MIAN Ɔ ƝIN NAAN SI JASIN FƐ’N I BO KPA | MAAN E DI AKLUNJUƐ KPA JASIN FƐ’N I BOLƐ’N NUN
Maan e kan ndɛ’n i juejue su
Kɛ e ijɔ juejue su’n ɔ uka sran nga e kan ndɛ’n e kle i’n. Yɛle kɛ ɔ ukɛ i naan w’a fɛ i ɲin w’a sie ndɛ nga e kan’n su kpa. Asa ekun’n, ɔ kle kɛ ndɛ nga e kan’n ti cinnjin. Kannzɛ e ninnge yolɛ wafa’n timan kun’n annzɛ e nzuɛn’n ti fanunfanun’n, sanngɛ e kwla ijɔ juejue su. (Rɔm 12:11) ?Wafa sɛ yɛ e kwla yo i sɔ liɛ’n niɔn?
I klikli’n, maan e bu ndɛ’n i cinnjin m’ɔ ti’n i akunndan. “Ninnge kpakpa’m be jasin fɛ’n” mɔ e bo’n ti e cenjele like. (Rɔm 10:15) I nɲɔn su’n, maan e bu wafa nga jasin fɛ mɔ e bo’n ɔ kwla uka sran mun’n i akunndan. Sran’m be mian ndɛ nga e kan’n i wun kpa. (Rɔm 10:13, 14) Kasiɛn su’n, maan e ijɔ juejue su. I sɔ yolɛ nun’n maan wafa nga é síesíe e sa’n ɔ nin wafa nga é yó e ɲrun’n be nin ndɛ nga e su kan’n be wɔ likawlɛ.
AN NIAN VIDEO NGA BE FLƐ I KƐ MAAN E SI LIKE KLE KPA NAAN Y’A DI AKLUNJUƐ SRAN’M BE LIKE KLELƐ’N NUN: MAAN E KAN NDƐ’N I JUEJUE SU. I SIN’N, AN TƐ KOSAN NGA’M BE SU:
?Ngue ti yɛ Neta i sa sin bubuli i Jadi i like klelɛ’n nun-ɔn?
?Ngue yɛ ɔ ukɛli i-ɔ?
Kɛ e yo ninnge mun juejue su’n i sɔ’n uka e wiengu mun.
?Ngue ti yɛ ɔ fata kɛ e fa e ɲin e sie i be nga e kle be Biblu’n nun like’n be nzuɛn kpa’n su-ɔ?
?Kɛ e yo ninnge mun juejue su’n, wafa sɛ yɛ i sɔ’n kwla uka Biblu’n nun like suanfuɛ mun nin sran onga mun-ɔn?