19 Pero aram ko mismo na dai kamo tutugutan kan hadi kan Ehipto apuwera na sana kun igwa nin makusog na kamot na magpirit sa saiya.+ 20 Kaya uunaton ko an sakuyang kamot tanganing padusahan an Ehipto paagi sa gabos na makangangalas na mga bagay na gigibuhon ko diyan. Pagkatapos kaiyan, isusubol na niya kamo.+

6 Kaya sinabi ni Jehova ki Moises: “Mahihiling mo ngunyan kun ano an gigibuhon ko ki Faraon.+ Sarong makusog na kamot an mapirit sa saiya na tugutan sindang maghali, asin sarong makusog na kamot an mapirit sa saiya na pahalion sinda sa saiyang nasyon.”+

8 Kaya dinara giraray ki Faraon si Moises saka si Aaron, asin sinabihan niya sinda: “Sige, maglingkod na kamo ki Jehova na saindong Diyos. Pero sairisay an mahali?” 9 Nagsimbag si Moises: “Kaiba ming mahali an mga hoben, an mga gurang, an samong mga aking lalaki, an samong mga aking babayi, an samong mga karnero, asin an samong mga baka,+ dahil maselebrar kami nin kapiyestahan para ki Jehova.”+ 10 Nagsabi siya sa sainda: “Kaibanan nanggad nindo si Jehova—iyan kun tugutan ko kamong maghali kaiba an saradit nindong aki.+ Malinaw na may plano kamong gumibo nin maraot. 11 Dai ako matugot! An mga lalaki sana an puwedeng maghali asin maglingkod ki Jehova, huling iyo man sana iyan an kahagadan nindo.” Kaya pinalayas sinda sa atubangan ni Faraon.