29 Dangan sinabi nin Diyos: “Uya itinao ko saindo an gabos na pananom na may pisog na yaon sa ibabaw kan daga saka an gabos na kahoy na an bunga may pisog. Magigin pagkakan nindo an mga iyan.+ 30 Asin para sa gabos na layas na hayop sa daga saka para sa gabos na nagraralayog na linalang sa kalangitan asin para sa gabos na naghihiriro sa ibabaw kan daga na may buhay,* itinao ko an gabos na berdeng pananom para magin mga kakanon ninda.”+ Asin iyo iyan an nangyari.