5 Imbes, magduman kamo sa lugar na pipilion ni Jehova na saindong Diyos para sa saiyang pangaran asin para magin saiyang irukan, sa lugar na pipilion niya sa saindong mga tribo, asin duman nindo siya sambahon.+ 6 Duman nindo dadarahon an saindong mga dulot na pigtututong,+ an saindong mga atang, an saindong mga ikasampulong kabtang,*+ an saindong kontribusyon,+ an saindong mga dulot para sa promesa, an saindong mga gikan-sa-buot na dulot,+ asin an inot na ugbon sa saindong mga baka asin mga karnero.+

22 “Dai ka magpalta sa pagtao taon-taon kan ikasampulong kabtang* kan gabos na bunga kan saimong banhi na itinanom mo sa saimong uma.+