8 “‘Dangan tatanggalon niya an gabos na taba kan baka na dulot para sa kasalan, kaiba an taba na nakapatos sa bituka asin an taba na nakapalibot sa bituka, 9 asin an duwang bato na harani sa parteng lomo kaiba an taba na nakapatos sa mga bato. Asin tatanggalon niya an taba sa katoy kaiba an mga bato.+ 10 Tatanggalon niya an mga iyan arog kan ginigibo sa torong baka na atang sa pakikikabtang.+ Asin papaasuhon iyan kan saserdote sa ibabaw kan altar para sa dulot na pigtututong.