15 Huli ta puwede ko kutang gamiton an sakuyang kamot para padusahan ka asin an saimong banwaan nin nakakagadan na hilang, asin napara ka na kuta digdi sa daga. 16 Pero sa mismong dahilan na ini pinapabayaan takang magdanay na buhay: tanganing ikapahiling ko sa saimo an sakuyang kapangyarihan asin tanganing ikapahayag ko an sakuyang pangaran sa bilog na daga.+

11 Siisay na diyos an kapareho mo, O Jehova?+

Siisay an arog mo na nakakalabing marhay sa kabanalan?+

An Saro na dapat pahilingan nin pagkatakot asin umawon paagi sa mga kanta, an Saro na naggigibo nin mga ngangalásan.+

10 Dangan sinabi ni Jetro: “Pag-umawon si Jehova, na nagligtas sa saindo sa Ehipto saka ki Faraon, asin nagligtas sa banwaan sa pang-aapi kan mga Ehipsiyo. 11 Aram ko na ngunyan na nakakalabi si Jehova sa gabos na iba pang diyos,+ huli sa mga ginibo niya sa mga guminawi nin may kapalangkawan tumang sa saiyang banwaan.”

9 Sinabi niya sa sainda: “Aram ko na talagang itatao sa saindo ni Jehova an dagang ini.+ Grabe na an takot mi sa saindo;+ pinangruruluyahan na ngani nin buot an gabos na nakaistar digdi dahil saindo.+ 10 Nabaretaan mi kaya kun paano pinamara ni Jehova an tubig sa Dagat na Pula sa atubangan nindo kan magluwas kamo sa Ehipto+ saka su ginibo nindo sa duwang hadi kan mga Amorita na si Sihon+ saka si Og,+ na linaglag nindo duman sa ibong na kampi* kan Jordan.