; Mar. 10:18; Gal. 5:22; Efɛ. 5:9 nun wie.)