10 Ini an sakuyang tipan sa saindo, na uutubon mo saka kan saimong magigin gikan:* Dapat na turion an gabos na lalaki sa saindo.+

23 Pagkatapos, kinua ni Abraham an aki niyang si Ismael saka an gabos na lalaki na ipinangaki sa saiyang pamilya asin an gabos na binakal niya nin kuwarta, su gabos na lalaking kairiba ni Abraham sa harong, asin tinuri niya sinda kan mismong aldaw na idto, arog kan sinabi sa saiya nin Diyos.+

3 Kaya amay na nagmata si Abraham pagkaaga, asin inandam niya an saiyang asno asin iiniba an duwa sa saiyang mga suruguon saka an aki niyang si Isaac. Nagtiak siya nin kahoy para sa dulot na pigtututong, tapos nagpuon na sindang magbaklay pasiring sa lugar na sinabi sa saiya kan tunay na Diyos.

12 Dangan nagsabi an anghel: “Dai mo paggadanon an aki, asin dai mo nanggad siya pagkulgan, huling aram ko na ngunyan na may takot ka sa Diyos ta dai ka nagsayumang itao sa sako an saimong aki, an kasaro-sarui mong aki.”+

8 Huli sa pagtubod, si Abraham,+ kan siya apudon, nagsunod asin nagpasiring sa sarong lugar na aakuon niya bilang mana; naghali siya maski ngani dai niya aram kun sain siya maduman.+

21 Bakong si Abraham na satuyang Ama ipinahayag na matanos paagi sa mga gibo pagkatapos niyang idulot sa altar an saiyang aking si Isaac?+