Be nga be ti nanwlɛfuɛ’n be yia nda nga be ta’n i nuan

Kanngan Jɔlɛ Difuɛ Mun 11:​30-40 nun. I liɛ’n Zɛfte nin i wa bla’n be su ndɛ’n úka ɔ naan w’a wun kɛ, kɛ e ta Ɲanmiɛn i nda’n ɔ fata kɛ e yiɛ i nuan.

Fa ɔ ɲin sie i ndɛ’n i ɲrun’n nin i sin’n su. ?Wafa sɛ yɛ Izraɛlifuɛ nga be ti nanwlɛfuɛ’n, be buli nda nga be ta Zoova’n niɔn? (Kal. 30:2) ?Wafa sɛ yɛ Zɛfte nin i wa bla’n be kleli kɛ be lafi Zoova su-ɔ?—Jɔl. 11:​9-11, 19-24, 36.

Si ndɛ’n i ngbɛsungbɛsu’m be kpa. ?I nun mɔ Zɛfte tá Zoova i nda’n, ngue yɛ ɔ buli i akunndan-ɔn? (w16.04 5-6 § 12) ?Ngue yɛ Zɛfte nin i wa bla’n be kpɔcili be naan b’a kwla yia nda ng’ɔ tali’n i nuan-ɔn? (w16.04 6-7 § 14-16) ?Nda cinnjin benin wie mun yɛ Zoova i sufuɛ’m be kwla ta be andɛ-ɔ?—w17.04 6-9 § 10-19.

Bu afɔtuɛ nga ndɛ sɔ’n man wɔ’n i akunndan. Usa ɔ wun kɛ:

• ‘?I nun mɔ ń fá min wun ń mán Zoova’n, nda nga n tɛli i’n, ngue yɛ ɔ kwla uka min naan m’an yiɛ i nuan-ɔn?’ (w20.03 13 § 20)

• ‘?Ngue yɛ n kwla yaci i yolɛ naan m’an su Zoova kpa m’an tra laa-ɔ?’

• ‘?I nun mɔ e nin min yi annzɛ min wun é já’n, nda nga n tɛli i’n, ngue yɛ ɔ kwla uka min naan m’an yiɛ i nuan-ɔn?’ (Mat. 19:​5, 6; Efɛ. 5:​28-33)