BIBLU’N I SU KOSAN’M BE SU TƐLƐ

?Ɲanmiɛn ti wafa sɛ?

Ɲanmiɛn ti aolia nun sran. Be kwlá wunmɛn i. Ɔ yili nglo’n nin asiɛ’n ɔ nin i su ninnge’n kwlaa. Sanngɛ i bɔbɔ’n leman yifuɛ. Ɔ o lɛ tititi. (Jue Mun 90:2) Ɔ klo kɛ sran’m be kunndɛ i naan be si i su ndɛ nanwlɛ’n.​—Kanngan Sa Nga Be Yoli’n 17:24-27 nun.

E kwla si Ɲanmiɛn i dunman’n. Asa ekun’n, sɛ e bo e ɲin ase e nian ninnge ng’ɔ yili be’n, é kwlá sí sran wafa ng’ɔ ti’n. (Rɔmfuɛ Mun 1:20) Sanngɛ kɛ ɔ ko yo naan y’a si i kpa ekun’n, ɔ fata kɛ e suan Biblu’n m’ɔ ti i Ndɛ’n i nun like. Biblu’n kle e Ɲanmiɛn i sran wafa ng’ɔ ti’n.​—Kanngan Jue Mun 103:7-10 nun.

?Sa tɛ nga sran’m be yo’n, ɔ yo Ɲanmiɛn sɛ?

Ɲanmiɛn m’ɔ ti e Yifuɛ’n, ɔ kpɔ sa tɛ yolɛ’n. (Mmla’n 25:16) Ɔ yili e kɛ i bɔbɔ sa cɛ. I sɔ’n ti yɛ e nun sunman e kpɔ sa tɛ yolɛ’n niɔn. Sa tɛ nga sran’m be yo’n, ɔ finman Ɲanmiɛn. Kɛ Ɲanmiɛn yili sran’n, ɔ mɛnnin i atin kɛ ɔ fɛ i klunklo ajalɛ. Sanngɛ sran kpanngban be fɛ i sɔ liɛ’n be yo sa tɛtɛ. Kɛ Ɲanmiɛn wunnin i sɔ liɛ’n, i sran yilɛ b’ɔ yili’n, ɔ yoli i nsisɔ.​—Kanngan Bo Bolɛ 6:5, 6 nin Mmla’n 6:5, 6 nun.

Ɲanmiɛn klo sa nga be yo i nuan su sɛsɛsɛ’n. Ɔ su yaciman sa tɛtɛ yofuɛ’m be lɛ sa trilili. (Jue Mun 37:28, 29) Biblu’n se kɛ ɔ ka kaan sa’n Ɲanmiɛn yó maan sa tɛtɛ kwlaa wíe.​—Kanngan 2 Piɛr 3:7-9, 13 nun.

Sɛ amun kunndɛ kɛ amún sí nun ekun’n, an nian fluwa ng’ɔ o lɛ’n ?Ngue like yɛ Biblu’n kle i sakpasakpa ɔ? i ndɛ tre 1 nun. Zoova i Lalofuɛ mun yɛ be yili ɔ.

A kwla ko fɛ i ɛntɛnɛti lika nga nun lɔ: www.pr418.com