Like fi w’a mlinman

Zezi yili atrɛ mannin yasua kɔe 5.000 be aliɛ. Bla nin ba kanngan’m be dili wie. I sin’n, ɔ seli i sɔnnzɔnfuɛ mun kɛ “be isɛ i sinsin b’ɔ ka lɛ’n naan i wie fi a mlin-man.” (Zn 6:12) Zezi kleli kɛ ɔ si like nga Zoova mannin’n, i su ye. Afin w’a saciman be.

E Anuannzɛ’n i ɲrun dinfuɛ’m be mian be ɲin be nian Zezi i ajalɛ’n su. Be yo ninnge nga e klunklo su e man’n, be cɛcɛ. I kun yɛle wafa nga be kplannin e Anuannzɛ’n i bo bia m’ɔ o Niyɔki lɔ Wɔɔwiki klɔ’n su lɔ’n. Aniaan’m be kplannin sua nga mɔ i kplanlɛ nun’n, be saciman sika’n. Ɔ maan be yoli sika nga e man’n i cɛcɛ.

?BLƐ NGA’M BE NUN’N, WAFA SƐ YƐ E KWLA YO NINNGE’M BE CƐCƐ-Ɔ?

• 

  Kɛ e o aɲia’m be bo’n.

• 

  Kɛ e fa fluwa nga e bɔbɔ é nían nun’n. (km 5/09 3 § 4)

• 

  Kɛ é fá fluwa nga mɔ é fá bó jasin’n fɛ’n. (mwb17.02 “Maan e yo Biblu’n i akua’m be cɛcɛ.” § 1)

• 

  Kɛ é bó jasin fɛ’n. (mwb17.02 “Maan e yo Biblu’n i akua’m be cɛcɛ”§ 2 , yɛ kuku’n)