21 “Dai mo pagmaltratuhon o apihon an sarong dayuhan na residente,+ huling nagin mga dayuhan na residente man kamo sa Ehipto.+

22 “Dai nindo pagpasakitan an siisay man na babaying balo o an siisay man na aki na mayo nang ama.*+

17 Huli ta si Jehova na saindong Diyos iyo an Diyos nin mga diyos+ asin an Kagurangnan nin mga kagurangnan, an Diyos na mamuraway, makapangyarihan, asin kahanga-hanga,* na mayo nin pinapalain+ asin dai nag-aako nin suhol. 18 Pinapahilingan niya nin hustisya an aki na mayo nang ama* saka an babaying balo,+ asin namumutan niya an dayuhan na residente,+ na tinatawan ini nin kakanon saka bado.

5 “Maabot ako sa saindo para maghukom, asin tulos-tulos akong matestigo laban sa mga parakulam,+ laban sa mga parasambay, laban sa mga naggigibo nin mga putik na pagsumpa,+ laban sa mga nandadaya sa tangdanan na trabahador,+ sa babaying balo, saka sa aki na mayo nang ama,*+ asin laban sa mga habong tumabang sa* dayuhan.+ Mayo sindang pagkatakot sa sako,” an sabi ni Jehova na pamayo nin mga hukbo.

27 An pagsamba* na malinig saka daing digta sa paghiling kan satuyang Diyos asin Ama iyo ini: an pag-ataman sa mga ilo+ saka babaying balo+ na nagsasakit,+ asin an pagpadanay sa sadiri na daing digta kan kinaban.+