ƝANMIƐN NDƐ’N NUN NINNGE KPAKPA WIE MUN

I bo bolɛ nun’n Saili kɛnnin i wun ase

Saili kɛnnin i wun ase, ɔ maan w’a kplinman su kɛ be sie i famiɛn. (1Sa 9:21; 10:20-22; w20.08 10-11 § 11)

Kɛ sran’m be kannin Saili i wun ndɛ tɛtɛ’n w’a tɛman be su. (1Sa 10:27; 11:12, 13; w14 1/3 9 § 8)

Saili kplinnin su kɛ Zoova i wawɛ’n kle i atin. (1Sa 11:5-7; w95-F 15/12 10 § 1)

Asɔnun kpɛnngbɛn kun su fa aniaan bla kun i ɲin sie i Biblu’n nun ndɛ mma kun su. Kɛ ɔ́ yó sɔ’n nn fluwa nga be fa yia sran mun aja bo’n wo aniaan bla’n i sa nun.

Sɛ e ti wun ase kanfuɛ’n é wún i wlɛ kɛ junman nga e di i Zoova i anuannzɛ’n nun’n nin ninnge nga e si be yo’n be fin Zoova. (Rɔm 12:3, 16; 1Ko 4:7) Asa ekun’n, sɛ e ti wun ase kanfuɛ’n é láfi atin nga Zoova kle e’n su titi.