19 “Darahon mo sa harong ni Jehova na saimong Diyos an pinakamarahay sa mga inot na hinog na bunga kan saimong daga.+

“Dai mo pagpakalakagaan an ugbon na kanding sa gatas kan saiyang ina.+

18 “Kaulayon mo an mga Israelita asin sabihan mo sinda, ‘Pag nakaabot na kamo sa daga na dadarahan ko sa saindo 19 asin magkakan kamo kan arin man sa kakanon* sa dagang idto,+ dapat kamong magtao nin kontribusyon ki Jehova.

11 Mapapasaimo man ini: an mga porsiyon na isinusuway bilang kontribusyon+ hali sa saindang mga dulot saka an gabos na dulot na pigtuturutabyon+ kan mga Israelita. Itinatao ko an mga iyan sa saimo saka sa saimong mga aking lalaki asin mga aking babayi bilang permanenteng kahirasan nindo.+ Puwedeng magkakan kaiyan an gabos na malinig sa saimong pamilya.+

26 “Sabihan mo an mga Levita, ‘Mareresibi nindo hali sa mga Israelita an ikasampulong kabtang na itinatao ko sa saindo bilang saindong mana,+ asin dapat nindong itao ki Jehova bilang kontribusyon an ikasampulong kabtang kan ikasampulong kabtang na iyan.+

28 Bilang buhis para ki Jehova, hali sa kahirasan kan mga suldados na nakipaglaban, magkua ka nin sarong kalag* sa kada 500 na tawo, baka, asno, asin karnero. 29 Kuanon mo iyan sa inako nindang kabanga asin itao mo iyan ki Eleazar na saserdote bilang kontribusyon para ki Jehova.+