36 Pitong aldaw kamong magdulot ki Jehova nin dulot na pinaagi sa kalayo. Sa ikawalong aldaw, magkakaigwa giraray kamo nin banal na dakulang pagtiripon,+ asin dapat kamong magdulot ki Jehova nin dulot na pinaagi sa kalayo. Sagradong pagtiripon iyan. Dai kamo puwedeng maggibo nin ano man na magabat na trabaho.

39 Alagad, sa ika-15 aldaw kan ikapitong bulan, pag natipon na nindo an mga produkto kan saindong daga, dapat nindong iselebrar an kapiyestahan ni Jehova sa laog nin pitong aldaw.+ Magigin aldaw nin lubos na pagpahingalo an inot na aldaw saka an ikawalong aldaw.+