6 Regular iyan na iaatang bilang dulot na pigtututong,+ arog kan ipinagbuot kaidto sa Bukid nin Sinai. Dulot iyan na pinaagi sa kalayo na an parong nakakapaginhawa* ki Jehova, 7 asin iaatang iyan kaiba kan isinasabay diyan na dulot na inumon—un-kuartong hin para sa kada lalaking kordero.+ Iula mo an arak sa banal na lugar bilang dulot na inumon para ki Jehova.

11 “‘Sa kapinunan kan kada bulan,* mag-atang kamo ki Jehova nin mga dulot na pigtututong: duwang torilyong baka, sarong lalaking karnero, asin pitong lalaking kordero na daing depekto na pararehong sarong taon an edad.+

14 Asin an mga dulot na inumon na idinudulot kaiba kan mga iyan dapat na kabangang hin nin arak para sa kada baka+ asin un-tersiong* hin para sa lalaking karnero+ asin un-kuartong hin para sa kada lalaking kordero.+ Iyan an dulot na pigtututong na iaatang kada bulan sa bilog na taon.