9 Idudulot niya an taba hali sa atang sa pakikikabtang bilang dulot na pinaagi sa kalayo para ki Jehova.+ Tatanggalon niya an bilog na matabang ikog na yaon sa may puro kan udog,* an taba na nakapatos sa bituka, an gabos na taba na nakapalibot sa bituka, 10 asin an duwang bato na harani sa parteng lomo kaiba an taba na nakapatos sa mga bato. Tatanggalon niya man an taba sa katoy kaiba an mga bato.+